بسم الله الرحمن الرحيم
وبه نستعين اللهم صلي وسلم على نبينا خاتم المرسلين
لاإله إلا الله وحدة لاشريك له خير المعين
السلام عليكم ورحمة الله وبركاته
عزيزاتي بنات حواء بما اني استفدت منكم كثير حابه اليوم اعلمكم طريقتي في تنظيمي لبيتي بسراحة ودي لو فيه صور بس ماعندي كاميرا لاكن بخليها شفهي واتمنئ انكم تستفيدون من برنامجي اليومي وابي كل وحده تقراة تدعيلي بالذريه الصالحه عاجلا غير اجل وان الله يبارك لي ببناتي ويخليهم لي وزوجي ووالدي واخوتي وخواتي يالله نبداء:
ماشاء الله تبارك الله اللهم بارك لها وبارك عليها>>>>هذا المفروض كل وحده تقوله قبل ماتقراء موضوعي.
ابدء يومي من بعد صلاة الفجر اسوي الفطور واصحي زوجي لدوامه يفطر ويلبس ويطلع 7 ونص وكذا ابداء انا اخذ راحتي بالشغل اشوف وش بسوي غداء طبعا كل يوم شي يعني ضروري التنويع مره لحم ومره دجاج ومره سمك وهكذا ثم اجيب فوطه وحط عليها ماء مع قليل جدا دهن عود والفوطه هذي هي ايطاليه نوعها من جلد الغزال عشان ماتطلع زغب على الزجاج ولا الخشب ثم اتجه لصاله وامسح دولابها والتلفزيون والطاولات والتحف والكنبات وانزل كل الخداديات واظربها ببعض عشان الغبار يطلع منها بعدين اروح لحوض السمك وامسحة وامسح دولاب الجزم الي تحت الحوض الدولاب هذا موجود بالموزع الي فيه حمام ومغسله اقوم واغسل الحمام والمغسله والتحف الي على المغسله واتفقد الصابون والفوطه اذا يبون تغيير ثم اروح لغرفتي وارتبها ومسحها عدل ثم اخذ الملابس الوسخه الي بالسله الي جواء غرفتي ثم اروح لغرفة بناتي وامسحها وبما اني منفصله عن ابوهم فهم ساكنين عنده بس يجوني من فتره لفتره بعيدة وبكذا يصير باقي المجلس وحمامه والمقلط وطاولة الطعام امسحهم كلهم واغسل حمام الرجال ومسح كل تحفه وبكذايصير قسم الرجال نظيف ومرتب ومستعد لاي زياره مفاجأة وعلى طول اتجه للمطبخ امسحه وارتبه وتصير قد نشفت مواعين الفطور ادخلها الدولاب وحط الملابس بالغساله واقوم وامسح كل سيراميك البيت واكنس كل البيت واولع الفواحات وخلي البخور بعد ماخلص من الغداء وبكذا تصير الساعه 10 الصبح وبعدها اجيب عصافيري وحطلهم اكل وغير مويتهم وامسح قفصهم واغسل وصخهم ويقعدون يغردون عندي بالمطبخ وانا اطبخ الغداء على الساعه 11 اصير خلصت الغداء وهذا غالبا بعدين ابخر كل البيت والملابس خلصت لاني عندي غساله اتوماتيك ونشافه وكنت كل شوي وانا اشتغل بالبيت اطل عليهم اخذ الي يبي كوي اكويه والي يبي تصفيط اصفطه وعلى الدولاب على طول ثم اروح لجدول اعمالي وشوف بالاعمال الاسبوعيه وش عندي و بالاعمال الشهريه وش عندي بنفس اليوم واقعد ازينه وهذا غالبا ماياخذ مني وقت طويل بكذا تصير الساعه قربت 1 اصلي الظهر والبس واستعد لقدوم زوجي على وحده ونص نتغداء واغسل المواعين وامسح الفرن واروح انام بعد صلاة العصر الى اذان المغرب ثم اسوي القهوه والشاي واجهز حلى ونتقهواء بعد الصلاة ومن بعد العشاء اجلس على النت شوي وبعدها اشوف وش بسوي عشاء واغسل مواعين القهوه واجهز العشاء ثم نتعشاء وغسل مواعين العشاء وارتب المطبخ ونقعد عند التلفزيون وبعدها ننام على الساعه12 هذا هو جدولي اليومي وسامحوني على الاطاله....
هذا وصلى الله على نبينا محمد:26:
موئيدة @moyyd
عضوة جديدة
يلزم عليك تسجيل الدخول أولًا لكتابة تعليق.
moooon_2009
•
ماشاء الله الله يخلي لك بناتك وزوجك
بصـــــــــــــــراحه ولاتــــــــــــزعلين ماقـــــــــدرت اشـــــــــوف الـــــــخــــــــط
مـــــــــــع ماعــــــــــــندي قصـــــــر نظـــــــــــــــر ولله الحمــــــــــــــد بــــــــــــــــس فينـــــي نــــــــــوم
كبـــــــــــــــــــــــــــــــــــــــــــــــــــــــــــــــــــــري خــــــــــــــــــــــــــــــــــــــــــــــــــــــــــــــــــــــــطك
اتمنــــــــــــــــــــــــــــــــــــــى مااكـــــــــــــــــــــــون زعلـــــــــــــــــــــــــــــــــــــــــــــــــــــــــــــــــــتك
مـــــــــــع ماعــــــــــــندي قصـــــــر نظـــــــــــــــر ولله الحمــــــــــــــد بــــــــــــــــس فينـــــي نــــــــــوم
كبـــــــــــــــــــــــــــــــــــــــــــــــــــــــــــــــــــــري خــــــــــــــــــــــــــــــــــــــــــــــــــــــــــــــــــــــــطك
اتمنــــــــــــــــــــــــــــــــــــــى مااكـــــــــــــــــــــــون زعلـــــــــــــــــــــــــــــــــــــــــــــــــــــــــــــــــــتك
ماشاء الله جدولك حلووو
طيب ممكن تعلميني عن جدولك الاسبوعي والشهري كيف قسمتيه حتى اعمل مثلك
طيب ممكن تعلميني عن جدولك الاسبوعي والشهري كيف قسمتيه حتى اعمل مثلك
الصفحة الأخيرة