نظامي بالنفاس جدا رائع ومرتب وسهل

السلام عليكم ورحمة الله وبركاته

كيف حالكم وايش الاخبار مع انتظار الولادة

اهيء اهيء والله ملييييييييييييييييت وانا انتظر

بس اهم شيء انها تتسهل علي يارب

اول مرة بكريه سنعه
المهم اليوم انا مسويه نفسي حرمه سنعه:cook:

مع العلم اني اكره كلمه حرمه لاني احس اذا احد قالها لي اني دببه واحط طرحه وعندي درزن عيال خخخخخخخ

المهم بدخل بشغل الحريم السنعات

وهو اني بعد ماتعبت من انتظار الولادة قلت لنفسي وراء ما تتسنعين يالخبله وتسوين نظام لنفاسك وتريحين امك وخواتك والشغاله

فبدا المشوار مع النظام والتجهيز

وبالصراحه نظام رائع جدا جدا جدا <<احم احم :35:

واللحين ببدا معكم من البدايه يعني اول ماتصحين من النوم الى ان تنامين


*********************************************************************************

اول شيء عند الصباح وعلى الريق خذي ملعقتين من السفوف التاليه

ك حلبه + نص ك حبه سوداء +فنجان شمر + م ك قرنفل

تطحن وتوضع بعلبه وتستخدمينها لمدة 20 يوم الاولى

طبعا انا طحنتها وحطيتها بعلبه وكتبت بورقه سفوف الايام الاولى ولصقتها بلصق الفلوس المائي:hahaha:

المهم بعد ما تلهمين الملعقتين اشربي عليها حليب


وخذي علب حقت التمر البلاستيكيه وصفي فيها تمر

طريقته طلعي النواء منه ثم حطيه بقدر وحطي معه رشاد وحبه سوداء بس لاتكثرين منها وكثري من الرشاد لانه مفيد وحطي بعد معها سمن غنم بس بعد لاتكثرين منه

المهم اعجنيها ثم حطيها على النار شوي وابدي بتكويرها كور يعني كور بحجم اللقمه

وصفيها بالعلبه والافضل انك تكورين 40 حبه يعني تريحين عمرك ماتقومين كل يوم وتسوينها

بس ما عليك الا انك تحطين كورة التمر على النار لم تحتر ثم تاكلينها مع كوب الحليب بعد السفوف

والخطوة الثانيه

روحي للحمام واملئي المغطس البلاستتيك ماء دافيء وملح ومرة واقعدي فيه لمدة 10 دقايق ثم جففي نفسك زين

وامسحي الفوطه بمطهر بيتادين تلقينه بالصيدليه

او امسحي منطقه الجرح بقطنه مبلله من البيتادين
ثم البسيها

واطلعي من الحمام وادخلي الغرفه وادهني جسمك بزيت زيتون او زيت سمسم بس يكون مدفيته على النار

وبعدها البسي المشد الاندنوسي والبسي سروال طويل قطن والبسي شرابات وقميصك ولاتنسين الطرحه لانها مهمه

وطبعا بعدها بيكون فطورك جاهز افطري واذا حابه تزيدين عليه حلبه او قرفه زيدي عليه هذي حريه شخصيه خخخخ

المهم نامي وريحي عمرك

وبعد كل ساعتين او ثلاث بدلي الفوطه وكل مرة بدلي اللي تحطينه على الفوطه يعني مرة حطي بيتادين ومرة حطي ريالوكين عشان تتبنج الخياطه ولا تصير تعورك ومرة حطي المرة وهذا

ولاتخلين نفسك جوعانه ابد


المهم الخطوه الثالثه

بعد الغداء اشربي منقوع العنزروت وهو عبارة عن

ملعقتين من العنزروت مع ملعقه صغيرة من المرة و ملعقه صغيرة من الحلبه وشويه مويه


وبفترة العصر

الخطوة الرابعه

شاي الاعشاب حطي بجنبك الترمس او الزمزميه او الثلاجه او الدفايه <<شوفو ما قصرت بكل اللهجات جبتها لكم

وكل شوي اشربي منها

وهي عبارة عن

نصف كيلو مراميه + اعواد الشيح + نصف كوب كمون + قليل من قشر القهوه + كوب قرفه +كوب ينسون

طبعا انتي اخلطيها مع بعض ثم حطيها بعلبه حليب مجفف كبيره وكل يوم خذي 3 ملاعق مع 3 اكواب ماء واطبخيها ثم حطيها بالترمس واشربي منها


الخطوة الخامسه حطي لك فراش بالحوش وبنهايه العصر اطلعي انت والبيبي وانسدحو تحت الشمس لانها مفيدة لك وللبيبي:04:

الخطوة السادسه

روحي للحمام وقت تبدليل الفوطه بفترة المغرب او العشاء واغسلي مكان الخياطه بصابونه فرجيتني ومكتوب عليها للولاده بحيث انها تضيق وتساعد على اللتحام الرحم وتنظف وتزيل الاوساخ

وبكذا بتكونين كملتي يومك بهتمام بنفسك


واما الايام الاخيرة 20 يوم

مو كل شيء بيتغير

عندك السفوف اللي على الريق

عباره عن

كوب حبه سوداء + 1 م ك قرنفل + 1 م ك دارسين + 1 م ك فلفل اسود +1 م ص محلب + فنجان كمون + 1 م ك نونخه +فنجان شمر

والطريقه نفس سفوف الايام الاولى

وطبعا نفس الشاي اللي بالترمس مايتغير ونفس الغسول ما يتغير

بس طبعا البخور بيكون بالايام الاخيرة

يعني يوم تبخري بخوا جوا ويوم تبخري بالكبو

وطبعا لاتنسين تمارين كيجل وتدليك البطن واسفله عشان يرجع الرحم لوضعه الطبيعي

واما اذا جات الامساك وما ادراك ما الامساك:06:

عليك ببعض الخطوات

اشربي سوائل بكثرة والاهم هو الماء

تناولي الالياف بوجباتك بكميات كافيه

استخدمي ملين من الصيدليه

احرصي على الحركه والمشي

ابتعدي عن عن الاكلات اللي يصعب هضمها مثل الرز

واما سلس البول فعليك بتمارين كيجل

وان شاء الله افدتكم

وانتظروا موضوعي عن خلطات النفاس للبشرة بدون تعب ترجعين قمر

واي سوال انا حاظرة

وطبعا هي اشياء جمعتها من كتب ومن تجارب ومن نظام فيافي