هلا وغلا ويامسهلا :35:
طبعا هذا النظام مو انا اللي طبقته
اختي ونزلت 3 كيلو بأسبوع،، بس أنا اللي اخترعته لها من خلال قرائتي لعدة رجيمات
وطبعا اللي تجربه على حسب(وزنها_تقبل جسمها_....الخ) مو لازم تخسر3 يمكن اقل يمكن اكثر
على الريق فوووراً كأس ماء دافئ
الفطور (بعد نصف ساعة من شرب الماء)/
زبادي قليل الدسم+7 تمرات
بعد الفطور بثلاث ساعات/
قطعة صغيرة شوكولاتة 50_100 كالوري
بتنحرق لما تكون بالصباح
الغداء/
أي شي مشوي او مسلوق (اختاري نشويات او بروتين لا تجمعي عشان ينتظم الهضم وبكيفك لو ماقدرتي بس)وخليه في حدود (250_300) كالوري
+ صحن سلطة خضار أو تبولة(اللي سمنتها بالارداف تمتنع عن التبولة لأن البرغل يروح بالارداف)
بعد الغدا بنصف ساعة/ كوب مغلي اليانسون..
بعد الغدا بثلاث ساعات/كوب شاي اخضر+ شي خفيف
لو اكلتي بالغدا نشويات..هنا كلي بروتين كمية قليلة 50_100 كالوري (مثلا نصف كوب لوبا أو حمص مسلوق)
لو اكلتي بالغدا بروتين.. هنا كلي نشويات( مثلا قطعة شابورة بر أسمر)
وعادي لو اكلتي فواكه سواء صنف واحد او كأس مشكل}}دلعي نفسك
العشا/ روب (زبادي قليل الدسم) و7 تمرات
علي أي اساس اخترعت هالنظام الغذائي؟
لأنو التمر ممتاز ودهونه قليلة والاعتماد عليه ينزل الوزن
والزبادي معروف انه يقضي ع الكرش بسبب انزيم البروتين اللي يساعد ع الهضم
ريجيم الزبادي والتمر معروف جدا ممتاز لكن يسبب حرمان
بس هنا خلينا الغدا تاكلين فيه شي تحبيه بس بطريقة صحية
وهالنظام فيه شوكولاتة صغيرة ماراح تحسي بالحرمان
ويمكن ماتشتهي الشوكولاتة لأن سكر التمر يكفيك
وكمان فيه يانسون يخلصك من الغازات،،والشاي الأخضر معروف انه ينحف
وطبعا هالنظااااام ممتاز لأنه فيه من النشويات والدهون والبروتين والسكر
وهذا الغذاء المتوازن مايحرم جسمك ويخلي وجهك ينحف مثل باقي الريجيمات
وفيه حوالي من 1000 إلى 1200 كالوري
وأهم شي
انه كل ثلاث ساعات راح تاكلين شي وهذا يحفز مستوى الأيض
وكمان مهم الماء على الريق
ينبه الامعاء ويخليها تستعد للأكل الجاي بعد صيامك اثناء النوم
وفي نفس الوقت تنظيف للجهاز الهضمي من بقايا اكل مبارح وغالبا راح تحتاجي الحمام بعد نصف ساعة من الشرب(اعزكم الله)
اتمنى انكم فهمتو كلامي الملخبط
وإن شاء الله عجبكم النظاام
وليس الريجيم :D
هَـ وَ س @h_o_s
عضوة جديدة
يلزم عليك تسجيل الدخول أولًا لكتابة تعليق.
نايس1
•
الريجيم حلو بس الغدا قليل بصراحه يعني اكل عالغدا ربع فرخه وسلطه فقط؟ او اكل طبق رز صغير مع سلطه صعب بصراحه
انما النتيجه حلوة بصراحه انها خست 3 كيلو ممتاز بس هيا وزنها وطولها كام؟ وهل اول مرة ريجيم؟
انما النتيجه حلوة بصراحه انها خست 3 كيلو ممتاز بس هيا وزنها وطولها كام؟ وهل اول مرة ريجيم؟
الصفحة الأخيرة
البروتين مثلا صدر دجاج مشوي مع نصف خبز اسمر
وأحيانا تسلقه وتقطعه وتحمره مثل الشاورما مع سماق
أو كبدة مشوية (تقريبا صحن دائري قطره 15 سم)
أو سمك مشوي (إذا كانت السمكة صغيرة تاخذ ثنتين)
أو ربيان مشوي
النشويات
مثلا صينية بطاطس (تسلق البطاطس وتحطه بصينية وبين طبقاته لحم مفروم<<هنا خلطت بروتين ماتطيعني(: لأنها تحب هالأكلة )
أو مكرونة مسلوقة أو سبيقتي
وأحيانا طاسة (غضارة أو بادية)الكورن فلكس الصغيرة ( تقطع فيها خبز وتصب فوقه مرق يعني اسمه ثريد) ويفضل خبز اسمر
وانتي تفنني بهالوجبة عشان ماتحسي انك بريجيم