السلام عليكم
كيفكم يا عسلسلات
بدي احكي دغري مافيني اكتب شي لك عن جد 😅 شو عّم نعرف نحكي سوري
اقول الزبدة
ترا عيب عيب والله وقلة أدب
لما تشوفون شخص من ذوي الاحتياجات الخاصة في أماكن عامة وتبحلقون عيونكم عليه
كأنكم شايفين كائن من زحل 😊🙄
بقول سالفة حركتها صديقتي وانا حسّيت فيها وانغبنت من غبنها
تقول مرا رايحين السوق نمشي اخوي مصاب بالتوحد
تقول هو شكله جدا عادي نفس باقي الأطفال يعني أبد ما فيه شي يُبين حالته
الا طريقة مشيته شوي يمشي بطيء
المهم تقول حنا بممر السوق الا فيه بنت مقابلنا تناظر مافكت عينها أبد تناظر وهي عيونه كذا 😶
تقول نمشي وألف اشوفه الا باقي تناظر تقول شوي الا ولد وأمه رايحين للسيارة ووقفو عند سيارتهم والولد نفس الشي يناظر حتى عينه مايرمشه من قوة الفضول ياكافي
وأمه بعد مثله فاتحه باب السيارة وتناظر تقل مجبورة <<وجع
تقول انا هنا انغبتت مرا ماقدرت أمسك نفسي وقفت وقالت خيييييييير
؟؟؟؟؟؟؟
تقول رجعت البيت حزت بخاطري ليش قلت للولد كذا صغير وش عرفه بس تقول البلا من أمه الله لا يكثر من امثالها
تقول كان تنادي ولده وتقول له تعال عيب كذا تناظر بالناس مو تفغر معه
وبس
بصراحة حزنت وانقهرت من جد شي وقح وعيب
الصغار نعذرهم بس الكبار وش هاللقافه وش دخلكم بالناس أمش بطريقك
ياخي علموا عيالهم وعلموا نفسكم عيب عيب وربي ترا يحسون هم واهلهم بعد يتضايقون
من هالشي فعلاً مايحس بالنار الا وأطيها
المهم حبيت أعلمكم اذا قابلتو اي شخص لو حتى سكران ماعليكم حاولوا تتحدون الفضول وتروحون عنه
انا وأهلي نشوف ناس انواع واشكال
بس مااحس أننا من هالنوع اللي مرا نناظر في الناس كذا خلوكم راقيين شوي
تعبت والله خلاث😽
أم نايف💙👑 @am_nayf_75
محررة برونزية
يلزم عليك تسجيل الدخول أولًا لكتابة تعليق.
seemb
•
بس أيضا كمان نعطي الناس حريه يطالعو في المكان اللي هم يبغونه مايصير نحدد انت طالع هنا وانت يمين وشمال
فعلا زي حالتي ياما وياما رجعت البيت اصيح من نظرات الناس لولدي شكله جدا عادي بس حركاته تهلي الناس تطالعه وتستغرب وانا انجرح بقوه واحيانا اتهاوش مع الناس بسبب قلة ادبهم ولدي عنده توحد بسيط ومخارج الحروف شوي ضعيفه والناس ماترحم اعوذبالله
seemb :
بس أيضا كمان نعطي الناس حريه يطالعو في المكان اللي هم يبغونه مايصير نحدد انت طالع هنا وانت يمين وشمالبس أيضا كمان نعطي الناس حريه يطالعو في المكان اللي هم يبغونه مايصير نحدد انت طالع هنا وانت يمين...
مناسكنا احد على يده يختفي بس طيب الواحد بياخذ راحته والله الا عيب يتلقف ويناظر خلق الله
الحرية مو على حساب الغير
الحرية مو على حساب الغير
فعلا زي حالتي ياما وياما رجعت البيت اصيح من نظرات الناس لولدي شكله جدا عادي بس حركاته تهلي الناس تطالعه وتستغرب وانا انجرح بقوه واحيانا اتهاوش مع الناس بسبب قلة ادبهم ولدي عنده توحد بسيط ومخارج الحروف شوي ضعيفه والناس ماترحم اعوذباللهفعلا زي حالتي ياما وياما رجعت البيت اصيح من نظرات الناس لولدي شكله جدا عادي بس حركاته تهلي الناس...
ياقلبي قلبك ويادين أطفال التوحد والله انهم جنة بس الناس ذابحتهم اللقافة مايخيبون احد بحاله
الصفحة الأخيرة