نظامي بعد البحث والتمحيص > بسم الله > عطوني رايكم بنات > وكلنا نستفيد

بسم الله الرحمن الرحيم

بسم الله الذي لايضر مع اسمه شئ في الارض ولافي السماء وهو السميع العليم

بنات او شي قولو سبحان الله وبحمده سبحان الله العظيم

بنات انا بكريه لكني موسوسه من ناحيه النفاس مابي اغلط اي غلطه ( خاصه ان ابو الشباب يلمح يقول ابيك ترجعين زي ايام الزواج رغم اني توي هذا اول حمل بس تعرفون الرجال كيف ) عشان كذا صارلي شهرين وانا ابحث وانقح وماعتمد شي الا وانا مسويه بحث كبير واقرى اكبر عدد من التجارب واللي مالقى له تجارب اسال واتاكد بنفسي الزبده تعبت لين سويت النظام هذا فابيكم تقرونه وتعلموني اذا فيه شي خطا تنبهوني واذا فيه شي ناقص تضيفونه والله يكتبلكم الاجر اجمعين

بسم الله الرحمن الرحيم

1- ع الريق اللهوم مع حليب دافي او شاي اعشاب واللهوم حق عائلتنا المعتمد هو

لهوم 20 يوم الاولى > حلب - كمون - حبه سودا - عنزروت > كله مجروش الا الحبه السودا حب انتبهو ماتطحن تصير مسحوق سام اذا طحنت

لهوم 20 الاخيره > رشاد - كمون - حبه سودا - فلفل اسود > الرشاد حب - الكمون مجروش - الحبه السودا حب - الفلفل مجروش


2 بعدها بشوي اشرب قهوة القشر طريقتي > قشر- شمر- قرفه-زنجبيل مع تمرة النفاس اللي هي تمر وسمن ورشاد شوي رزنه شوي وفلفل اسود شوي ومع القهوه احط شوي من دوا القهوه هذا اشتريه من واحده .

3- الفطور مراصيع وبيض مرشوش عليه فلفل اسود وماش وكوب حليب عليه فلفل اسود وحلب .

4- الغدا يكون مرقوق او ايدام ( فقط بطاط وجزر > حابه اتاكد هل هن من قائمة الخضار المسموحه ولا لا عشاني قريت ان اي خضار لزجه يعني فيها ماده مخاطيه زي الكوسا المولخيه وغيرها ممنوعه وانا اشوف البطاط والجزر مافيه هذه الماده اذا انا غلط صححولي ) او جريش وغيره من الاكلات الساخنه وطبعا كله لحم .

5- العصر شاي اعشاب مكون من > كمون - ينسون - قرفه - زعتر بري مع شوي طبيخه .

6- المغرب قهوة قشر مع التمره .

7- العشا نفس قائمة الغدا مع التنويع .

8-قبل النوم شرب اللهوم مره اخرى .

10 - الغسول ناويه ان شاء الله استخدم بالعشرين الاخيره قشررمان -مره- ملح خشن


------ ماراح اربط بطني لاني مقتنعه ان الرحم راح يكون تعبان 9 شهور واجي بعد كذا اربطه زياده مايصلح اخاف يسبب نزول بالارحام


------- بالنسبه لعباءة السيده بعد البحث هي امنه ان شاء الله دام جابر القحطاني متكلم عنها ويقول حتى للمرضع امنه لكن انا متردده من ناحيتها بنات كوني بكريه ولكن بنفس الوقت يوم اتذكر كلام زوجي اقول خلني اجربها فابي نصيحتكم بنات وخصوصا البكريات اللي جربوها اهم شي هل حملتي بعدها يعني ماسببلتك مشاكل بالحمل هذا اهم شي ولا مفعولها ماخبرت احد سبها اوماستفاد


-------- بالنسبه للعنايه بجهز خلطة جليسوليد - ليمون - زيت زيتون لجسمي اما وجهي انصحكم يابنات بكريم جربته بزواجي وكلن يسال هو كريم تبييض امن ان شاء الله لانه من شركه معروفه كلارنس وسعره تقريبا 200 اسمه بايوديرما >> اللي سالتني من وين شريته من صيدلية زهرة الروضه بالرياض يعني تلاقونه بالصيدليات الكبيره فقط
وطبعا ناويه اقص واغير لون شعري باخر الاربعين

ملاحضه >>> للتذكير بنات اول دوره بعد النفاس هي الاساس بعد الله يعني اذا اهتميتي بالنفاس وطنشتي اول دوره خرب كل شغلك يعني اول دوره اتبعي نفس النظام واللهوم اذا دورتك 6 ايام تستنخدمين اللهوم الاول ب 3 الايام الاولى واللهوم الثاني ب3 الايام الاخيره


<< واهم من هذا كله الاذكار وتحصين نفسك وطفلك بطريقة الرسول اللهم صلي وسلم عليه وهي >> عَنْ ابْنِ عَبَّاسٍ رَضِيَ اللَّهُ عَنْهُمَا قَالَ كَانَ النَّبِيُّ صَلَّى اللَّهُ عَلَيْهِ وَسَلَّمَ يُعَوِّذُ الْحَسَنَ وَالْحُسَيْنَ وَيَقُولُ إِنَّ أَبَاكُمَا كَانَ يُعَوِّذُ بِهَا إِسْمَاعِيلَ وَإِسْحَاقَ أَعُوذُ بِكَلِمَاتِ اللَّهِ التَّامَّةِ مِنْ كُلِّ شَيْطَانٍ وَهَامَّةٍ وَمِنْ كُلِّ عَيْنٍ لامَّةٍ <

--------هاه بنات انا علمتكم بكل شي لوجه الله تعالى وابيكم تستفيدون من بحثي وبنفس الوقت ابيكم تعلموني لو فيه خطا ولو وحده عندها اضافه تفيديني تعلمني وتحتسب الاجر

-------- بنات الله يجزاكم خير لاتقصرون برفع الموضوع لو بدعوه لان مشاركاتي محدوده كم مشاركه باليوم ولا اقدر اشارك حتى لو اني متصله الا ثاني يوم ف اللي تشوفني متصله ومارد عليها تعذرني بسبب المشاركات ماقدر