نظامي بالنفاس طلي علي ياحلوه..

دلوعه بس أعجبك :

السلام عليكم ورحمة الله وبركاته كيفكم يانفوسات.... 😂وكيفكم ياحوامل.. الله يهون علي وعليكم يارب.. اليوم بوريكم خطتي بالنفاس من اعشاب وخلطات هذا ثالث ولاده بتكون لي بأذن الله.. نفاساتي الثنتين الي قبل كنت اطلب من التاجرات شنط نفاس وما اكذب الحمد لله استفيد بس اخسر كبدي لمدة سنه بس اعالج تقرحات الكبد و الجرثوومه في نفاسي الثاني جتني من هالخرابيط.. عاد بهالنفاس قررت امشي على أشياء واضحه والأساسيه بعد اطلاع على المواضيع المتعلقة بهذا الشأن.. طبعا اعجبني جابر القحطاني كلامه واضح والأشياء الي كتبها فعلاً حسيت انها مهمه.. واكيد استعنت بجدتي وامي برئيهم بهذا الموضوع..  وطلعت بالتالي..  اذا حسيتو انه ناقص شي مهم بلغوني واذا عجبكم عليكم بالعافيه تطبيقه..  أولاً.. الدفاء ثم الدفاء ثم الدفاء.. لبس ملابس داخليه وفوقها سروال طويل مع بدي للصدر وشرابات ارجل وغير لبسك خليه كم طويل يدفيك والبسي شال عن الهواء.. ثانيا..  الجوع أياكم من الجوع.. لازم تكون عندك ثلاث وجبات اساسيه..  الفطور.. تمر مع سمن مع حليب مع اي اكله بر تحببن تفطرين عليها.. الغداء.. ايدام مع لحمه..  وممكن طبق جانبي رز او مكرونه الي حابه... العشاء.. خبز توست بر.. ويكون جنبه جبن بيض دجاج الي تحببن تاكلين معه..وكاسة حليب بين الوجبات ممكن تاكلين بساكيت او مخبوزات الي تحبين انتي..  ثالثاً.. اللهموم يستعمل كاتالي مع الوجبات.. الفطور..  ملعقة حلبه مطحونه وملعقة ماش مطحون و توضع مع حليب على النار حد ماتغلى بس وتحلى بالعسل حسب الرغبه ..رشاد اول عشر أيام مع التمر ..الغداء..فلفل اسود وفلفل ابيض يوضع على الأدام.. من بعد العصر .. تسوين لك ترمس يكون جواته قشر قهوه مقدار فنجال قهوه  و قرفه و شمر وينسون والتحليه عسل اذا تحبين وتشربين منها طول اليوم.. العشاء ..( تسوين لك منقوع مر مع ماء كل ثلاث أيام بعدين ترمينها اذا ماخلصت وتكون بالثلاجه عشان مايخرب المر )( منقوع المر.. تجبين علبه مويه ام ريال وتحطين ربعها مر وتعبينها ماء لو يكون زمزم افضل وتركيها تنقع لين يذوب المر )( عند الاستعمال ترجين العلبه وتصبين نص كاسه من المنقوع والنص الثاني ماي دافي وتشربينها ) وهكذا البخور.. سيقان الطلح و قشر بصل وكسرة مره ويكون  (بعد الولاده ب أسبوعين)الجسم .. زيت زيتون وزيت خروع تخلطينهم وكل يوم تدهنين جسمك ينضفه ويشده  ..التحاميل ..ملح فارسي ..مر ..قشر رمان ..محلب.. يعجن بعسل وتوضع بشاش طبي وتستعملين الشاش من جوى تدخلينه وتخلين طرف طويل وتسوينها بالليل وقت النوم اذا قمتي من النوم اسحبي الشاش وارميه هالطريقه حلوه عشان مايكون فيه بقايا جوى تصيرين خذيتي الفايده والي ما ذاب نزلتيه ويستعمل (بعد عشرين يوم الأوله مدة عشر أيام)  العشر الايام الاخيره تستعملين تحاميل من الصيدبيه اسمها البوثيل مرره ممتازه يوم ايه ويوم لا.. لحد ماتخلصين.. رابعا..  نضافة الجسم شي مهم موب لازم كل يوم تاخذين دش لاكن كل يوم غيري ملابسك كامله وحطي بودره جسم.. ويوم اغسلي جسمك ويوم لا..  الشعر حاولي كل خمس ايام تغسلينه لاتكثرين غسل الشعر...  وحاولي تاخذين الشاور وانتي جالسه على كرسي او الأفرنجي..  خامساً.. اذا كان فيك خياط تنقعي كل يوم في ماء دافي وملح من ثاني اسبوع من الولاده..  وحطي بالفوطه الصحيه من منقوع المر سوي لك وخليه بدورة المياه.. ماعليه مايخرب لانه مو شرب وكل ثلاث ايام غيريه.. وفيه حاجه اسمها الارطاء او يسمونها دباغ تاخذين مقدار الكف على اربع كاسات مويه وطبخينها مدة ربع ساعه ثم حطيها لك بطشت النقع الكببر وزيدي عليها مويه داافيه وتنقعي فيها.. وهذي الأشياء  الي حسيتها مهمه جداً وان شاء الله بطبقها..  وفي اشياء حذر منها الدكتور القحطاني عشان كذا ببعد عنها ولا راح اسويها.. يارب اطلع كويسه😭 وياكم يارب.. الله ينفع به ويجعل به لنا العافيه.. 💕وأي سؤال انا حاضره.. 😊

السلام عليكم ورحمة الله وبركاته كيفكم يانفوسات.... 😂وكيفكم ياحوامل.. الله يهون علي وعليكم يارب.....