نظام اعجبني و نحفني وبستمر عليه

السلام عليكم ورحمة الله وبركاته.
كيفكم حوائيات


بقولكم طريقة رياضة سويتها لي اسبوع تقريبا وحسيت بفرررق بلياقتي بالبداية
وبعدها شفت وزني بالميزان لقيت وزني نااااااقص 2 كيلو باسبوع ماشاءالله !


سالفتي اني انسانة فيها نقص فيتامين دال 19 تقريبا ولا علاجته وحاليا متعبني وراح اجيب الدوا واللي فيها نقص فيتامين دال خل تاخذ منه لان نقصه يساعد في زيادة الوزن ويخليك سمينة
وكنت اسوي رجيمات ويزيييييييد وزني
وما اسوي وبرضو يزيد ومرات ينقص وبعدين يرجع الوزن اللي نقصته


كان اسلوبي فيه من التجويع او الحرمان من النشويات والسكر


بقولكم ايش سويت


بما اني دبة صرت ارقا وانزل من الدرج دور ين كذا مرة باليوم , ارقا الدرج دورين بعدين انزل وامشي بالحوش شوي الين يهدا نفسي من صعود الدرج
وبعدين مرة ثانية اروح ارقا الدرج , وينهد حيلي
وبعدها امشي ربع ساعة


لحد ماصار عندي لياقة
وصرت ارقا 3 طوابق وانزل
وارقا وانزل
وارقا
واروح غرفتي وانا مهدووود جسمي وحرانة
وابدا اسوي رياضة لجسمي :
1- اصفق مع ورا 200 مرة
2- وانتي واقفة ارفعي ركبتك اليمين الين سرتك , بعدين نزليها وسوي نفس الحركة بالرجل اليسرى , كنت اسويها فوق 200
3- كنت انسدح على ظهري وجولي ممدودة وبعدين احاول ارفع رجولي كللها لفوق زي حرف L ارفع ببطء 7 ثواني واخلي رجولي فوق بهالوضع L عشرين ثانية وبعدين بشوي انزله 7 ثواني.
هو المفروض انك ترفعين 10 ثواني وتبقينها مرفوعة 20 ثانية وتنزلينها 10 ثواني
طبعا تكررينها قد ماتقدرين وهالتمرين يهلك وينحف البطن ويشششششششده خصوصا من تحت
4-اسوي بوش اب على الجدار 40 مرة
وغيرها من تمارين كلما تعبت رجولي من تمرين , اسوي تمرين لبطني واذا تعب بطني ,اسوي لاردافي, واذا تعبت اسوي بالعضو اللي بعده
لمدة نص ساعة ومرات 20 دقيقة


المهم لاتوقفين ولا تحطين فاصل مابين صعودك ونزولك للدرج مرتين وتمريناتك بغرفتك !
ليه؟
لانه بعد ما تمشين بالدرج وتنهلكين بيكون اي تمرين تسوينه بسرعه يحرق لك السعرات




مع العلم اني سويته وانا اكل باونتي الصباح وقبل يومين اكلت تشيز كيك


وافطر فطور خفيف حبة معمول مثلا او شاورما من الجامعة
واتغدا غدا كامل
نشويات رز او مكرونة بس كفايتي ما اكثر!
واشرب لبن او عصير
واخذ بروتين سمك او لحم , لانه ما احب الدجاج
واكل سلطة او اخلي السلطة لليل اكلها واشرب معها لبن او زبادي


اخر الليل كنت اكل اما تفاح, او اتقهوى مع شوية حلى
يعني تقريبا نفس نظام اكلي العادي وبالعكس الحلى كان اكثر من الايام العادية
ومع كذا نحفت
عاد قررت اني اترك الحلى نهائي والسكر كله , وبستمر بنظام الرياضة هذا ويارب انحف
دعواتكم اوصل الستين


وصدقيني سوي الرياضة بشكل متواااصل عشان تحرقين اكثر
وفكري بجسمك بعد الرجيم كيف بيصير


فيه تمارين عذاري بقوقل تلقونها
سويها بعد الدرج