نجووود
عليكم السلام ورحمة الله وبركاته
الله يعافيج ويسلمج ويجزيج الجنه انشالله
الحزاة وجنبة البر وهدب الاثل ماحصلتهم واعتقد انهم موجودين بالسعوديه ... بس عادي ممكن نستغنى عنهم
ولو عندي توصيله بين التلفون والكمبيوتر جان صورتهم كلهم
القيصوم: شكله مثل باقة ورد بالضبط ووروده صفرا صغيره تشبه البابونج ولونها اصفر
الشيح:لونه زيتي فاتح وشكله مثل الشبنت بس متيبس وفيه شوية عيدان
العنزروت: عباره عن دوائر صغيره الوانها حلوه ( بيج - وردي - مشمشي ) واذا حطيتيها بالماي تصير لزجه
فلفل الهوا:مثل الفلفل الاسود الغير مطحون بس على اكبر شوي
عود الهوا: عود بطول الاصبع تقريبا لونه اسود واعرض من الاصبع يعني مثل المزمار.. فيافي تقول انه مفرغ وانا اشوف فيه شي داخل بس مافتحته

الماش انا بضيفه حق اول لهوم افضل لان اول 20 يوم اعتقد اهم للظهر وعشان كثرته ممكن تمتن بس فعلا يقوي الظهر
اما مردود سيدة الوسط ماادري عنه اذا هي مجربته او ناقلته .. بس من زمان قريته وفيه شغل واجد .. وفيافي سألوها عم المردود شوفي ردها على سؤال وحده

هل تغني ادويتك التي كتبتها عن مايسمى بالمردود اوالحوائج التي تصنعها المداويات والتي تتكون في بعض الاحيان من خمسين او ستين عشبه كما يقولون , سمعت ان هذا المردود الجاهز لابد منه لانه يعمل على تضويق المراة وعودتها كما كانت قبل الولاده ,, هل اتوكل على الله واشتري هذا المردود ام ان ماكتبتيه كاف ؟؟؟

انا ما ادري اذا انتي متعودة على هذا المردود ودايم تستخدمينه وما شفتي منه الا كل خير عادي استخدميه ولكن انا دايم انصح انه الوحده ماتأخذ شيء ماتعرف مكوناته واحسن شيء الوحدة هي تسوي علاجها

واللهوم اللي ذاكرته يغني عن المردود لان فيه المكونات الاساسيه ... واذا خليتيه ماراح يخربج مثل انواع واجد من المردود اللي ممكن تخرب.. وانتي حره تستخدمين لهوم فيافي او مردود سيدة الوسط .. بس اذا تبين تلتزمين بنظام فيافي لازم تستخدمين لهومها لان هي مختاره الادويه بشكل متوازن .. ويمكن اذا استخدمتي شي ثاني بدال لهومها ممكن يسوي اختلال بالنظام ويصير تعارض ولهومها مجرب وواجد مادحينها .. بس مادري عن مردود سيدة الوسط .. سأليها اذا هي مجربته شخصيا او لا؟
بس عموما وهالشي اعرفه من قبل فيافي .. اذا كنتي تستخدمين دوا او مردود ومرتاحه عليه كمليه وهالشي انا ذكته اول الموضوع ... وموزين تشترين مردود جاهز ومطحون لان يمكن فيه صك ولك وهذا يخرب المره ويدمرها

والعفو اختي والله يعافيج .. تحياتي :26:

امس غسلت الحلبه والحبة السودا وحبة الحلوه وحطيتهم في مشخاله وبعدين صحن كبير .. كل واحد بروحه طبعا .. والصبح حطيتهم ساعه تحت الشمس والحين بطحنهم عشان اشوف الكميه .

ونصيحه عشان ماتغسلون كل الاعشاب غسلو شويه من كل نوع لان فيه انواع تخرب وتلزق بالغسيل

تحياتي :26:

تسلمين اختي لاتنسوا اسرانا على هالمجهود الحلو بس اذا ممكن عندي سؤااال

انا راح تكون اجازتي باذن الله لمدة اسبوعين فقط وبعدها راح اداوم وبناءا عليه راح اضطر اخذ شاور قبل اروح الدوام يعني كل صباح لانو عارفين الريحه وماابي العالم حولي تنقرف مني

فهل في مشكله لو اخذت شاور؟؟؟؟؟؟؟؟؟؟؟؟

كمان بسئل عن التحاميل ماراح تكون حاره خاصة انو فيها ملح

اتمنى مااكون ازعجتك باسئلتي بس هذي اول ولاده لي وانا خوافه

ومشكوره اختي

تسلمين اختي لاتنسو اسرانا على هذا النظام اللي صراحه يفيد كثير من بنات المنتدى الله يعطيك العافيه ويسهل عليك وتقر عيونك بنظرة المولود والله يقومك بالسلامة ويجزاك الجنة ووالديك
تحياتييييييييي:26:

كهرمان

اهلين اختي والله يسلمج
مافي اي مشكله اذا اخذتي شاور بس بشرط يكون مووقت نفاس ولادوره .. لان الشاور يوقف الدوره ويحبس الدم .. حاولي تطبقين النظام بعطله الصيف عشان الريحه .. لان حتى لو اخذتي شاور يمكن مع الحر وافراز العرق تطلع الريحه
والتحاميل مافيها شي انشالله ومجربه واذا مافيج جرح ماراح تحرق .. بالعكس هذي بتعقم المنطقه وتنشف الافرازات وتسحب الماي .. واذا حسيتي بحروق يعني فيج التهابات خفيفه.. وعموما تقدرين تخففين الملح

بالعكس ماازعجتيني بس بعرف الحين انتي بفترة نفاس والا بتطبقين النظام عادي ؟؟ وشلون تداومين وانتي ماخلصتي ال 40 ؟؟
اذا بفترة نفاس كملي النظام وماعليج من الموظفات المهم نفسج لاتخربين.. بس انا اقول اخذي اجازه احسن عشان ترتاحين.. اما الشاور وتطلعين بره بالهوا وانتي نفاس صعب واحتمال يدشج هوا .. حاولي تنشفين نفسج عدل وتلبسين سروال طويل ودلاغات ولاتشيلين الشيله .. يعني دفي نفسج عدل .. ولاتقربين حيل من الحريم عشان الريحه...
واتمنى اعر ف انتي بأي يوم الحين ؟؟

تحياتي :26: