كوبونات الراقية تسجيل الدخول

][§][-~المتغـلية ~-][§][

نظام الغذاء والنوم وحتى اللعب لعمر 7 شهور 8 شهور 9 شهور !!!

الأمومة والطفل •




السلام عليكم

يسعد مساكم وصباحكم يا احلى امهات :)

في موضوعي هذا حابه ندخل اكثر بحياة كل طفل في هالسن المحير بنظري

لا هو صغير مره ولا هو كبير :huh:

وش نظام كل وحده بالاكل ونومه ولعبه او قضا الوقت معه خلال اليوم
لبسه اغراضه حوسته حركاته كل شي

وراح ابدا با طفلنا محمد سمي الرسول اللهم صلي عليه وسلم

عمره مثل ماهو مبينه بالشريط بتوقيعي الان 6 شهور وثلاث اسابيع يعني اسبوع ان شاء الله ويكمل 7 شهور باذن الله

غذاءه حاليا ً
حليب بليميل بلاس2
ووجبتين باليوم

الوجبه الرئيسيه تكون الظهر الي هي وجبه الغدا
رز مصري مع نص كوسه ونص جزر ونص بطاطس تنسلق وتنهرس بالخلاط
وبعدها نعطيه شوية ماء صحه

الوجبه الثانيه بالليل بين المغرب والعشا او بعد العشا
ماهي محدده

مرات تمر وشوفان
مرات سريلاك < بس هذا نقلل منه مره احيانا يمر اسبوع مانعطيه منه
مرات زبادي
مرات فواكه مهروسه بالخلاط نص برتقاله نص تفاحه نص كمثرى

هو صحيح مايبرد قلوبنا وياكل وجبته كامله بس ع الاقل كم ملعقه صغيره
ومع الاستمرار ان شاء الله يحبها ويتعود باذن الله ع الاقل نعوده ع الاكل علشان لما يكمل سنه يكون متعود عليه ويمضغه هذا غير طبعا ً الفائده من هالاغذيه الي تناسب عمره

طبعا ً مانسى اقولكم رضعه اليانسون مع ثلاث حبات تمر 50 مل هذي رضعه اساسيه باليوم تريحه من الغازات ... الخ

ولا ندري نقدر نضيف الدجاج ولا السمك لوجبة الغدا ولا لسا بدري ؟
وبرضو الاجبان جبن كيري .. الخ

بخصوص نومه
حاليا ً صرنا نلاحض انه ماينام بنهار اول ياخذ غفوات ساعه نص ساعه خلال نهار الحين نحاول فيه ابداااااا :11:

بخصوص لعبه
سويت له علبه شفافه كبيره تنباع جاهزه في ايكيا او اي محلات عاديه
عبيتها العاب مثل كور ملونه حجمها وسط وخرخيشات خذينها من ستي بلازا
وعضاضات لانه طال عمره مابعد طلع له ولا نص ولا ربع سن والعاب ثانيه نضغطها تطلع صوت وكمان لعبه من كل جهه يقدر يعضضها ويمصها من تويز ار اص

اذ بين عليه انه طفشان ومتضايق اكب هالعلبه بحضنه ولا عاد يدري وش يمسك ويقعد يلعب شوي فيها احيانا تطيح منه وتبعد مثل الكوره يقعد يطالعها من بعيد :blink: ويشوفونا يعني جيبوها قبل اصيح خخخ

طيب خلال النهار نحطه بالعربه اذ حطيناه فوق سراميك تحرك شوي فوقه اذ فوق فرشات يتحرك بصعوبه نشغل له قناة ام بي سي ثري ويتابع عودته امي من عمره ثلاث شهور يتابع ويريحها وتاخذ راحتها

بدا شوي يجلس بس نحط وراه شي وجنبه ويكون عنده احد منتبه له لا يطيح
طاح للحين اكثر من ست مرات هذا وحنا منتبهين له مدري شلون بصمت يطيح
ولان وراه مخده وجنبه مخدات ماتعوره الطيحه بس يبكي من الخوف الجبان ;)

سرير حمودي خذيناه من ستي بلازا والمفرش برضو لان الي بمذركير الوانها صرعه وفسفوريه ماعجبتنا

نعوده ينام بسريره وبس مو بمكان ثاني ويحب الظلااااااااااام والهدوء طويل العمر
لو سمع اي همسه عنده خلاص يصحى ويطير النووم :dry:

