لا بالعكس اختي اخذي راحتج
بعرف ليش شايله هم الحلتيته ؟؟ انسيها مره وحده وخليها مع الكبو بس
المره اللي اعرفه انها للشمم ومعقم للجروح وتخفف الالم

بالنسبه للمره اخذي جم قطعه واغسليها ونقعيها بشويه بماي مغلي وخليها لين تبرد .. وبتلاقين انها صارت مركزه واغمسي قطنه نظيفه ومرريها على المنطقه بس يستحسن تستعملينها بعد 6 ايام افضل اما الايام الاولى استخدمي ادويه المستشفى .. وتقدرين تحطين مره بس مو على الخياط مباشره .. يعني حطيها حوالين الجرح ( طبعا اقصد بالايام الاولى )
والمره نفس الشي نحطها حوالين سرة الطفل عشان ماتسبب شمم .. اموحوالين (.... ) الولد بعد الطهور ..
وماانصح تحطينها بالفوطه اذا كانت فيها حثل .. بس اذا صافيه ماادري والله ممكن تجربين .. بس طريقه المسح بالقطنه افضل
ومعروفه ان المره تخفف الالم وتمنع التهاب الجرح
اما تخفيف الالم والتئام الجرح ولم الجرح هذي لها خلطه نزلتها قبل تتكون من مره مطبوخه بزيت زيتون وبعدين نضيف لها كركم ... بس نسيت مقاديرها بس الاقيها اعلمج ان شاء الله

اما اذا بتشربين المره خليها مخففه
وصدقيني المره روعه
حياج :26:

مراحب ياهلا
عادي اخذي راحتج واسالي وصدقيني ماضحكت عليج لان هالسؤال من حقج تعرفينه
وانا سبق وجاوبت وحده من العضوات على نفس سؤالج ولو تقرين الردود بتلاقين اضافات
شوفي اختي .. الحين انتي يوم سويتي عمليه سويتها بالرحم صح ؟؟ يعني الخراب يكون بالرحم مو من تحت بس ...

شوفي كلام فيافي باللون الاحمر عشان تتطمنين اكثر

النظام الغذائي والادويه يصلح للعمليات القيصريه وانا جبت بقيصري واستخدمته وكل صديقاتي اللواتي انجبن بعمليات يستخدمن تقريبا نفس النظام مع الادويه وتوكلي على الله ولاتخافين ويعلم الله الذي لااله الا هو اني ما وضعت الا النظام اللي مفيد جدا ولا يضر طمع بدعواتكن ولعله من اسباب رضى الله عني

وشوفي هذا بعد سؤال من وحده واجابه من فيافي

سؤال: إذا ( لاقدر الله ) وكانت الولاده قيصريه هل أستعمل كل هذه الأشياء الكبو ، شاي الأعشاب ، التحاميل ، الغسول ... وإلا خلاص أريح عمري مالها فايده ؟؟؟؟

ج - انا جبت بعملية ومشيت على النظام لان الارحام هي الاساس والخراب يكون بالارحام مو بالمهبل.

الله يهون عليج وحياج :26:

والله يااختي تعبانه وزهقانه وودي اولد ومشكوره على السؤال والله يعينج ويهون عليج ويسلمج

ومشكوره على الاضافه بس والله كل وحده تقول كلام بس انا بسأل وحده تردد وبشوف شتقول عن ربط البطن

ومشكوره وجزاج الله خير على هالوصفه وان شاء الله مااحتاج لها بس بكتب الطريقه احتياط .. وانا قالتلي وحده اذا عورج الخياط من الشمم تبخري يومين بس بخوا جوا تقول انها توخر الالم
وعلى فكره انا عندي طريقة كبو الشمم .. بالاضافه طبعا لطريقة المكروشه وهذل كلهم للشمم

ومشكوره مره ثانيه وحياج :26:

فرح الغاليه

ان شاء الله يارب ومشكوره على المرور :26:

=================
ابشركم بالنسبه للتحاميل نشفو ماشالله وهذي طريقتهم مره ثانيه


طريقة عمل التحاميل

على فكره هذي طريقتي ومقاديري ( بس طبعا مكونات فيافي )

المقادير :

1- 3 ملعقه كبيره ونص مره مطحونه
2- 3 ملعقه كبيره محلب مطحون
3- من 3 ونص الى 4 ملاعق كبيره عسل نحل طبيعي ( لازم طبيعي مو من السوبر ماركت )
4- 3 فناجيل قهوه ممسوحه ملح فارسي ناعم

الطريقه :

1- نغسل المره ونتركها في مصفاة وبعدين نحطها في صحن ونخليها تنشف وبعدين نطحنها
2- نغسل المحلب بنفس طريقة المره ونطحنه
3-نغسل الملح الفارسي ونتركه في مصفاة لين ينشف ( اذا مانشف ننشفه بحذر بكلنكس ) بعدين نكسره بالهاون الحديد الى قطع صغيره وبعدين نطحنه ناعم
4- نغسل الايد عدل عشان ماتتلوث التحاميل او ممكن نستعمل القفازات النايلون بعد مانغسلهم طبعا ( لان ريحة المره على الايد ماتروح بسهوله )
4- في صحن عميق نحط المره والمحلب والملح ونضيف 3 ملاعق عسل ونحرك وبعدين نضيف الملعقه الرابعه تدريجيا ( يمكن يكفي 3 ملاعق ونص او 4 ) المهم تحسين ان الخلطه صارت ثقيله وماتلزق ( بالنسبه لي انا ضفت 4 ملاعق عسل ) ونخلطهم عدل
5- نبلل سبابة الايد اليمين بشوية ماي ( موتكثرين ) وتاخذين كثر حبة النوى وتسوينهم نفس حبة النوى بس لاتسوين اطرافها حاده وصفيها في صحن كبير مغسول عدل من الصابون ومنشف من الماي
6- حطيهم في مكان فيه تيار هوا لمدة يومين وشمس او لين ينشفون وطبعا لازم تغطينهم بمشخاله كبيره او خام تور
7- بعدين حطيه بعلبه ولاتحطينهم بالثلاجه لانهم نشفو عدل

ملاحظات :

- تقريبا هالكميه بتعطيج من 80 الى 100 حبة حسب الحجم اللي بتسوينه او يمكن اكثر
- حاولي تخلين كل التحاميل نفس الحجم تقريبا

:26:

مشكوره حبيبتي على نظامك والله يسهل عليك وتولدين بالسلامه
انا في الشهر السابع في بدايته هل أبدا في أعداد التحاميل والاغراض الثانيه ام انتظر الى التاسع عشان ما تفسد التحاميل ردي علي لاني متشوقه قي بدأ شراء الاغراض لي ولل بيبي ولا لسه :24: :26: :24:
ملاحظه :
لقد أحببتك في لله :26: :27: