السلام عليكم و رحمة الله و بركاته

جزاكم الله خيــــر على الموضوع الرائع
ويعطيك العافيه ويقومك بالسلامة لاتنسو اسرانا وتقر عينك بالمولود ان شـــــاء الله
انتي وجميع الحوامل المشاركات واللـــــــــــــــــــه يعينكم

ممكن سؤال !!!!!! وش تقصدين بالحرمه الخربانه!!!!
والمره اللي خربطت بنفاسها او ما تنفست زين خلاص ما في امل ولا ممكن بس مو سهل ترجع زي اول!!!!؟؟؟
الله يعافيك جاوبيني او احد المشاركات بس لاتخوفيني انا توني مااعرف شئ وهذه اول ولادة لي

انا صارلي شهرين وعشر ايام تقريبا من يوم ما ولدت و احس اني حايسه
لهمت حلبه اول عشرين يوم والعشرين الثانيه لهمت زياده وشربتها مع الحليب!!!
قالولي انها زينه وماعليك من اللي يقولون انها ترخي وترطب !!!

احب العصيد و اكلته وبعد التمر مع الرشاد و الفلفل الاسود
حاولت امتنع عن كل المحظورات:
الخضره الا القرع ، الفاكهة الحامضه والمحظورات الباقيه

لكن فيني هوا و متفشله قدام زوجي
وغير طبعا آثار الحلبه ( اللي ما أطيقها الحين )

رحت للدكتورة عطتني تحميلات ست حبات وباقي حبة الليله موعدها وخايفه انها ماتظبط معاي
والمشكلة الحين احس ان الهوا بسهوله يدخل فيني غير قبل

فكرت اذا مامشت معاي التحميلات امشي على النظام هذا ،
لكن موعارفة متى ابتدي للعلم ان الدورة ( تكرمون ) ماتجيني لأني ارضع

وصعب علي اطبق اربعين كاملة يعني ممكن عشرين يوم( زوجي صاير عصبي والمشاكل شبه يومية ما وقفت مابينا من الاربعين
وغير الاسبوع والنص هذا عشان التحميلات )!!!!
وماادري اذا يصلح اسوي اللي ماسويته مثل شاي الاعشاب والعنزروت و الارطا التحميلات بعد !!
التمر اكلته واللهوم سوتلي اياها اختي ولهمتها تقريبا 30 يوم ماتحملتها
و ماادري وش مكوناتها
والمكروشه مستحيل اسويها وماعندي احد يساعدني اسوي الكبو!!!!

آسفه على السؤال اذا ممكن : خلال الفتره هذه لازم الزوج مايقرب زوجته؟؟
طبعا مو بالنفاس

الله يعطيكم العافيه و يهنيكم مع ازواجكم
انا من يوم طلعت من الاربعين وانا حياتي نهائيا مش مستقرة

انا آآآآآآآآآآآآآآآآآسفه جدا جدا اني ازعجتكم وخاصة الاخت لاتنسو اسرانا

ويعطيكم العافيه

ام سلامي

تسلمين حبيبتي وجزاج الله خير والله يهون عليج ولادتج امين يارب العالمين
بالنسبه للخوا جوا لونه عنابي غامق على قرمزي ويستعمل مرات لصبغ الشعر وهو مثل لحاء الشجر الخفيف ويجيج مرات مفتت .. وحلو بعد للجرح يمدحونه حيل للشمم والعوار
والله وحده توها والده تقول بغت تموت من عوار الخياط لان جاها شمم تقول تبخرت فيه بس يومين والحمدالله راح العوار
وان شاء الله ..الله يعينا ويصبرنا ونطبق النظام لان نفسي خايسه ومادري شلون بتحمل طعم وريحة الادويه
الله يصبرني ويعيني عليها .. واهم شي يفتح شهيتي لاني ماحب اكل خير شر بالنفاس

حياج :26:

الشييينة

عليكم السلام ورحمة الله وبركاته
اجمعين اختي وجزيتي بمثله والله يعافيج ويسلمج امين