اغلب ملابس حمودي
البيجامات وملابس البيت من ستي بلازا ماركه جينورز
الملابس لطلعات العاديه وللي قرايب وهاكذا من مذركير من شيكو من مايجور
من اوركيدا مدري كذا اسمه ولا ايش ترا ماحفظ اسامي محلات الاطفال زين الي بتذكرها باقولها ايه و من بكمبن باتش

اما لطلعات الي المفروض يكون كاشخ فيها
من رباعيات من بربري ولو انه مايعجبني الفتره الاخيره
ومن محل هاف اند ون ومن العيسائي بس قليل برضو مايعجبنا مره
ومدري وش باقي الاسما الي تذكرتها واحفظ اساميها قلتها

الجزم والصنادل مره تعجبنس حقت مذركير

>> قالت قصة طفولة حمودي :icon28:

ايه بخصوص امراض الاطفال شي طبيعي الله يشفيهم ويخفف عنهم
حمودي جاه العنقز لما كان عمره 5 شهور تخيلوا وضعه وش كان :(
وقبل فتره بسيطه توه طالع من حراره فضيعه وترجيع وقال الطبيب فايروس بالجو
ولا انسى الاكزيما الي من انولد وهي معه والم الاذن الي ماخف شوي الا لما نصحونا الاطبا برفعه اثنا ترضيعه اي شي يعني وهو يرضع يكون شبه جالس بالحضن

الله يشفيه ويشفي اطفال المسلمين آمين ويصلحهم ويهديهم ويحفظهم من شياطين الانس والجن آمين

يالله يابنات ان شاء الله فهمتوا الفكره هاتوا مافي جعبتكم من سوالف :biggthump
" ولو اني حاسه اني ناسيه اشيا كثيره " < هذا كله وناسيه خخ

يالله كل وحده تقول لنا اسم طويل العمر او طويلة العمر ونظام طفولتها كامل
زي ما اسلفت

انتظركم وان شاء الله يكون موضوع ممتع وبنفس الوقت مفيد
ونتبادل فيه الخبرات :26:

..

.
216
41K

يلزم عليك تسجيل الدخول أولًا لكتابة تعليق.

تسجيل دخول

من بنات الريح
من بنات الريح •
ياربي بسم الله عليه حبيته وانا مابعد شفته الله يخليه لكم

وماشاء الله عليك هذي الاخت السنعه يابخت اولادك كيف بتعتنين بهم احسك بتوسوسين من كثر الاهتمام خخخخخخخخخخخخخ

انا ياستي ماعندي احد بها السن بس ناويين نزيد لعيلتنا واحد باذن الله خلال الصيف
وانتي بسوالفك عن حمودي شهيتيني على الصغار الله يكتبلنا الخيره

واخيرا دمتي بصحه وسعاده


ولاتنسين تبوسين لي حمودي معني ما تكفيني البوسه لاي طفل حلو لازم ولابد من عضه محترمه ههههههههههههههههههههه
النــــجــــلاء
النــــجــــلاء •
ياعيني عليكي متغليه

موضووووووعك حلووووووو
ويوسع الصدر :)
الله يحفظ حمووودي وتشوفونه معرس ..
][§][-~المتغـلية ~-][§][
][§][-~المتغـلية ~-][§][ •



حي الله اختيـ من بنات الريح
فديتك والله :)

تصدقين عاد يقولون اهتمامك وجراءتك مع اطفالك مستقبلا بتختلف عن اخوانك
نشوووف ان شاء الله اقولكم :D

وربي يرزقك ياقمر عاجلا غير اجل ويسعد قلبك :26:


..

.
][§][-~المتغـلية ~-][§][
][§][-~المتغـلية ~-][§][ •



حي الله اختيـ النجلاء

الحلو تواجدك ياقمر

بس ولووو وين الرد الي يبرد القلب نبي نظامك مع بنتك وكل شي زي مانا قلت نظام الشيخ محمد

يالله عاد شدي حيلك :26:


..

.
النــــجــــلاء
النــــجــــلاء •
ايه ابشري حبيبتي ودي اقولكم تفاصيل نظام بنتي


بس خليصير في نظام بالاول !

هي يانايمه ياترضع ياتصيح بس



لاصارت اكبر ونظمنا يومها اكيد بخبركم ياعسل :)