نظام نفاس سهل 😊أم سيراء👩

👦نظام نفاس سهل أم سيراء👧
السلام عليكم حياكم ربي اخواتي
أخباركم 😊
أخواتي
أنا ولدت مرتين وجربت النفاس وأخطيت ولأني مااحب تمرون بأخطائي وكتبت لكم خلاصة بحثي وقراءتي بخراابيط النفاس 😩

المهم خواتي راح اكتب لكم برنامج بسيط وسههههل بس بشرط
🙈
ماأبي غير الدعوات لي ولأمي أن يحفظها ربي ويسعدها ويفرج همومها😭
ولأخواتي وابنائي أن الله يسعدنا ولا يفرقنا 😔

طولت صح 😂
نبداء:
ـــــــــــ
🍃الأغراض من العطار
قرفه مطحونه.
كمون مطحون.
مسمار( عويدي) مطحون نصفه ونصفه لا.
نونخه مطحونه.
زعتر بري مطحون .
شيح مطحون.
كراويه مطحون
يانسون مطحون.
شمر مطحون
فلفل أسود
فلفل أبيض مطحون
ماش مجروش ومطحون.
حلب مطحون وحب
محلب
مقل
قشر قهوه
رشاد حب

....
أرطا كسر أو مطحون
مره
قشر رمان مطحون
قرض حب
ملح فارسي
🌲🌲🌲🌲🌲🌲🌲🌲🌲🌲🌲🌲🌲


🍳الفطور:
إما بيض مع خبز صاج بر أو خبزة صاج أو مصابيب مع حليب حار والحليب تحطين فيه ملعقتين من الخلطه هذي :
🍺٤ كاسات حلب مطحون .
🍺كاس كمون ، كاس شمر ،
🍺كاسين ماش .
وتاخذين ملعقتين كبار أو إن قدرتي تلهمين منهم شوي ملعقه كبيره وتدفعين بعدها بحليب .

وأحرصي يكون مبكر الساعه ٦،٧

الساعه ١١
لو حبيتي تتقهوين:
قهوة قشر القهوه وطريقتها كذا :
تشترين قشر قهوه وتحمسينه في النار نفس تحميص القهوه العاديه .. ومن ثم تطحنينه وتضيفين للدله حقت القهوه فنجالين منها وإذا تحبين تحطين معاه أعواد قرفه أو حبتين مسمار ..
وتاكلين معاها تمرة العشرين يوم وهي:
🔆 تمر معجون مع حلب مع كمون مع سمن أو زبده تطبخينه شوي بالنار وتكورينه أو تحطينه في علبه وتاكلين منه كل ماجعتي

وبعد كذا تتغدين
🍲 الغداء:
اما مرقوق أو صنية دجاج بالخضار مع خبز بر أو قرصان أو مرقة لحم مع لحم أو مبلول
الي تحبين وأحرصي تضيفين عليها ماش وحلب وحاولي تكثرين في أكلك واضيفي شوي فلفل أسود بشرط إذا مافيك بواسييير أو خيوطك ملتهبه.

🍲 العشاء زي كذا😊


🍻العصر:
تسوين لك شاي أعشاب ؛
عباره ملعقه كبيره من كلٍ من؛

( يانسون، كمون، قرفه ،شيح،شمر،كارويه،نانخه،زعتر بري ،قشر قهوه إذا تحبين، وأول الأسام حزا)

وإذا كنت جامعتهم بعلبه كبيره تحطين ٥ ملاعق من هذا الخليط

🍕تاكلين معاه إذا تحبين مصابيب أو مراصيع أو خبز بكراث أو سندوشات بر بالعسل أو بالدجاج أو اللحم أو خبز بر أو سندوشات بر بالبيض حلوووه مره مع فلفل أسود

☕️قهوة المغرب: نفس قهوة الصبح الي هي قشر قهوه .. وحلو تضيفين للفنجان حزا وشوي كمون ومره وشوي مقل حلو للهواء.ممكن تخلطينهم في علبه صغيره وتحطينها عندك

🚽الغسول :
أرطا
مع مره
مع ملح خشن
مع قرض
وفي العشرين الأخيره
أضيفي
قشر رمان
بس أول أسبوع تغسلي بغسول المستشفى عشان ماتجيب إلتهابات الي تكون فقاعات ويسمونها الحريم هواء وهم مايدرون انها تراكموناس

