نظرة الناس لك بعد الاجهاض /: تعالوا نفضفض

السلام عليكم كيف حالكم يااخواتي ؟ بغيت اسالكم عن شعور اي وحده اجهضت بعد الاجهاض كيف وضعها مع الناس وكيف الناس نظرتهم لك تكون عادية او يستفزونك بنظراتهم ويغلطون عليك بالكلام ،انا اجهضت ثلاث مرات واشوف الناس يتغيرون علي بعد الاجهاض وفيه حاريم يغلطون علي بالكلام كاني مريضة مرض خطير استغفر الله والحمد لله عندي اطفال ومالين عيني ومو مستعجلة ع الحمل ومرتاحة بس نظرات الناس لي تضايقني اذا طالعت باطفالهم احيانا بدون قصد اكون افكر وتطيح عيني ع الطفل يتغير وجه امه ويتقلب ع بالها اني ابي طفل مثله وانه عاجبني واذا قالوا فلانة حامل يلتفتون علي يعني كانهم يقولون اذكري الله لاتسقط الحرمة استغفر الله،اللي تسقط كذا يكون احساسها والا كيف ؟ماابي اقلب المواجع واضيق صدوركن بس ودي نفضفض لبعض ونطلع اللي بقلوبنا،انا الحمد لله رااااضية واعتبر اجهاضي خيييرة وانتظر العوض والخير من الله بس يضايقني تفكير بعض الناس العقيم. في حفظ الرحمن