احب اقول جزاك الله خير اختي لاتنسوا اسرانا على هذا المجهود الاكثر من رائع وبصراحة انا تعبت كثير وانا حامل على شان اجمع الاشياء المهمه للنفاس علشان استفيد منها في نفاسي وطبقت نظام الاخت فيافي نجد ولكن ليس بالحرف وليس بانتظام ولكن حسب مااستطيع وانا من النوع الكسول وكثير خوفوني وقالوا لي لاتصدقي كلمايكتب ولكن قلت خلوني اعتمد على الله وهذي اعشاب واغلبها معروف وان شاءالله ماتضر ماعدا التحاميل كنت متخوفه منها وما سويتها والنتيجة لهذا النظام انا لي يومين من طلعت من الاربعين واللي لاحظ الفرق زوجي قال لي انتي رديتي احسن من الاول بالف مرة وما اكذب عليكم كنتم باطير من الفرحة وندمت على شيء واحد بس تبون تعرفون وش هو










هو ليتني طبقت النظام بالحرف الواحد وليتني سويت التحاميل
لكن باذن الواحد الاحد اني اطبق النظام بحذافيرة في دورتي الجايه
واقول مرة اخرى جزاالله الاخت فيافي نجد كل خير عني وعن جميع بنات المنتدى وجزاك خيرا يااختي لاتنسوااسرانا على مجهودك الاكثر من رائع ويسر لكي الله تعالى ولادتك وطمنينا عليك

ام الحلوين
الله يسلمج يارب وجزاج الله خير .. وحمدالله على سلامتج
وفعلا موضوعها مفيد واللي شجعني النتائج الايجابيه له .. بس اول مره ادري انج كاتبه عنه قبل الاخت ام الحنان
وبانتظار تجربتج معاه لانها تهمني وتؤيد كلامي

حياج :26:

ام ذكرى

اجميعن اختي وجزيتي بمثله ان شاء الله
ماتدرين شكثر كلامج فرحني .. هذا وانتي ماطبقتيه بحذافيره شفتي نتيجه حلوه لفتت انتباه زوجج .. وصح مو كل شي ينقال يتصدق بس الاخت فيافي بدون نجد من كلامها ارتحت لها وخصوصا تجارب الحريم مع النظام طمنتني اكثر
وانا والله اكسل منج ونفسي خايسه مع الادويه بس انتي شجعتيني اطبق النظام بالتزام
ولاتقولين ياليتني ويالت .. عندج فرصه بكل دوره تطبقينه .. وكلها 6 ايام يعني مافيه تعب ومعاناة مثل ال 40
والتحاميل اكيد بتكون اروع لانها تنشف وتنظف وتضيق وهذا المطلوب

واخيرا اقولج جزاج الله خير ومشكووووووووره
حياج :26:

اختي لا تنسوا اسرانا

انا شريت جميع الاعشاب وخلطتهم

بس الكبو اشتراة زوجي من العطار ولونة يميل للعنابي الغامق فية حبات سوداء مثل الفلفل الاسود وفية اشياء ما عرفتها ما ادري هو المقصود او لا

وبالنسبة للتحاميل شريت عسل فلسطيني جبلي ينفع اسوي التحاميل الان
مع ان باقي على الولادة 6 اسابيع

شكرا لك اختي وان شاء الله ما اكون طولت عليك

ليش تشترين الكبو جاهز ؟؟ يمكن فيه عفص والا شغلات موزينه ؟؟ انا اقول ردي العطار واساليه عن مكوناته واكتبيهم لي .. والحبات السوده هذي فلفل الهوا وهي زينه

بالنسبه للتحاميل سويهم ونشفيهم مادام الجو بارد وعادي مايضر .. انا سويتهم اليوم بس بضاعف الكميه وبشوف كمية العسل اللي تناسبهم
نطريني اخلط تحاميلي عشان اقولج كمية العسل
العفو وحياج الله :26: