نظرا لنجاح موضوعي ريلاكس تعالي واحصلي على جدول الحمام ببلاش إعرفي جميع اسرار الحمام

هلا وغلا لحظه خلوني احك إيدني ببعض
اليوم بعطيكم بعض الأسرار (ما أقدر أخش عنكم شي )
كح كح (اللي قالت صحه ) على قلبها
أوكي صح اني بردانه بس مو مشكله
يهون
الجدول للحمام قبل ما أفكر أدخل الحمام (للإستحمام يعني ) أجيب ورقة وقلم واكتب كل شي راح أعملة عشان ما أنسى (على فكرة أنا إماراتية بس تعلمت اللهجة السعودية من كثر ما أقرأبالمنتدى عندكم)
المهم
1- أقول بسم الله وأحط دهان (زيت) بشعري قبل الحمام على الأقل بساعة وعلى حسب شعري شو يحتاج م الدهان مثلا لو كان الفترة يطيح أحط زيت السدر وكذا.
2-أفتح السخان لو ماكان مفتوح.
3-أتأكد من وجود المنتجات التاليه شاور جل (كارتير ) المفضل عندي+ رغايه + ملح الحليب أو البرتقال من يوكو سبا +بدي لوشن (كاريتير) وانت على حسب ذوقك او العطر اللي تستخدميه + زيت أطفال بيبي اند جونسن العادي(وردي) + بودرة أطفال (بيبي آند جونسن) + قفازات جديدة للحك (طبعا من الحبيب بودي شوب ) + فازلين للأطفال +حمام زيت( ما عرف ليش أحب اللي بالثوم أحس منه فايدة ولا به ريحة ) وكاب أو ماسك للشعر من نيفيا أو لوريال+ اسكنول المبيض غالبا بالكلامنسي + قباضه (توكة ) للشعر + مشط متباعد اأسنان + دخون (أنا أحب دخون أسرار من الياس للعطور)+ شامبو (الصراحة أنا هالفترة أستخدم بيبي جونسن للأطفال ناعم عا شعر لصغار بدي الماما تحممني شعري صغير وراسي كبير مع جونسون يكبر خخخخخخخخخ (متابعة جيدة للدعايات) + ما حب البلسم احط حمام زيت
3- المهم ندخل الحمام ونقول اللهم اني اعوذ بك من الخبث والخبائث باليسار طبعا (ونستحم بواحد من الاثنين يا ملح الحليب أو الشاور جل). ونغسل الشعر من الدهان ونحط حمام الزيت ونغسلة آخر شي ز
4- موننشف الجسم بعد الإستحمام على طول لا نحط بإيدنا شوي إسكينول ونمسح على الجسم وهو مبلول .
4- نجيب الفازلين للأطفال ونفرك فيك الأماكن المسودةواللي تجف بسرعة مثل الأكواع والركب والكعب .
5- والجسم بعدة مبلول نأتي بزيت الأطفال وندهن به الجسم كاملا. ثم ننشف بالمنشفه حتى يحفطظ ابشرة رطبة ومحتويه على الماء .
6-الحين نحط الوشن المعطر .
7- نحط بودرة الأطفال على مناطق الإحتكاك.
ما أحبذ بوضع الديودرينت لمضارة خاصة انه يسبب سرطان الثدي.
8-ننشف الشعر شوي بالفوطة ونمشطه بالمشط الخشبي بو أسنان متباعدة ونلفة بالتوكه وبعدين نلفة بالفوطة وأخيرا نلبس الروب ونطلع.
9_أنا وأنا طالعة من الحمام أقول سيتي يا سيتي (أسم اخدامه ) تحط فحم عالنار عشان الدخون .
وأستشور شعري . وأحط مخمرية(عطر خاص للشعر بالزعفران ) عليه على بال ما يجهز الفحم وأدخن بالدخون الغاوي أسرار وأتعطر .
أوووووووووووووووووووه أخيرا خلصت عاد الحين أشوف وحدة تدخل وما ترد تعبت ,انا أكتب جدول الحمام أوكي كملي جميلج وأكتبي كلمتين حلوات
واي سوؤال أو استفسار أنا زاهبة
واللي تبي تضيف خطوة حلوة الله يوفقها
واللي تطلع بدون ما ترد زعلانه منها