بالنسبه للحرمه الخربانه اللي دايما فيها التهابات وافرازات مو طبيعيه ورطوبه ويطلع منها هوا لما تمشي ولما تقوم ولما تنام مع زوجها بأوضاع معينه وتكون متوسعه حيل لدرجة ان زوجها يتضايق منها
وموشرط الخربانه تكون متزوجه .. لان فيه بنات مايهتمون بالدوره ويختربون .. واكيد المتزوجه اللي ماتهتم بنفاسها او دورتها بتخترب
واللي خربت بنفاسها عادي ممكن ترجع اذا طبقت النظام كامل بنفاسها الثاني او اذا بتطول ماتبي تحمل ممكن تطبقه لمدة 40 يوم تبداهم مع اول ايام الدوره وبكل دوره تلتزم بالنظام




اختي للاسف اللي قالج انها زينه قصو عليج لانها ترخي وتجيب رطوبه ويمكن لانج بكريه ماتحسين الحين بتأثيرها .. والحلبه اذا بتشربينها 10 ايام وبس




انا اللي اعرفه من قبل لااقرا نظام فيافي ان القرع موزين وكان ممكن تستغنين عنه



هذا اكبر دليل للخراب لانج مااهتميتي بنفاسج وطعتي كلام الحريم اللي قالولج عن الحلبه .. ويمكن بعد اثار الخراب فيج من وانتي بنت لانج ماتهتمين بالدوره ولاتتدفين وتشربين بيبسي وتاكلين وتشربين المحظورات... وعلى فكره الحلبه تمتن



التحاميل ماتعالج الهوا ... واصلا تدخل هوا زياده اذا حطيتيها وانتي منسدحه وفاتحه رجولج .. يعني حطيها وانتي قاعده وملتفه بشرشف



الحين مااقدر افيدج لان الافضل تكون مع الدوره بس اذا بتبدئين بدون دوره بكيفج بس احتمال النظام ينزل عليج الدوره



اكيد مع تحاميل الطبيب المفروض ماتنامين مع زوجج بس مع نظام فيافي نامي عادي .. يعني نامي معاه وبعدين حطي التحاميل .. اصلا بينزل منج وصخ وبلاوي وبتضيق المنطقه .. بس عاد خففو النوم يعني مو كل يوم
يعني طبقيه 40 يوم ونامي مع زوجج عادي بس مثل ماقلتلج احتمال تنزل عليج الدوره



كل اللي ذكرتيه من ضمن النظام يعني سويه كامل بس ارد واقولج احتمال تنزل عليج الدوره
اما المكروشه منتي مجبوره تسوينها يعني شي مو اجباري مع انها تطلع هوا الرحم وممكن امج تسويها لج .. يعني نامي عند امج يوم وسويها
واللهوم زين منج كملتيه 30 يوم بس اهم شي المكونات
والكبو اخلطيه عادي وسويه قبل النوم ومايحتاج احد يساعدج بالكبو .. بس الله يعينج على الريحه .. واذا زوجج عصبي لاتستعملينه لانه ممكن يخيس البيت



عادي ممكن يقرب بس مو يوميا يعني خففو .. والافضل يكون النوم قبل التحاميل والكبو ... بس ترا الكبو ريحته خايسه يعني بيخيس فراشج يعني نامي بغرفه ثانيه بس عقب ماتعطين زوجج حقه



الله يعافيج يارب ويهدي زوجج عليج .. واهم شي اهتمي فيه عشان تعوضين النقص واكشخي له .. وحافظي على النظافه من تحت .. وادعي بكل صلاة الله يهديه عليج
ولاازعاج ولاشي اختي اخذي راحتج

حياج :26:

السلام عليكم

جزاكي الله الف خير وماقصرت
والله ان شــــــاء الله يكتبه بميزان حسناتك آآآآآمين

ماتصدقين قد ايش فرحت يوم شفت الرد انا فكرتك ولدتي
الله يخليك لاهلك وزوجك وعيالك

والله يحييك