في نفاسي السابق اتبعت نظام فيافي وهو حلوو بس مشكلته كثيره ادويته
وثاني شي لقيت خلطة العتيبيات وهي حلوه وكثير مدحوها لكن ماتصلح الا بعد العشر الاولى لان الحوار فيها كثيرة وفيها ماش وانا سمعت من حريم كبار ان الماش والحوار مثل الفلفل بانواعه والحبة السوداء اذا كثر منها تقطع الدم وتنشف على خراب
علشان كذا لابد
العشر الاولى
يكون اللهوم (حلب وشمر ورزنه وسكر نبات فقط )
العشر الثانية
خلطة العتيبيات
العشر الثالثة
خلطة الماش والزنجبيل والفلفل الابيض
وتستمري الى اليوم 35
بعدها اختميها بخلطة الخمس فناجيل للعضوه قشر قهوة
خلطة للشاي
فاحسن خلطة هي ( كمون - قرفة - عصفر - شمر - زنجبيل )
اما القهوة فااعتمدي على قهوة القشر
( قشر محموس - نونخة - شوي قهوة عادية - عصفر - زنجبيل )
وخليها قهوتك واضيفي لها زعفران لو حبيتي وقرنفل لكن القرنفل بعد العشر الاولى لانه يقطع الدم
دواء الخبز
قرص بر وتخلطين مع العجينة المكونات التالية
( كمون - شمر - كركم - رزنه - حبه سوداء شوي - حلب )
مطحونات عدل تستخدم بالعشرين الاولى وبالعشرين الثانية استبدلي الحلب بالماش والحبة السوداء )
دواء التمر
مايضاف الرشاد الا بعد عشر ايام لانه ينشف
حطي مع التمر ( سمن بقر او غنم - كمون - شوي فلفل اسود - شمر - سمسم ) بعدين اضيفي الرشاد كل شي مطحون ماعدا السمسم والرشاد بدون طحن
دواء القهوة
( مره - مقل - كمون - عنزوت - خوا جوا ) مطحونات عدل وبعد العشرين تضيفين له قرنفل ومحلب
المنقوعة
بعد الاكل ممتازة مره
( مره - عنزوت - شوي محلب ) تطحن وتحط بالعلبة ويؤخذ منها على كوب ماء مغلي وتنقع شوي ثم تشرب بعد الغدا والعشا
حبيت انفعكم بهالبرنامج لاني سويت بحث طويل عن الانظمة ولقيت فيها حوسة واختصرت لكم المفيد ... دعواتكم لي بتيسير ولادتي ويسخر لي زوجي ويحفظ اولادي من كل شر ...
نسايم خير @nsaym_khyr
محررة ذهبية
يلزم عليك تسجيل الدخول أولًا لكتابة تعليق.
Soso Badr
•
مشكورة اختي
الله يعين الكلى والكبد على تصفية هالحوسه ذي كلهاالله يعين الكلى والكبد على تصفية هالحوسه ذي كلها
بنات انتبهو ترا النفاس مايحتاج كل ذا قشر قهوه بشمر **وحليب بحلبه او بالقرفه كفايه والتمر ينأكل مثل ماهو وصلى الله وبارك
والله يوم اقرا هالمواضيع تجيني كتمه هههههه
حليلكم يالحريم دايما بجهاد تكبرونها وهي صغيره
والله اني ماسويت ولا حاااجه من اللي مذكور اعلاه وكنت مسويه عمليه وطبعا سوولي تنظيف ومع ذلك ماطهرت الا بعد شهر و ماسويت الا اللي قالته اختي همس الانين وبسسس
حليلكم يالحريم دايما بجهاد تكبرونها وهي صغيره
والله اني ماسويت ولا حاااجه من اللي مذكور اعلاه وكنت مسويه عمليه وطبعا سوولي تنظيف ومع ذلك ماطهرت الا بعد شهر و ماسويت الا اللي قالته اختي همس الانين وبسسس
الصفحة الأخيرة