السلام عليكم ورحمة الله وبركاته
كيفكم حبيباتي
اليوم جايبة لكم نظامي في النفاس هذا الحمل الثاني بعد تجربتي في الحمل الاول احس كثر الخرابيط مالها داعي:32:
وحبيت هالمرة اختصر واسوي الشي المفيد :cook:
وعلما اني بحثت في كثير من المنتديات ومن ضمنها منتدانا الغالي
والحين انا في اخر الثامن وجالسه اجهز حاجاتي واليوم رحت العطار واشتريت الاعشاب
والحين اقول لكم كيف الطريقة والمقادير :cook:
ابي منكم دعوة في ظهر الغيب ربي يسهل ولادتي ويرزقني الطفل السليم المعافا يارب وكل الاخوات اللي مقبلين على الولاده
المهم
اول شي تبداي فية
التمر مع الرشاد وكثري الرشاد قد ماتقدرين والسمن البلدي اعجنيهم سوى وكلي منها على الريق مع الحليب اللي راح يجي ذكرة وكولي منها بالعصر وفي الليل قبل النوم
ثانيا /
فنجال فلفل اسود وفنجال فلفل ابيض وفنجال ماش وفنجال زنجبيل وكلهم مطحونين وحطيهم بعلبة وخوذي منها ملعقة صغيرة على كوب حليب ساخن على الريق مع التمرة في الصباح والمساء ولو حابة تزودي الكمية ملعقة كبيرة مافي مشكلة بس ترى هي حارة شوي ويمكن ماتناسب الاخوات اللي عندهم مشاكل بالمعده او القولون > هذا الخلطه انا جربتها وكمان شفت احدى الاخوات هنا منزلتها مااذكر اسمها اظن النفيعية والله اعلم >
ثالثا /
اطحني مقدارا متساوي من الشمر واليانسون والماش والحلبة وحطيهم بعلبة وخليه عندك كل ماشربتي حليب في اي وقت حطي منها ملعقة كبيرة
على فكرة الحلبة بس 20 يوم وبعدين باقي الخلطة استمري عليها الاربعين كلها من غير حلبة
رابعا/
شاي الاعشاب يتكون من ( القرفة +وقشر قهوه +وكمون + وشمر+ ويانسون +ونانخه + وكراويه ) اخلطيهم مع بعض وحطيهم بعلبة وخوذي مقدار ملعقة او ملعقتين وحطي عليها مويه ساخنة ونعناع حسب الرغبة وغطيها وخليها 10 دقايق وصفيها واشربيها لاتطبخيها لان تحتوي على مواد طيارة لو طبختيها ماتستفيدي منها واشربي منها مرتين في اليوم سوي كوب الضحوية بعد الفطور بكم ساعة والعصرية او قبل المغرب سوي كوب ثاني
خامسا /
كولي حبة البركه ( السوداء ) بس لاتزيد عن 7 حبات في اليوم لانها لو زادت مضرة حسب كلام جابر القحطاني
انتي براحتك كيف تبغين تاكلينها تحطيها مع تمر او تطحنيها على كيفك ( الخيار لك )
سادسا /
البخور او الكبو
انا جربت اللي بنظام فيافي ويشبة اللي بنظام قشر قهوة والله ماقدرت استحمل ريحتة :06::pمرة وحدة ورميته على طول :o
فية بخور مرة روعه وحدة وصفته لامي وانا الحين بصلحة مرة تمدحة دايم تسويه لبناتها
هو ( مره+ ولبان مستكه الاصلي + ولبان الذكر المر نوع البخور )
دقيهم او اطحنيهم سواء وتبخري بها في العشرين الاخيرة
سابعا /
الغسول قبل كذا نزلت موضوع فية والحين اذكرة هنا مع النظام كامل
( ارطا + ملح + مره + بشام + قشر رمان + قرض ) تخلطين مقدار معين منها وتحطينه في قدر ماء وخلية يطبخ ويتغبر لونة اكيد وخلية لمن يبرد وصفية وعبية في جك وتشطفي بة بعد الاسبوع الاول من الولاده واهم شي انك تنشفي تمام بعد ماتتشطفي به للان الرطوبه تسبب لك مشاكل
ثامنا /
حطي قطعه صغيره من المره في قارورة موية وخليها تنقع واشربي منها من اول يوم ولاده بس لاتكثري منها لان كثرة المرة تسبب مشاكل للكلى والكبد يعني لاتزيدي عن فنجال في اليوم ولاتشربيها ساده حبذا لو مع قهوة او عصير او مع اي شي يكون افضل
اهتمي بصحتك قد ماتقدري لاتتكلمي بالصوت العالي امشي بهدوء ورويه لا تصرخي :06:على اطفالك :04:امسكي اعصابك قدر المستطاع :p
كولي حاجات ساخنه اكل صحي فته عصيده مرقة لحم عدس سلطه مرقوق ( مطازيز ) اشربي سوائل ماء وعصير برتقال وجزر حبذا لو شغل البيت
اربطي بطنك تمام افضل شي شماغ او قماش مثل شراشف الصلاة قصصية بالطول وخيطيه ويصير مرة طويل ولفي فية بطنك كامل علشان ماتجي زوايد منا ومنا ومايعورك في ظهرك وابعدي عن المشد
انا ماسويت اللهوم اللي في نظام الاخوات لاني ماشفت منه فايده
ولو كنتي تعاني من مغص في بداية الاربعين مايمنع انك تاخذي حبوب فيفادول او سابوفين لانها تمام وحلو ماتاثر على الرضاعة
اهم شي ترتاحي وتحاولي تسمعي قران وماتنسي الاذكار في الصباح والمساء وتحصني نفسك وطفلك بعد العصر اوالمغرب وبعد الفجر
وشمسي نفسك وطفلك كل يوم
وبالنسبة لصفار اللي يجي للاطفال اطلبي له تحليل بعد ماتولدي علشان احيان مايبان في الطفل الا بعد كم يوم الافضل انتي تطلبي يحللون الطفل بعد ماتولدي علشان فصيلة الدم لها دور اذا كانت مختلفة بين الاب والام واذا كانت مو مختلفة برضوا اطلبي له تحليل مو خسرانه شي علشان تطمني
انا جاء لولدي بعد ماخرجت من المستشفى ونبهتني علية احد الاخوات الله يجزاها خير وان شاء الله اسوي له تحليل بعد ماولد واقوم بالسلامه
واخير ///
لاتنسوني من دعائكم بظهر الغيب ربي ييسر لي ولادتي ويحفظ لي زوجي وابني ويرحم ابوي ويخليلي امي
يارب
والله ماكتبت هذا الموضوع الا ابيكم تستفيدون منه مثل مانا استفدت لان فية كثير اخوات ماعندهم احد يساعدهم بهالاشياء
واحنا هنا دورنا كاخوات نتساعد على الخير ونشر الفائده
اتمنى من كل من تستفيد من تجميعي هذا لاتنساني بالدعاء
اتمنى اني مانسيت شي
والله تعبت وانا اكتب الموضوع ظهري صار يعورني حيل :06:
لكن انا ابي الاجر من رب العالمين
اختكم في الله // قدها لابغيت
قدها لا بغيت @kdha_la_bghyt
كبيرة محررات
يلزم عليك تسجيل الدخول أولًا لكتابة تعليق.
الصفحة الأخيرة
وولاده ميسره
:)