📍الممنوعات
وماابغى أخوفكم بس
كولي كل شي
إلا الحوامض
البرتقال الحامض والليمون
وورق العنب والطماط
والصلصه
اللزجه مثل المانجو والآيس كريم والبارد والماء البارد والباميا والملوخيه والفاصوليا والموز والكيوي وغيرهم
وأحرصي من البرد والمشي ع السراميك ..
وأحرصي يوميا تاخذين ملعقة عسل يوميا على الريق حلوووه
وألبسي سروايل طويله وشراب السراميك ولا تجلسين قدام المكيف
وكثري من الحلب والماش قد ماتقدرين وبين الوجبات لما تجوعين خوذي حليب بحلب وماش عشان ظهرك وكولي من التمره الي بالسمن تراها حلووووه
وأحرصي على الراحه ونامي مبكره عشان صحتك
وأحرصي تسعدين روحك وتونسينها وأبتعدي عن الشبسات


♨️العشرين الأخيره ..
وهانت مابقي شي ..
هنا حبيبتي تحرصين على الي ينشفك 😁
الفطور نفس الفطور لكن الخلطه الي مع الحليب وهي خلطتين تختارين الي تحبين تكون :
الأولى:

🍸 ٣كاسات ماش مطحون
🍸 كاس ونصف فلفل أبيض
🍸 كاسين رشاد.
🍸نصف كاس كمون



أو خلطة الخمس فناجيل :

فنجان رشاد
فنجان كمون
فنجان فلفل أسود
فنجان محلب
فنجان مسمار


👑ممكن تخلين الخلطه الأولى الصباح والثانيه قبل النوم 😎

💌الغداء والعشاء والقهوه نفس الأيام الأولى

💌الغسول نفس الي قبل بس تضيفين قشر رمان

💌تشربين منقوع عباره عن مره ومحلب وعنزوت شوي تشربين منه بعد الغداء .

💌توقفين حلب ،

💌تضيفين لتمرة السمن رشاد مقدار كاس .

💌تاكلين قبل الغداء وبآخر ١٠ أيام رشاد ملعقه صغيره ملعقة شاي..


🔥الكبو:
تآخذين جمره وتولعينها وبعدين تحطينها في قدر ماتبغينه أو علبه وتفتحين الأفرنجي وتحطينها داخله ثم تحطين عليه :

فلفل هواء
قشر بصل تاخذينه وتغسلينه وتجففينه ثم تحطينه في علبه وتاخذين منه
مره
كمون
لبان ذكر
خوا جوا
محلب


الكبو ممكن آخر ١٠ أيام يوم أيه ويوم لا 🙊


💊المرهم للخيوط لا تستخدمين شي غير الميبو لأنه أفضل شي أو مرهم طبي

ممكن تحطين لك تحميله بال١٠ الأيام الأخيره تحاميل طبيه أو تحاميل عشبيه
والتحاميل الطبيه حلوه .. فيه البيتادين وجاينوا ميكوزال طبعا بعد عشرين يوم روحي للدكتوره وهي توصف لك ولازم أي شي يجيك تروحين للدكتوره لأنه أحيانا في ناس الفلفل الأسود يسبب لهم إلتهابات وينزل عليهم مويات حتى لو مهتمين بأنفسهم وإذا أستمروا زادت المويات ..وفيه نااااس كثييييير تلاقينها مهتمه بروحها عن الهواء لاتجوع ولا تجلس عند مكيف وتلبس شراب وبالأخير تقول أحس معاي فقاعات وأحس أني بأنجن وتتكبى وتسوي كل حاجه ولا تروح 😔
هنا تنجن وتحسبه هواء وهذا مو هواء هذا إلتهاب أسمه تراكوموناس أو زي كذا تروحين دكتوره تعطيك علاج وتطلعين تووب 😁


😍😍😍
حبايبي ..
أجتهدت وكتبت لكن خلاصة ماعرفت ..
هذا جهدي ..
أتمنى لكل وحده أستفادت أو أعجبها النظام أو فرج كربه لها أن تذكر أختها ووالدتها وأهلها بدعوه صادقه من قلب في السجود وفي ثلث الليل الأخير
ماأحب تدعون لك كتابه بالردود أحب تدعون لي دعوات ولأهلي نشوف أثرها في حياتنا ..
وأدعوا الله أن يطيل بقاء أمي وأن يسعدها ..

وادعوا لنا أحس تاك صدري 😔

الله يسعدكم ويجملكن في عيون ازواجكم 😍

وحبيباتي ..
أستمتعي بأمومتك وأحمدي الله عليها ولا تخوفين روحك من كلمة خررررراب الأرحام مادام انك ماشيه على نظام صح لا تخافين وأجلبي لنفسك السعاده والوناسه في طاعة الله وأكثري من دعاء الله أن يسهل نفاسك عليك وأكثري من ذكره ففيه سعادتك


والسلام عليكم 👩
أتمنى عدم إزالة الحقوق
أم سيراء . عالم حواء