نظام أم جهاد اللهم بلغت اللهم فاشهد

والله يا بنات ما ابغاء اقطع رزق احد

بس اقولكم تجربتي من نظام أم جهاد

اول شىء دقيت وردت على وقالت ترا نظامي ما يخليك بنت بس يشيل مشاكل مثل الهواء ويضوق شوي
وسعر 570 ريال واذا تبغين يبغالك اسبوعين قدامك اربع حريم طالبين واذا حولتي الفلوس بسرعه تكونين على طول بعدهم .. قلت طيب حاولي تستعجلين لاني في تاسع قالت انا اطول عشاني انظف كل شىء بنفسي واغسل الاعشاب وجففها وطحنها ..قلت في نفسي زين .......اختكم ف الله مادري وش طبخه المهم حولت لها على طول معني مو مقتنعه من قرارت نفسي بس مع الخيل يا شقراء ترا نظام الى اخذته حق نفاس ...وتخلوا سبوع ورسلته


المهم جاء العلاج ودقيت عليها وعلمتني الى ما عرفته ما اكذب عليكم انصدمت كلها كيلو حلبه ما نظفت وكلها حصى وعودان صغار وعلبتين مثل حقت الفول الهوم ثلاث اربعه حلبه والمفاجئه الى شفتها وقت نفاسي بعد ما كليت ربعها تخيلو والله العظيم دوده .......كرهة لاكل وشرب سبوع وكل شوي اتخيل شىء في كبدي يمشي ...وع


علبه كبر عيني صعوط مع القهوه
علبه مثل لاوله شاهي فيه اعواد قرفه وكزبره وحب ينسون وتخيلو شعره طول بليس وع حومت كبدي وربي تحسبت عليها من قلبي

تفكروني تبت منها واخذ الغسول قلت هذا لا ينشرب ولا ينوكل وقوم وسوي طريقتها احطه في جيك ماء المنهل مقدار ملعقه والله العظيم يابنات جاتني حكه والالتهاب مايعلم فيه الا ربي بغيت اطير من الوجع وجرحي التهب ويوم دخلت الحمام اليوم ثاني القاء فوقه طبقه مقطنه وعععع ....والله هذا ثاني يوم وكان ولدتي وقت شتاء يعني الحمام كان جامد كانه ثلاجه وصار كذا اجل بصيف وش بيصير


والكبو جعلني ما طرها فلفل هواء +مره رايحه ريحتها +عواد صغيره ما عرفتها ماتكمل بياله وتقول هذا لي أخر نفاس تستهبل

والله موقصدي قطع رزق الكن الاستخفاف بروح ناس ونظافه هذا الى مقدرت اغفرلها وكنت طول الوقت اتحسب والله لوجايبه من اغراضها كا شىء كيلو ما كملت 200 ريال 570 ليش وعلى وصخه بعد ...........اللهم بلغت اللهم فاشهد