نظامي وروتيني اليومي المعتاد مريح وسهل تفضلوا حياكم...

صباحكم نور وسرور وسعاده يا أحلى خوات..
ببدأ طوالي بالموضوع...
بما ان عندي ولدي وبنتي يدرسون فلنا نظام معين نمشي عليه وهو.....
أصحى صلاة الفجر وأصحي زوجي نصلي الفجر وبعدها اروح انا اجهز الفطور وأسوي فسح العيال وزوجي يقعد يطقطق عالجوال ((يااااحبهم لذا الجولات مثل عيونهم)) المهم على الساعه سته زوجي يصحي العيال للمدرسه وانا مشغوله بتجهيز فطورهم ونصحي كتكوتي الصغير ولدي الجميل عمره سنتين ونص عشان يفطر مع اخوانه ...يفطرون حبايبي ويقومون يتجهزون ويلبسون وبس يطلعون من البيت أستودعهم الله واذكرهم بقراءة الأذكار ..وبعدها أغير لولدي الصغير ملابسه وانظفه واحطه عند التلفزيون ....وابدا انا اغسل دورة المياه غسيل من قلب بالكلوركس والصابون لأني لو ماشميتها الصبح احس البيت مونظيف ...واغسل المغاسل وامسح المرايا والمعها وبعدها ارتب غرفتي وافتح شبابيكها اهويها ولاااااازم التهويه يابنات حتى لو بعز البرد بتحسون بأنتعاش وتجديد الهواء وكمان غرفة اولادي ارتبها واهويها .....وبعدها اشيك على باقي البيت عالسريع اذا طاولات يحتاج لها تمسيح امسحها او كنيس اكنس ارتب المطبخ عالسريع وانزل من الفريزر دجاج او لحم للغذا عشان يذوب ....ومااكذب عليكم مواعين الفطور بحكم انها قليله فما اغسلها احطها بالمجلى واغسلها اذا صحيت من النوم.....
وبكذا البيت نظيف ومرتب وريحته منظفات أعشق ريحتها ياناس مو بيدي طبعا نسيت اقولكم المغاسل حق اليدين بعد غسلها ابخها بديتول للتعقيم والريحه...
غسيل الملابس مره في الاسبوع وتعزيل البيت اللي هوه التنظيف العميق مره بالاسبوع اللي هو كل اربعاء تحسبا لزيارات مفاجئه لضيوف نهاية الاسبوع...


نسيت اكمل لكم ((هههههه ياكثر نسياني.....
ارجع انام الصبح انا وولدي على ثمان او تسع الصبح بعد ما اخلص اشغالي واصحى ١١ ونص او ١٢ الظهر طبعا البيت مرتب ونظيف وولدي نظيف ومرتب بس اغسل وجهه وامشط شعره واعطره عشان يستقبل ابوه واخوانه وهو على سنقة عشره وانا اوضي واصلي الظهر والبس لبس مرتب غير البجامه او القميص اللي كان علي اوقات بنطلون جينز وتيشيرت واوقات تنوره قصيره وبلوزه واوقات ليقنز وبلوزه طويله حسب المزاج وارتب شوشتي واحط روج خفيييف ناعم وازبط حواجبي....
وبعدها اروح اطبخ غدانا ويجون الحبايب نتغدا وزوجي لاااازم يقيل واولادي لا مايحبون ....العصر يروح ولدي وابوه يصلون العصر وبعدها التحفيظ وانا اصلي العصر واجهز قهوتنا او شاهينا ونتقهوى ....


بعد صلاة المغرب المذاكره الين صلاة العشاء وبس نخلص طوالي اجهز عشا اولادي واعشيهم وعلى طول ينامون لأنهم منتهيين من التعب اغسل مواعيني وانظف المطبخ ويجي زوجي من برى على الساعه ١٠ اوقات يتعشى خفايف واوقات يكون متعشي ...
على تسعه قبل جيت ابو الشباب انوم ولدي الصغير ....
واتفضى انا لنفسي ....
طبعا اشيك عالسريع عالبيت وارتب بعض الشغلات والغالب دايما ان بيتي مرتب ونظيف تدرون ليش لاني اسوي شغلتي اول باول واخرج الزبايل وانتوا بكرامه مستحيييل وفيه زباله بالبيت وهذا الطبع اخذته من أمي الله يحفظها ويطول بعمرها ....
يروح ينام زوجي على ١١ وبعدها تبدا فلتي ووناستي وسهرتي مره عالجوال مره على برنامج عالتلفزيون مره اكلم امي ونسولف والاكيد اني لازم اتصفح منتداي الجميل ......ولابد من السناكات والمشروبات الدافيه مع اجواءنا البارده الايام هذي وعلى ١او٢اروح انام .....


وتوته توته خلصت الحتوته ههههههههه
ادري اني طولتها ومصختها بقصة حياتي لكن حبيت تستفيدون واللي ماعندها همه تتحمس .....ولاننسى فوائد قومة الصبح وشغلة الصبح فيها بركه سبحان الله ....


لاتنسون تذكرون الله علي 😁------فيس مستحي هههه....
احبكم في الله....