نظام جااااهز لنفاس .. كل ماعليكي طباعتة فقط والدعاء لي<< اختي قشر قهوة ابدي رايك

مساء الخير اخواتي الكروشات

اليوم جبت لكم نظامي الي بسويه في نفاسي ومابي منكم الى الدعاء ويشهد علي ربي اني تعبت وقعدت افرفر في المنتى واجمع نظام اختنا قشر قهوة .. لان الكل اشوفه يمدح فيه والي عندها خبرة في النفاس ومجربه تعدل وتصلح اذا فية غلط او تقصير ولكم دعوة من القلب

بسم الله نبدأ ////

نظـــــــــــــام النـفـــــاس

العشرين يوم الاولــى

في الصباح على الريق //
كل يوم الفجر اخذ ملعقتين سفوف العشرين الايام الاولى (حلب مطحونه +ماش مطحون + حبة سودا ) واشرب كوب حليب دافىء مع الفلفل الاسود .

قبل الفطور //
1- اول شي كلي التمر المعبوط اللي يتكون من (تمر منزوع النوى+م ص حبه سوداء+م ص رشاد كلها كامله + فلفل اسود +سمن بري او زبدة الكميه اختياري يعني ا للي يخلي المعجون متماسك)
اشربي مع التمردواء قهوة // دواء القهوة خوذي قهوه بدون هيل وتأخذي كوب تحطي فيه من دواء القهوه تقريباً ملعقه وصبي عليها القهوه وسمي بالله مع التمر المعجون مكونات دواء القهوة هي :- مره- عنزروت - مقل (يطحن)يمكن استبداله بكسرة مرة واطحنيهم وحطيهم بعلبه جنبك وقبل تصبي القهوه بالفنجال حطي شوي بالفنجال وصبي عليه قهوة وتقهوي

الفطور //
ريحي بعدين كلي فطورك اللي يكون اختياري بس بعدي عن الخبز الابيض والخمائر علشان ماينتفخ بطنك ممكن يكون بيض مسلوق اومقلي _عدس _مراصيع مع سمن اوعسل او كبدة او خبز النفاس ومقاديرة //
طحين بر ، بيضة ، حليب سايل أو مجفف مع ماء ، سمن، ملعقتين مخلوط( رشاد وحلب وكمون وسميرا ) وذرة سكر وملح
وتخلط وتكون اثقل من الكيك واخف من الفطاير
طريقتها :
حطي بالمقلاية 2 ملعقة سمن وبعدين افرديها بالملعقة وغطيها وهدي النار عليها خمس دقايق وبعدين اقلبيها وخليها خمس دقايق او حتى تنضج
اذا تحبينها رقيقة اقسميها ثنتين
وبعدين افطري عليها انا احط معها جبن مثلث وعسل واذا تحبين بيض مسلوق او مقلي او اللي تحبين بالاضافه اي كوب حليب دافي محلى بالعسل مع فلفل اسود .
ملاحظــة // علبة الطبخ ( حبة سوداء – ماش- فلفل اسود - رشاد (لايطحن)) كل ماطبختي حطي منها على الفطور وعالغداء والعشاء وغيره أي اكل تاكلينه .


الغــــد ا //
وقت الغداء وافضل يكون بدري اما( مطازيز لحم او قبوط او رز حساوي او أي شي مطبوخ من بر مثلا ً ( قرصان – مرقوق – جريش – وممكن تعملين من الماش شوربة وتاكلي معه خبز بر مع شوية خس وجرجير وتفاحه ودايم ارش على الأكل من علبة الطبخ لا تنسين ( حبة سوداء+رشاد+ماش + ورشة فلفل اسود ).


شاي العصر //
بعد الغداء او وقت العصر براحتك متى ما تحبين اشربي شاهي الأعشاب(كمون+دارسين+فوه+قيصوم) واحط بالكوب ملعقه صغيره رزنه واشرب الشاهي عليها. ( لاتطحن بس تكسر وتغلى غلي بسيط )

قبل العـشـــاء //
قبل العشاء اخذ من السفوف :سفوف الايام الاولى > ماش – حلب (يطحن الحلب فقط )< ملعقة صغيرة بالليل ويفضل تكونين جوعانه وممكن يشرب مع حليب دافي او مو لازم حليب .

العشــــــاء //
العشاء اي شي ماعدا الممنوع ولا انسى ارش عليه من علبة الطبخ والفلفل الأسود.

الغسول //
استخدم غسولين للأيام الأولى اتشطف (ملح+ مره) فقط .
ملاحظة // انا سمعت ان المرة تستخدم بعد ما تطيح الخيوط وهاذي المعلومة مدري صحيحة ولا لاء وودي احد يرد علينا من اهل الخبرة ويقول لنا .

