نظام يومك من اول ماتصحين الى وقت النوم 💟

السلام عليكم ورحمة الله وبركاته ⚘
اكيد كل وحده فينا لها نظام يومي معتمدته ومرتاحه عليه وكل وحده على حسب ظروف دوام زوجها واولادها واذا كانت موظفه او ربة منزل وبهالموضوع نبغى نعرف تفاصيل يومك كيف بدايته وكيف نهايته من اول ماتصحين الى ماتنامين ⚘


ابدا انا بيومي ..
نظامي قبل لاانام اوقت جوالي على صلاة الفجر واطقطق شوي بجوالي اشوف اخبار العالم والاهل وشوي بمنتداي الجميل عالم حواء وبعدها انام على الساعه 11 او 12الليل واصحى مع رنة المنبهه⏰وانغز زوجي نغزتين 🤣يعني قم صل بس مالي خلق اتكلم وعلى دورة المياه سيدا اتوضا واصلي الفجر اذا كان ايام دراسه ماارجع انام اجلس اجهز فطور ولدي للمدرسه واصحيه وافطره واجلس معه لين اودعه حبيبي ويجي الباص ياخذه وارجع انظف البيت على السريع واغفي شوي واصحى قبل يجي ولدي بساعه او ساعتين اجهز له غداه ..واذا كان مافيه دراسه مثل هالايام اصلي الفجر وارجع انام علطول واصحى على الساعه 10الصباح ⏰ اتمغط 🙋‍♀️ واطالع السقف واتفكر شوي واخطط وش بسوي اليوم 🙄 وش تحسبوني انا ام التخطيط والتكتيك واقوم من السرير وافتح الشباك لاااازم الشمس☀️تدخل للغرفه يوميا ولا ماارتاح والم كشتي واغسل وجهي وافرش اسناني وسيدا ع المطبخ اسويلي شي خفيف توست مع جبنه🥪 او كاروسان بالزعتر🥐 وكوب قهوه فرنسيه بالبندق قهوتي المفضله ☕ ..واجلس افطر واروق واتنشط وبسم الله قبل لاابدا بتنظيف البيت ازيت شعري بااي زيت عندي زيت سمسم او زيت الجرجير او زيت زيتون واذا مو زيت احط حمام زيت اهم شي استفيد من الوقت دامي مخططه اسبح بعد الشغل والطبخ ومثل ماقلتلكم احط شي بشعري وخلطه بوجهي احب خلطة الشوفان بالعسل وموية الورد والزبادي تجنن للبشره نضاره ونعومه ..وبعدها ابدا انظف البيت ابدا غرفه غرفه وطبعا البيت نظيف بس الاشيا البسيطه مثل كنس وتمسيح وترتيب الفرش وغسيل دورات المياه وغسيل الملابس ومسح السيراميك واخيرا اشغل فواحتي الحلوه وابخر البيت 😍❤ وكذا خلصت من التنظيف طبعا زوجي مايجي على الغداء لانه يتغداء بالشغل مايطلع الا قريب المغرب فاانا اسوي غداء عشاء بنفس الوقت اتجهه للمطبخ اسوي الغداء وارفع لزوجي منه بحافظه وبعد مااطبخ واخلص اروح اخذ دوش 🛀وادلع نفسي واتليف واتصنفر لين اطلع الق لق 🧖‍♀️ واصير مجهزه لبسي ومبخرته من قبل احب البس ترنقات مريحه بالبيت او قميص ميدي قطن احب النفاهه يابنات مااحب ارصرص عمري 🤗 الا اذا كنت مخططه اتميلح ذاك اليوم البس جنز وبدي او تنوره قصيره واعد الساعات والدقايق متى افصخهم مااحب التكه هههه ..قبل لااتنشف ادهن جسمي بزبده اي نوع زبده وبودي شوب مليان عنده من الزبدات ترطيب يجنن للجسم وبعد ماالبس على حسب مزاجي يااستشور شعري او انشفه بس تنشيف وارفعه ويكون اذن الظهر اصلي وعلى المطبخ اجهز غداي انا وولدي حبيبي نتغداء واجلس العب معاه شوي سوني او كوره او اعلمه كم شي ينفعه وبعدها اروح اقيل شوي لين العصر اصحى واصلي واسوي رياضه على السير او اطلع امشي بالحاره وولدي يلعب بالحديقه وارجع البيت اجهز قهوه والتمر والحلا وانتظر زوجي يجي واول مايفتح الباب لزوم الترحيب حي الله نور البيت حي الله الغالي 👨 حرام من اليوم يكرف لازم ندلعه يجي هلكان يغير ملابسه ويدور الاكل ياكل ويجلس شوي يرتاح لين اذان العشاء يصلي ويرجع للبيت يتقهوا ويطلع لربعه يغير جو وانا طبعا انظف المواعين واكلم امي واتفرج لي على شي لين يجيني النوم قبل لاانام احب اقرا واحب افكر واطقطق بالجوال واخر شي اوقت المنبهه للفجر وانام ❤ هذا يومي تقريبا اللي دايما يمر علي واحيانا يتغير فيه لاصار بيجيني احد او بطلع لاحد..


وأنتي كيف يومك 👸