رفع

ماتقدر تسحب من الطبلون لخط 110 لأن تمديدات الكهرباء للمباني الجديدة كلها 220 مايوجد فيها 110 لأن هذا فقط بالمباني

القديمة هي اللي فيها خطين 110 و220 لإستخدام المكيفات لكن ممكن تشوف كهربائي يكشف على كل جهاز إذا كان فيه تحويل

من الداخل الى 220 يحولهم لها أماالأجهزة اللي مافيها مالها إلا حل واحد الكبيرة تبيعها وتشتري جدد والأجهزة الصغيرة

مثل المكوى وخلاطات المطبخ ممكن تستعمل لها المحولات المتنقلة .

وقولي لزوجك يراجع شركة الكهرباء ويسألهم إذا فيه عندهم حل لهالمشكلة لأن هذي الأجهزة كبيرة وماتتحمل تشعيلها من

المحولات الصغيرة لأنها ممكن تسبب حرائق لاسمح الله . يعني إذا مافيه حل سليم مالك إلا تبيعينها وتشترين بدلا منها اجهزة

تشتغل على 220 والله يعينكم على الخسائر .

ماأدري ليه سووا فينا كذا المفروض يخلون لكل بيت خطين 110 و220 وكل ناس يستخدمون المناسب حسب أجهزتهم

ويمنعون منع نهائي بيع أجهزة 110 بالسوق وبعد 20 سنة إذا انتهى عمر الأجهزة يلغون .110 .

طيب هالحين المشكلة للي بيوتهم قديمة ويش الحل اذا عطل عندهم جهاز؟ أنا خرب عندي هالسنة سخانتين دورت بالسوق

وما لقيت 110 وبصعوبة شديدة ولما سألت وش الحل في هالحالة ، قالوا بعض الناس يسحبون أسلاك 110 وياخذون لها من

الطبلون اسلاك جديدة بخط 220 .

. طيب لما جاء الكهربائي يركب السخانات سألته عن طريقة سحب الأسلاك القديمة 110 وتحويلها الى 220 قال لا مانقدر لأن سلك

220 كبير مايدخل في نفس مكان تمديدات 110 . طيب وش نسوي بتمديدات أسلاكنا القديمة وهي داخل الجدران هل من المعقول

إن كل الناس تقدر تكسر جميع جدران الغرف في بيوتها وجميع سيراميك الحمامات علشان تغير الى 220 ؟

ياليت أي احد مر بهالتجربة أوسأل الشركة يفيدنا بتحربته لأن هذي مشكلة عامة بنواجهها كلنا إذا موهالسنة فبعد كم سنة قادمة .

اشكركم من كل قلبي جزاكم الله خير اشكر
كل وحده ردت علي واخذت من وقته سلمت ايدنكم
الله يسعدكم ويسلمكم من كل شر

اانا حطيت محول لفريزتي من ١١٠ الى ٢٢٠
والله الحامي ان شاء الله مامنها ضرر مثل ماتقول العضوه الي فوق
استخيري الله وجيبي محول اذا ماتقدري تغيري الاجهزه