مرهم طوال فترة النفاس للجروح //
من اول الأربعين الى اخره استخدم مرهم (خوا جوا 5 ملاعق مطحونه + ملعقة اكل واحدة مره +زيت زيتون قاررة متوسة الحجم + محلب ملعقة اكل واحدة ) نطبخ الزيت الزيتون حتى يغلي ثم نضع الخواجوا المطحون ثم المحلب ثم المرة وتحرك مدة بسيطة تبرد ثم توضع في وعاء زجاجي احطه على الفوطه يعالج الجرح ويبعد عني الشمم.


طريقة لتنظيف الرحم //
هاذي الطريقة منقولة من المنتدى وحدة الله يجزاها خير كاتبتها للفايدة وتمدحها وانا لسى ماجربتها ... المهم
الطريقه جيبي ملعقه صغيره ((ملعقه شاي فقط صغيره و لا اتكثرينن لان الزنجبيل حاار....من الزنجبيل المطحووووون و ذوبيه في مويه حارة أو زيت حار و يفضل مويه ...عشان يصير لين ...ثم افركي اسفل بطنك -منطقه الارحم الخارجيه - بالزنجبيل ....و البسي بنطلون او سروال قطن و دفي المنطقه مضبوووط و ارتاحي
كرريها ثلاث أيام ورى بعض مره واحده في اليوم فقط و اذا حسيتي انها ماجابت نتيجه زيدي كميه الزنجبيل قليلا او عدد المرات الى ان توصلين للكميه و المرات اللي تناسبك...
يفضل تطبقنها اول ثلاث ايام من الدوره و اذا كنتي في ثاني يوم او ثالث يوم و لااحظتي كميه الدم قليله طبيقهها ولله تنفض رحمك نفضضض و ممكن تحسين باختلاجات و رعشااااات في اسفل البطن و هذا من الزنجبيل و قوته خصوصا للي يستخدمونه اول مره >>انا صابني الرعب في البدايه واول شهرين و الاان لي اربع شهور عليها و مره مرتاحه عليها
انا بصراحه صرت اطهر بسرعه و ميه الدم تكون كثيفه مره كانها نزيف و لما سالت العطار قال لا هذا اصلا الدم الموجود في الرحم ...و يطلع و طممنني
وتستخدم للبنات وللمتزوجات ومالها ضرر ان شاء الله


العشرين يوم الأخيره


سفوف العشرين يوم الأخيرة //:
( محلب – رشاد - حبه حلوه ) وتؤخذ ملعقة الصبح وزيهم في الليل

الغسول //
في الأيام الأخيره:: ( أرطا اعواد - وقشر رمان مطحون ) اطبخي شوي منهم بقدر حتى يغلي قليلً ثم يترك ليصبح دافىء ويركد ويستعمل ويصفى

الخمس فناجيل لاتنسيها تؤخذ في الأسبوع الأخير من النفاس // :-
طريقه الخمس الفنجايل
محلب + عويدى + حب رشاد + فلفل سود+ كمون
هذه خمسه والكميه فنجال واحد نفس الفنجال نفس الحجم من كل نوع تطحن المقادير ماعدا حب الرشاد وتجمع بعلبة ويكون اللهوم مرتين صبح وليل .
ملاحظه مهمه ... ...
اللى معها بواسير ... تحط نصف فنجال عويدي / ونصف فنجال فلفل اسود


الكبو يستخدم الايام الاخيرة //
في الايام الأخير ابدأ استخدم الكبو واتبخر فيه ( خوا جوا + قرن بقره + فلفل هواء + قشر بصل + مره + كمون )
طبعاً الكبو قبل النوم وبعد ما اخلص اتدفا والبس فوطة بعد ما اخلص وعلى الفراش على طول وابعد عن الهواء واسكر مروحة الشفط وانا في الحمام و افتح رجولي زين عشان يدخل البخور جواء والكبو يستخدم آخر عشرين يوم (يوم إيه يوم لا) وإذا معك شمم أبدئ بأستخدام الكبو قبل العشرين يوم الأخيره



ملاحظــات هــــــامة //


1- الترويش :لاتوقفين تحت الدوش والمويه تضرب راسك ...الترويش لشعر ومش كل يوم ضمي رجلينك وكبي المويه على نفسك شوي شوي وقفلي مروحه الشفط .....

2- احرص اني مااجوع واتدفى دايم من شراب وسروال وغطاء راس وممنوع اغسل شعري الا 3مرات بالأربعين كله بس ممكن اتغسلي جسمك يوميا ولا زم اكون جالسه على كرسي وصاكه رجولي وانا اغسله.


ملااااااااااااحظة //

ارجو من الاخت قشر قهوة تقول رايها بالطريقة واذا هي ناقصة تكملها لنا
انتظر الردود المفيدة من الاخوات