نظام نفاسي اللي طلعني عروسه..من دون خرابيط..علشان البكريه ماتضيع..والضايعه تستفيد

بسم الله الرحمن الرحيم

كلنا نحب نصير احلى الزوجات فعيون ازواجنا..
كلنا نكره خرابيط النفاس وانظمته المعقده..

من تجربتي والله راح اكتب نظامي البسيط..و**** الله لو قدرت بانزل جزء ثاني بالصور اذا لقيت تفاعل

انا حطيت نظام لكل جسمي من راسي لرجولي
اهم شي فالنفاس الابتعاد عن البرد ولبس الطرحه علشان الهواء وعدم شرب البارد..والاستحمام وانتي جالسه ..والابتعاد عن الغازيات

اولا ما نمنع الاستحام وانا اكره اللي تعفن بنفسها فالنفاس:mad: انا والله كنت استحم يوم ويوم لا ولا صار لي شي وجسمي كل يوووم

اولا~الجسم:كل ما اتروش ادهن جسمي ب زيت زيتون و زيت لوز مر يشد ويبعد السواد..فاخر اسبوع من النفاس اسوي تقشير بزيت الزيتون والسكر مع حمام السونا مرتين او ثلاث..وكنت ماخده من عبد الصمد القرشي مسك مكعبات وكاطنته فعلبه احط منه لاباطي روووعه بدال مزيل العرق ومايسبب سواد..

ثانيا~الخياطه:انشف زين كل ما دخل الحمام واخير الفوط بستمرار وكل ما ادخل احط عالخياطه مرهم ميبو..وكل يوم اتنقع ف ماء دافئ وملح خشن ومطهر بيتادين الاخضر هاذي الطريقه كانت تريحني تخفف من شد الخيوط وتقتل البكتيريا..

ثالثا~الشعر:كلنا نكره الروائح اللي مو زينهعلشان كذا استخدمت زيوت ريحتها مقبوووووله جدا وهيه:زيت زيتون و زيت كثيراء ماااله ريحه و زيت لوز حلو ريحته زي اللوز قريب للحلاوه ترجع للشعر حيويته ولمعانه كنت استخدمه يوم ويوم لا قبل الستحام ساعه واو ساعتين..

رابعا~شاي الاعشاب:يانسون»يخفف المخص ويطرد الغازات..وحلبه»معروفه فوائدها للنفاس تعطي نضاره ومدره للحليب..شمر»طارد للغازات ومدر للحليب..حبه سوداء»بركه ومذكوره فالقران..زنجبيل»حلو وينزل الدم ويدفي المنطقه..قرفه(الدارسين)»روعه ومعروفه فواده..كمون»ايضا طارد للغازات...فقط وتجمعيها وتضهيعا فترمس وصبي عليها ماء حار وطول اليوم اشربي منها لين تخلص..

خامسا~قشر القهوه:تسوين ترمس(ثلاجه)ومعاها قرفه»رووووعه تنظف الرحم وتقويه وتشد الجسم وتشيل الكرشه..

سادسا~اللهوم فالصباح مع كوب الحليب:ماش وحلبه وشمر(حبه حلوه)ورشاد و يانسون و قليل فلفل اسود ..تخلط بكميات متساويه تحطين ملعقه مع الحليب ليسهل اخذها....هاذا طول الاربعين..

سابعا~الحليب فالصباح:طبعا الحليب مهم علشان تعوضين الكالسيوم انا اشرب كوبين والكوب السابق وهاذا الكوب اضيف عليه بيضه بلديه مفقوشه غير مستويه«شوفوا الوصف لاكن والله ملها طعم ولا ريحه جربوا هاذي طريقه اهل الديره وترررررم العظم ومايجيك الم الظهر..طبعا فالحليب دايما تحطين زنجبيل..والافضل كل مشروباتك تحليها بالعسل الاصلي او عسل الغابه السوداء مرا ممتاز..

ثامنا~البطن :يربط طول الاربعين بالطريقه اللي تريحك..انا اشتريت مشد مريح وحلو من سنتربوينت وربطت طول الربعين«الربط يخفف الام الظهر والبطن ويزيل الكرش..

تاسعا~تمر النفاس:تحمسين دقيق وتجيبين تمر منزوع النوى وسمن بري او زبده و حب رشاد تخلطيها جميعها على نار هاديه وتحطيها فعلبه وكل ماجيتي تش بين شاي الاعشاب او قشر القهوه خذي منه شويه..

الكبو انا ما قتنعت فيه ابدا بالله كيف ندخل ثاني اوكسيد الكربون
الرحم خفيف وبسرعه يتاثر وهو نشبهه بالقطنه لانه كل شي يمتصه وانتي اخذي القطنه وحطيها على المبخر وخلي البخور يتصاعد شنو راح تشوفين , راح تشوفين القطنه رطبه ولو عصرتيها بينزل الماء
وتجمع فيها الكربون وهو خطر
وصارت سوداء
وفوق هذا الريحه خايسه الكلام هاذا صحيح ميه فالميه..
التحاميل ما اقتنعت فيها خطيييييره جدا..

__*لاننسى تمارين كيجل فكل وقت تتذكرين*__
__*اخذ حبوب كالسيوم*__
__*لاننسى الاكلات الشعبيه مثل الحريره والعريكه والمسلوقه وغيرها مفيده للنفاس وهاذا موضوع مفيد عن اكل النفاس forum.hawaaworld.com/showthread.php?t=2230637 *__
__*انتبهي من المساك فالنفاس لانه يجيب بواسير ويفتق الخيوط قبل التئامها*__

هاذا نظامي وسلامتكم
اتمنى من المراقبات وضوع موضوعي فالدليل لانه مهم و والله عن تجربه شخصيه

اسال الله ان يسهل على كل وحده ولادتها وخياطتها ويكون البيبي بالسلامه ويرزق كل محروم
بكذا انتهيت وتعبت اتمنى التقدير
ادعوووولى

دمتم بود الى القاء


:27::):icon28: