نظرًا لكثرة الإستفسارات الي ع الخاص وجب التوضيح😂

السلام عليكم ورحمة الله

للبنات الي أرسلوا يسألون وش سبب
حظري لفوفا أقولهم الموضوع
موجود والحوار موجود

ومارح أرد خاص أو أطلب من أي وحده
تسألني تفتح الخاص عشان
أجلس أبرر وألف وأدور
كل شي امامكم
وبلخصلكم هنا السالفه

كالعاده ساعات أمزح معها بكم
كلمه قلتلها
(ليش تاركه حصصك روحي لحصصك)

قالت(
وانت روحي لشغلك)

قلت
(أنا في إجازه حاليا
وإذا رحت عفست الدنيا ورجعت
أمس بنتي داومت معي ماكملت
ساعتين وطلعت المهم انت والخط
الأحمر.)

القصد أسولف وأعلمها اني تعبانه
ولما اروح الدوام والله اني بالفعل
أعفس اوراقهم وشغلهم لأني ماني
مركزه في شي
وبالمصادفه إني من زي أمس منزله
صورة بنتي عندي في المكتب جايبتها
معي .

قالت
(طاح كرتكم مشردين
من مدرسه لمدرسه
محد درى عنكم)

أعتقد هذا الرد تعدا حدود المزح
لحدود قلة الذووووق

قلت
من المشردين!؟؟؟؟
حنا نجي للمدارس وتستقبلونا
إستقبال الأبطال🫡
يليت اجيلك ح ص ه
واشوفك تتنافضين

ردت
(وين عايشة انتِ
من يحضر لمين
شكلك تقاعدتي من زمان
من باقي يحضر حصص
اشربي حليب قبل تنامي
عشان ماتحلمي بالحضور
كرتكم طاااااااح
كرتكم اييييش ؟؟؟؟؟؟
طااااااح
ومحد سمى عليكم)

قلت
لا ياشيخه!كرتنا طاح😂😂😂
شكل فيه موجهه صاقعتك
بملاحظات وأعمتك😝
كيف من يحضر لمين!؟
.انت وين تدرسين بالضبط؟؟
لايكون في الواق

قالت
ترى جد اتكلم
يمكن انتو عالم ثاني
وتحضرون للجن الله اعلم
حنا محد يحضر لنا
فيه مشرفة مسكينة
كل يوم تداوم عندنا
تدخل من باب وتخرج من الثاني
مانشوفها ولاندري عنها

قلت
ما إسمها مشرفه مسكينه!!!!
إسمها مشرف مقيم
هذي مهامها تقيم آداء الكل
من المديره إلى المعلم
 وتقيم نواتج التعليم
مهو لعلعه وتهريج
والكل ينتبه لها ويحسبله
ألف حساب لأنها ممثلة إدارة تعليم
المنطقه.مهو شرط الكل غافل عنها
ياأم زكي بالهروج والمزح ومسنتر هنا!


ردت

اجل انتِ منهم حطوك في مدرسة
وبعدين مين الكل ؟
ماندري عنها تعاملها مع المديرة
وفيه اشياء تطلبها اذا مديرتنا ماهي مقتنعة فيهاماتسويهاالله يرحم حالهم راحت ايامهم

قلت

وإذا كنت منهم!؟
والنعم فيهم!
مايحصلك تكونين مشرفه مقيمه !
أنا من الي يرسلونهم لكم.
بعدين الحين تقولين
تعاملها مع المديره
يعني لها تواجد ولها كلمه
مسموعه وتعتبر المدير الفعلي
طالما هي مقيمه في المدرسه!

لو تقليل الشان هذا صادر
من طالبه او أم كان مممممكن أتفهم
.لكن من معلمه!؟شي غريب جدًا!!!




ثم حظرتها
عشان أنهي النقاش.

ردت رد أغرب انه انا مبي اناقشها
لأنها شخص يعمل في نفس المجال
وعارف وفاهم كل شي!؟

ولا أدري وش الشي الي عارفته
عن التوجيه وتلمح لأني حظرتها
عشان ما تعلمنا.

يعني خلتنا مشردين وجن وكرتنا طايح
ومساكين ونكرات محد درى عنا
وتزعل عشان قلت تتنافضين من الموجهه
عند التقييم!