نظام العلب للنفاس يالله ياكروشات ادخلوا واستفيدوا قبل لايضيع الوقت

بسم الله الرحمن الرحيم


السلام عليكم ورحمة الله وبركاته


هالموضوع كتبته لكل وحدة مقبلة على النفاس


طبعا هو مأخوذ من موضوع الاخت قشر قهوة (( علبة علبة مابين رشاد وحلبة ))


طبعا انا هنا بس رتبت لكم الاعشاب وكمياتها اللي تكفي فقط النفااااااس وهي تناسب ايضا فترة الدورة


بس هذا هو اللي بسوية لنفسي وارسلته لامي عشان تشتري لي ايها لاني ماابي اشتريها مع زوجي <<<< قصة حياتها خخخخخخ


المهم نجي للزبدة انتي تحتاجين خلال النفاس لعشر علب


اولا قبل العلب نكتب وش هي الاعشاب



1- خوجوا ربع كيلو مطحون



2- كمون ربع كيلو مطحون وربع كليو حب



3- قشر بصل ربع كيلو مطحون



4- مرة ربع كيلو مطحون وربع مكسر او حب



5- حبة سوداء نص كيلو



6- ماش ربع كيلو مطحون وربع حب



7- رشاد نص كيلو حب



8- حلبة ربع كيلو مطحون



9- محلب ربع كيلو مطحون



10- شمر ربع كيلو مطحون



11- قرفة ربع كيلو اعواد



12- فوه ربع كيلو حب



13- قيصوم ربع كيلو حب



14- فلفل اسود نص كيلو مطحون



15- رزنة ربع كيلو مطحون لونه اخضر غامق



16- ملح فارسي ربع كيلو مكسر



17- ارطا اعواد ربع كيلو مطحون



18- قشر رمان ربع كيلو مطحون



19- عويدي ربع كيلو مطحون



20- قرن بقرة ربع كيلو مطحون



21- فلفل هوا ربع كيلو مطحون



الحين نجي للزبدة


وهي العلب طبعا تكتبين على كل علبة اسمها وفترة استخدامها عشان ترتاحين



1-علبة وسط ( كبو )


خواجوا - قرن بقرة - فلفل هوا - كمون – قشر بصل – مره >>> كلها مطحونة وتستخدم اخر النفاس



2-علبة كبيرة شوي وتسمى علبة ( الطبخ )


حبة سودا – ماش – رشاد كله حب وتوضع مع الطبخ طول ايام النفاس يعني في طبخك مرقة دجاج بدون خضار او مرقوق مثلا



3-علبة وسط تحطين دوا القهوة


انا ماكتبته لاني قريت للأخت قشرة القهوة ممكن استبدلها بكسرة مره مع قهوة ساااااادة بدون هيل



4-علبة سفوف العشرين الأولى


ماش وحلبة مطحونة تسفينها ملعقتين الصبح وملعقتين بالليل وبعدها حليب او شاي اعشاب



5-علبة سفوف العشرين الاخيرة


محلب ورشاد وشمر مطحون ماعدا الرشاد ونفس الشي ملعقتين الصبح وملعقتين بالليل وبعدها شي دافي



6-علبة الفناجيل الخمسة وتستخدم اخر النفاس او الدورة


وهي فنجال من كل من محلب – كمون – عويدي – رشاد حب – فلفل اسود كلها تطحن ماعدا الرشاد


وتوضوع بعلبة وتلهم مره الصباح ومرة المساء على جوع يعني قبل الفطور وقبل العشاء



7- علبة فقط فلفل اسود واكتبي جنبها فلفل رشة


يعني كل وجبة رشي عليها يعني حطيه جنب سريرك في الكمدينة



8- علبة شاي الأعشاب


كمون ودراسين او قرفة وفوه وقيصوم كلها حب وتطبخين موية واذا فاحت تحطين من كل نوع وتشربين طول ايام النفاس هالشاي



9-علبة صغيرة فيها عشبة الرزنة مطحونة


تاخذين منها ملعقة صغيرة مع الشاي طول ايام النفاس في كل وقت




10- للغسول
ملح ومرة اول الايام فقط


والايام الاخيرة تاخذين ارطا اعواد وقشر رمان وتحطينها في قدر موية وتطبخ شوي بعدين تركد وبعدين تستخدم




طبعا فيه اشياء مهمة وهي



@التمرة المعبوطة بسمن بري وكمون مطحون رشاد حب وحبة سودا حب وفلفل اسود مطحون هذي طول اياااااااام النفاس جنب سريرك



@ ومهم ترمس القهوة السادة بدون هيل طول النفاس مع كسرة المرة



@ وشاي الاعشاب مهمممم


اقل شي لو كمون ودارسين فقط



@ الكبو آخر ايام النفاس



@ وعشان الشمم استخدمي الحلتيتة الرطبة حطيها يوميا على الفوطة تكرمين



@ مهم التدفئة عدم الجوووووع اكلي قبل تجوعين الترويش انتبهي منه موكل شوي غاطسة في الموية والهواء انتبهي منه الله الله بالشرااااب والبنطلون والفراش الدافي



@ والفطور مبكررررررر لو تقومين تفطرين الفجر وبعدين ارجعي نامي نوم العوافي



والله يهون علي وعليكم ويكبتب لنا اللي فيه الخير ويجعل لنا من كله هم فرج ومخرج اللهم امين