نظام اختكم في النفاس للي يبغى يستفيد النظام
اولا : الفطور يكون بعد صلاه الفجر مباشره ةهذا ضروري يكون سندوش بيض بالكمون والفلفل مع حليب الحلبه (هذا فطور خفيف علشان ماتتعبين بطنك من الصباح)
ثانيا: الساعه 9 الصباح قومي من النوم وسويلك قرص معفوس بالحبه السوداء مع حليب بذاير (راح اكتب لكم وش هي البذاير بعد مااخلص من النظام )
ثالثا: الضحى يعني على الساعه 11 اشربي قهوه مع اعشاب القهوه وتراها جنان وطعمها موووت يهبل (وراح اكتبها بعد لكم ) مع مثلوثه التمر (الي هي سمن بري +دخن محموس +تمر منزوع النوى)
رابعا : الساعه 2 اتغدي وبعده اشربي شاي اعشاب (بكتبه لكم )
خامسا: فتره العصر خوذي لك وجبه خفيفه مثل تلبينه او مصابيب او فطاير الي تشتهين مع شاي الاعشاب
سادسا:فتره المغرب خوذي قهوه +مثلوثه
سابعا: العشاء كولي الي تبين مرقوق مكرونه مشوي وقبل لا تنامين خوذي كوب حلبه
طبعا هذا النظام تتبعينه يومي علشان ماتحتاسين ابد ويكون اكلك منظم ولا تقولون بطزنا بتتعب لن الجوع ممنوع في هذه الفتره وعلشان ماتندمين بعدين خوذوها نصيحه
الاعشاب
اعشاب القهوه (حبه عنزروت كبيره + قبضه يد كمون + قبضه يد نانخه + شوي محلب + 5اعواد قرفه
+2حبه مره وسط+ نصف ملعقه عرق ظهر ) تطحن مع بعض وتوضع في علبه وكل ماتقهويتي حطي مقدار ملعقه صغيره في فنجال قهوتك وبالعافيه
اعشاب البذاير: (هذاه الاعشاب توخذ اما سفوف او تضعينها مع الحليب بمقدر ملعقه في كوب حليب وهو افضل وتاخذيه مرتين باليوم مره الصباح مع فطور الساعه 9 ومره المساء متى ماتبين
وتستخدم طول الاربعين
وهي (كوب من كل من ماش +حلبه +حبه سودا +حبه حلوه+كمون+نونخه +فلفل اسود+قرفه+يانسون+نصف كوب كل من قرنفل ومحلب ورشاد غير مطحون )
هذاي كلها تطحن مع بعض ماعدا الرشاد مايطحن 0
شاي الاعشاب : طعمه جنان وفوايده تمام
وهو (مقادير متساويه كل من مراميه +شيح + كمون + قشر قهوه +نونخه +دارسين + يانسون
+ حزاه ) تخلط مع بعض من غير طحن وتطبخ مثل الشاي باضافه السكر وبالعافيه
شخيله التمر :هذي ياطويلات العمر توخذ بمقدار بياله بعد كل وجبه يعني بعد الفطور والغدى والعشى
فائدتها تشد الحم والجلد وتخلي جسمك متماسك ومشدود مو مرتخي ومهدل
مكوناتها (تمر منزوع النوى منقوع في ماء لحد مايذوب التمر ويشخل ويعبى بقاروره بلاستك ويوضع بالثلاجه
الوضوء : الايام الولا يستبعد المره لنها تشد وانتي توك
تنقعي يوميا بـــــالارطاء + الملح فقط راح ترتاحين له كثير طول فتره الاربعين
الايام الاخيره العشر تنقعي بقشر الرمان + المره
الارطاء طريقته :يوضع كوبين الرطاء مطحون في قدر اكبر من الوسط بشوي وتملينه مويا ويطبخ خمس طبخات ويشخل في جركل ويحفظ للستخدام
الكبو : وهو مهم جدا ويستخدم بـ10الايام الاخيره وهو (مقادير متساويه من خوا جوا+مره +كمون+محلب +فلفل هواء+قشر بصل +هدب اثل +شوي حلتيته )
يستخدم قبل النوم مباشره يعني تتبخرين وعلى طول الفراش
فيه نقاط ابي اوضحها لكم على شكل نقاط عساس تكون سهله عليكم
** الحلبه تستخدم الــــــــ15 يوم الاولا فقط
** الماش فوايده عظيمه لذا اطحني كميه لوحده وحطيه على الاكل
** الخوا جوا والرشاد توكل في الايام الاخيره من النفاس مع التمر والمثلوثه* الايام الاولااستبدليها
بالبذاير مع المثلوثه
**الكبو في اخير ايام النفاس والمره تستبعد في الايام الاولا
** بعد كل وجبه تشرب بياله شخيل التمر
** الجوع وماادراك مالجوع انتبهو تجوعون يابنات نصيحه
** الشربات لا تفارق رجولك ابد ودايم رطبيها بـــليمون +جولسرين
** الطرحه لاتنزل من راسك ابد وخاصه احنا في وقت برد
** الي ماتبي تسمن في هذا النظام تستخدم النقوعه بعد كل وجبه وهي (في كوب ماء وسط ملعقه كبيره عنزرت+ملعقه صغيره مره +شوي محلب )وتوضع في قاروره ماء صحه
العنايه بالبشره
وهي (2كيلي + 1 فيداوت+ 1ايديال+ ثلثين من ديرموفيت) لمده شهر وتتوقف
المحافظه على البياض (2كيلي +1 ايديال + 1فيداوت )
بالاضافه الى خلطه السدر الي تبيض الجسم وهي (3ملاعق سدر مطحون +2ملعقه حليب جاف +كوب ماء متوسط الحراره
يوضع على الجسم نصف ساعه ثم يفرك باليد ويشطف بالماء
لتوريد الشفايف : بودره الورد + جلسرين
مزيل العرق: ومبيض الابط مع بعض
ملعقه نشاء +شوي ماء ورد +ملعقتين شبه +علبه كريم بزلين ) الله يجزاء خير الي نزلت هالخلطه منقول للفائده
ماقصـــــــــرتي