السلام عليكم ورحمة الله وبركاته
كيفكم ياصبايا
اليوم جبت لكم موضوع نااااايس
خلاص تودعي كركبة البيت بعدها بإذن الله
خذي من وقتك عشرة دقائق فقط للتنظيف طبعا في كل يوم
اولا كم غرفة في البيت يختلف فيه ناس عندها اربع وفيه الثلاث وفيه الاقل او الاكثر
لكن العدد الافتراضي لاغلب البيوت اربع غرف .والمطبخ وحمامين هذا غالبا كما اسلفت ممكن تزيد اوتنقص
طيب ok
اعطي لكل غرفة عشرة دقائق فقط
قبل ما تبدي في العشر دقائق اعملي لك تجهيزات مسبقة
مثلا تكون عندك عربية جاهزة على طول او سلة
مثلا تجيبي سطل الزبالة الكبير مثل اللي البقالات يجمعوا فيه المكانس
او تجيبي مثل هذا
500061
او مثل هؤلاء
500063
يبقى السؤال مامكونات هذه السلة او العربية
تحطي فيه بخاخ هذا البخاخ تحطي فيه ملمع زجاج مع مطهر ديتول وايضا تحطي فيها منشفة صغيرة للتمسيح المريات والدواليب
وتحطي فيها مكنسة وكرافة وتحطي جك صغير مثل الجيك اللي يبيعوا فيه ماء زمزم ماعرف كم لتر لكن ان شاء الله فهمتوا عليا
هذا الجك تحطي فيه عملاق وماء
خلاص هذا تجهيز مسبق لماتبدي التنظيف ماعليك الا تاخذي هذه السلة
وتسوقيها الى ناحية المكان المراد تنظيفه
هههههههههه (ابشري صرحت لك بالقيادة)
في الحمامات اكرمكم الله تحطو جك فيله كلوركس وعملاق وتايد
خلاص الان بدا اليوم وتبدئي تنظفي بيتك اول شي تسويه روحي الحمامات وانتم بكرامة كبكبوا على الارضية والمغاسل والمراحاض والبانيوا من الجك المعد مسبقا في الحمام
خلاص واتركيه بدون ماتغسلية خليه يعقم الحمام بقوة
هيا خرجنا
ونروح نسوق العربية او السلة وطيران على غرفة النوم اولا وحطي المنبه على عشر دقائق فقط
في العشر هذي تستطيعي ان ترتبي مفرش السرير على السريع وتجيبي بخاخ الزجاج طبعا أذكركم انه موجود بنفس السلة حتى لايضع عليك الوقت ولنتي رايحة جايه
تاخذي البخاخ والمنشفة وتمسحي المرايات والنوافذ والابواب طبعا عبى السريع وممكن ماتحتاجي انك تعملي هذا يوميا
وبعدين خذي المكنسة واكنسي كل الأرضية وخرجيها برا الغرفة وحطي شويات من الجك اللي فيه ماء وعملاق (انتبهوا قلت شويات مو تغرقوا الغرفة)
وبعدين تجيبي المنشفة حقدت تمسيح الارضية وتمسحي الغرفة بالماء القليل اللي كبتيه على الارضية
وكدا انتهينا
ونصيحة دق المنبهه هلاص اخرحي من الغرفة حتى تتعودي على التنظيف السريع
وبعدين امسكي غرفة غرفة مثلا عندك اربع غرف لكل غرفة عشرة دقائق مع الاسياب او احسبي لجميع الاسياب عشرة دقائق صارت خمسون دقيقة
والحمامات كلها عشرة دقائق صارت خلاص خلصنا البيت في ساعة
ولاتنسي ممكن تقل لان غرف الضيوف لايمكن انك كل يوم بتنظفبها
وبعدين تبدي المطبخ وان شاء الله المطبخ يكون انتي على طول تنظفيه
فحتى هو ممكن ياخد منك عشرة دقائق على السريع
الا لما يكون عندك طبخ هذا يختلف له وقته
واعملي لك جدول للغسيل وجدول للتنظيف الشهري والاسبوعي وجدول لترتيب الدوالايب
وخلاص بهدا يكون بيتك بصفة عامة نظيف ومرتب بدل ماتجلسي طول اليوم حايسة في البيت
واذا كان عندك اطفال حاولي تقفلي غرف النوم حتى لايعبثوا فيها ويضيعوا تعبك
واللي شايفة ان العشر دقائق ما تكفيها تزيد خمس دقائق يعني تخليها ربع ساعة
وللمعلومية هذي طريقة لم اجربها لكن انشئتها من بنيات افكاري علها ان احد يستفيد منها
اترككم في رعاية الله .
والله يسهلك امورك يارب
احسها فكره حلوه وتخلي الوحده تشتغل بسرعه بسرعه