انا كمان ببدء معاكم بس ايش برنامج العنايه ولا كل وحده وطريقتها ؟؟

صراحه م اعرف اش اقولكم تفاعلكم بداية جيده طبعاً للي بيسئلوا انا هبدأ البرنامج بعد ٣ ايام وهحطله اسم وشعار تحطوه بتواقيعكم وجالسه اصمم البرنامج عأساس ينزلكم ع الجوال وتقدروا تحفظوه
بتصاميم مناسبه وطبعاً الكورس ذا هيكون لعضوات محددات هكتب اساميهم ببوسترات البرنامج و هعمل قائمه بأدوات البرنامج وكيف يسهلك البرنامج يعني مثلا اقولك حطي شنطه عند المرايه فيها كذا وكذا عشان يسهلك لما تجي تغسلي وهنبدأ مع بعض
بالنسبه للأخت الوردة البيضاء ي قلبي احنا كلنا وأنا معاكم هنبدأ طريقه وحده وهنقول النتائج لبعض ونصور لبعض طبعاً انا هرفق الصور عني عشان ان مسويته نبغى نتحمس لأنو لوحدي وكل وحده بالعالم اذا بدت حاجه لوحده تبدأ تكنسل وتصير كسوله لكن لاشفنا نتائج بعض صدقوني يد الله مع يد الجماعه وبالهمه باذن الله هنوصل
طبعاً حابه انوه انو انا اخذت الاشياء السهله من خلطاتي وبنفس الوقت مفعولها قوي
وطبعاً مشروعي ذا مو من ناحية الخلطات فقط يعني بيكون عن الأكل والشرب الصحي وهرفق اطباق وهنعالج مشاكل
وطبعاً ما نبدأ هنعمل استبيان لكل مشتركه تعبيها عن طريق نماذج قوقل انا اعمله عاساس نعرف بعض ولوين نتايجنا وصصلت
احبكككم
ها جاهزين ؟؟؟؟؟
وترا التسجيل لبعدبكره بس عشان بسجل اسماء العضوات
ورجاءً خاص لغير المسجلات عدم الرد عشان م يتخبص الموضوع علينا انا حاطته فقط للمسجلات

أنا معاكم بس انا بسوي لي اشياء احبها ومتعوده عليها سواء للبشره والشعر ، لكن الاجتهاد والهمه سوى والنتيجه برضه لكل وحده تتمناها ، اذ ينفع دخليني معاك ، وإذ م ينفع القلب داعي لتس ، بس عاد ابي معاكم 😢💔💔💔ممكن كمان اشياء تحطيها تعجبني اسويها ، وتشكراتي

انا مخليه اوقات فراغ بالجدول او بعض الأوقات لتمارين شد الوجه وكذا ممكن تحذفي هاذي الأشياء البسيطه وتحطي فيها خلطاتك واهلا وسهلا فيك اتشرف فيك أهم شيء ما تحرميني من ردودك وتسجلي مضبوط يعني تشوفي اللي يعجبك وبعدين تقولي ترا بعمل عشان انا تابع العضوات المسجلات معايا وتحذفي اللي م تبغيه زي مثلا انا حاطه اوقات للتختين بالجدول ممكن انتي ما تحتاجيها يصير ما تسويها وتكملي الجدول عادي

وربي كنت زيك واكتشفت اني غلطانه قسم بالله انو الصفاء اللي حصلته من المواد الطبيعيه افادني اكثر من المنتجات الطبيه اقولك لفيت منطقتي وجده وسفراتي لدبي الطبيه
ممكن تزول مع الوقت مافي شيء دائم اصلا احنا هنبدأ الكورس اول شهر مكثف كل يوم والشهر الثاني كل يومين والشهر الثالث يصير كل ثلاث ايام الخلطات جميل جداً وغير متعب وبأقل المال بينما المنتج الطبي وماله نتيجه اغلبهم نادرا ما تلقي منتج جميل يدوم غالي اقلهم ٣٠٠