عزيزتي لاتنسوا اسرانا : لو سمحتي وتكرمتي ولو مافيها كلافة عليج وتكملين جميلج ويانا ولكي منا الدعاء
الرجاء كتابة مقادير كل من المنقوع وشاي الأعشاب والكبو في المدة التي تكفي فيها الأيام الأربعين... ولكي مني الشكر الجزيل ...
لأني ناوية اسويها من الحين واخلص نفسي لأن ماحد عندي يساعدني في اعدادها بعدين .....
وجزاك الله خيرا ....

omshama

غاليه والطلب رخيص اختي
بالنسبه لمنقوع العنزروت انتي اخذي كوب ماي دافي متوسط وحطي فيه ملعقه كبيره عنزروت + ملعقه صغيره مره مطحونه + ملعقه صغيره محلب مطحون او اقل .. وخليه ينقع بالليل وثاني يوم اشربي على قد ماتقدرين ورا الغدا بربع او نص ساعه .. وبعدين زودي الكوب ماي ورديه بالثلاجه وثاني يوم طلعيه قبل الغدا بساعتين او اكثر حسب بروده الجو واشربيه وهم ضيفي ماي .. اذا حسيتي المقادير اللي فيه نقصت حيل غسلي الكوب وضيفي غيرهم
والافضل اذا شربتيه تصبينه بكوب ثاني عشان ماتشربين من فم الكوب عشان البكتيريا .. والا اصلا انتي سويه وحطيه بعلبة زجاجيه وصبي كل يوم منه .. وهذي ماتحتاج مقادير تكفي 40 يوم يعني انتي ونظرج .. وهذي الطريقه لاول 20 يوم
واخر 20 يوم نفس الطريقه بالضبط بس زودي المحلب وضيفي كسره صغيره صبره كبر حبة الفلفل الاسود تقريبا لانها تسهل البطن

ملاحظه : غسلي كل المكونات ونشفيهم عدل بالشمس واطحني اللي يحتاجون طحن وحطيهم في علب زجاجيه او بلاستيك او اكياس نايلون ملوت السندويش .. واكتبي مكونات كل كيس عشان ماتخربطين

بالنسبه لشاي الاعشاب انا اخذت ربع كيلو مرميه وباقي المقادير خذيت كوب من كل واحد بس ماطحنتهم وخلطتهم بكيس نظيف او علبه كبيره اذا متوفره عندج .. بس ان شاء الله تكفيني 40 يوم لان المرميه مكثره الشاي واذا حسيتي انها شويه زودي باقي المقادير شويه من كل نوع .. ولاتغسلينه الا وقت ماتسوينه ... ومقادير غلي الشاي كاتبتهم بالموضوع

بالنسبه للكبو انا اخذت بقبضه ايدي من كل نوع وصار عدي كميه كبيره وخلطتهم بكيس وربطتهم عدل عشان الريحه .. ماعدا الحلتيته ماخلطتها معاهم لانها تيجي مثل علك الماي اللزج بنفس كيس علك الماي .. وكلما بتبخر احط شويه منها .. اما عود الهوا جبت عود كبير وكسرته ولقيت فيه حجيرات صغيره فيهم حبوب حمره قطيتهم لانهم موزينين وكسرت العود قطع صغيره واضفته ..
بس الافضل ماتخلطين الكبو .. ووقت ماتجين تتكبين اخذي شويه من كل نوع يعني تقريبا الناتج يكون 2 م ك
طبعا الكبو طريقته من عندي لاني خلطته وتوهقت حسيت وقت الكبو مو كل المكونات ممكن اخذ منها واحطها على الجمر

اما اللهوم ضاعفي الكميه مرتين وطبعا الكميه تكون بعد الطحن .. انا بالنسبه لي ضاعفتهم مرتين ونص لاني ابيهم للدورات اللي ورا النفاس لاني مخلطه مخلطه .. قلت اخلط مره وحده

وتكفين ادعيلي يسهل ولادتي بطلق طبيعي
حياج

:26:

أختي لا تنسو أسرانا .... مشكوره على مجهودج الرائع .. بس حبيت استفسر عن شاي الأعشاب هل ممكن نستغني عن حزاه و قيصوم لأن فيافي ذكرته في شاي الأعشاب وأنت ما ذكرتيه ....

وبالنسب للماش ناكله من غير ما نطبخه وإلا لازم نطبخه

ولك جزيل الشكر ...

مشكوره اختي لاتنسوا اسرانا
لو سمحتي الحبه الحلوه هي الشمر ولا المحلب؟

جزاك الله كل خير ...النظام كله رائع لكن بالنسبه للتحاميل فنصيحتي لكل اخت انها ماتستخدم اي تحاميل الا بوصفه من الطبيبه لان تحاميل الاعشاب خطيره وتسبب التهابات وانا جربت هذا الشي في ولادتي الاخيره ..وحسبي الله على الي دلتني عليها ..مااستخدمتها الا مره وحده وبعدها ظليت سنتين وانا اتعالج من الالتهابات وما نفعني اي علاج حتى الطبيبات تعجبوا من امري وصارت المنطقه الله يكرمكم كانها اسفنجه مبلوله حتى زوجي صار يكره يقرلاب مني:44: