نظرة الناس للبنت من ناحية المظهر( جمال الوجه - ولون البشره - وتناسق الجسم)/ قديم
السلام عليكم
بنات أنا دائما اشوف العالم تركز في نظرتها للبنت على الشكل الخارجي فقط
وأسألوني ليش ؟ لأني أنا عانيت مع الناس لهذا السبب والله يابنات اني اذا رحت لمكان ولا كأني موجوده
يطنشوني تطنيش مو طبيعي تخيو مره انا كنت رايحه لزواج مع زوجة اخوي والله يابنات جات وحده
وسلمت على زوجة اخوي وماسلمت علي ولما سألت زوجة اخوي قلت لها انتي تعرفينها قالت لاوالله
ما اعرفها حتى انا استغربت ليش جات سلمت علي يعني شوفو الوقاحه لوين توصل عند بعض الناس
طيب ليش ماسلمت علي وش ناقصني انا هل عشان زوجة اخوي بيضا وحاطه مكياج ونا سمره
ومكياجي خفيف لأني بنت مو متزوجه مايصير احط مكياج متزوجات .. ومره كنت في زواج تخيلو جات
وحده من عائلتنا ودخلت مابين الطاولات بالغصب من كثر ماكان الزواج زحمه وسلمت على زوجة اخوي
وحبتها بينما انا صافحتني بيدها ونا كنت بجنب زوجة اخوي سلمت علي بيدهناا رغم اني انا اصير بنت عمها
بينما زوجة اخوي ماتصير لعائلتنا من عائله ثانيه يعني استغفر الله العظيم كل هذا تقديس للشكل يعني معقوله
أهين خلق الله عشان الشكل .. غير كذا تخيلو حتى مرات لما اروح لعزومه عند عائلتنا واروح مع زوجة اخوي
والله يابنات انه الحريم الكبار يقومون لزوجة اخوي ويسلمون عليها ويعرفون الناس عليها ويشيلونها من على
الأرض وكل وحده تبغا تجيب لها وتودي وكأنهم خدم عند زوجات اخواني بينما انا اذا جيت اسلم عليهم والله
ولا وحده فيهم تقوم لي لدرجة اني احب راس الوحده منهم لاصارت كبيره وهي جالسه بمكانها أنا انزلها بينما
لاصارو حريم اخواني يقومون لهم وتعالو سمعو كلامهم معاهم ونا ولا أحد منهم يفكر يتكلم معي مع اني ربي
شاهد علي اذا هالناس اللي يتعاملون معي كذا من عائلتنا فأنا والله جدا محترمه معاهم وجدا خجوله واحبهم من
كل قلبي بس مدري ليش يسوون معي كذا واذا هالناس من عامة الناس يعني من معارفنا مثلا او أنسابنا فهم
احترمهم بس ليش هم مايحترموني معقوله الأحترام بس للي شكلها بنظرهم جميل ولا الأخلاق والأدب مو مهم
عندهم انا فعلا سابقا كنت سمينه كثير وبفضل من ربي وتوفيقه لي قدرت انحف ماشاء الله وصحيح اني الان
زدت شوي بس مو مشكله المهم انه تغير شكلي ولكن فيه بالحياة امور الانسان ماله يد فيها والحمدلله رب
العالمين ماخلق بهالدنيا انسان شين الحمدلله كلنا دام خلقة ربي فحنا حلوين والانسان هو اللي يجمل نفسه
او يبشعها ببشاعة نفسيته وعنجهيته وترفعه على الناس بسوء أدبه وتعامله الفض مع الاخرين ولكن انا وش
ذنبي لما يجيني ناس بهالصوره البشعه ويحسسوني بالنقص في نفسي وكأني غيرهم مو مثلهم طيب اذا أنا
سمره وش فيها الحمدلله رب العالمين احلى لون وش يفرق لو لوني أبيض يعني سبحان الله ناس عقلها
تافه غير كذا اذا كنت سمينه وش اسوي طيب ربي قدرلي هالشئ هل لازم انعزل عن العالم يعني والله أثرو
على نفسيتي لدرجه ماتوصف.. ليش أثرو علي سلبا ؟ لأن أنا الان بعد ماكبرت وشفت كيف اهملت جسمي
حسيت اني انقهرت لاني تركت نفسي للسمنه طيب وش ذنبي اذا ماعندي أهل ينصحوني والله يابنات ماعمري
شفت جسمي بالمرايه ونا صغيره كانوع من الاهتمام بالمظهر ليش لأن محد وقتها كان يهتم بالجسم اذا رشيق
ولا سمين وحتى أمي ماعمرها اهتمت يوم انها تقول لا انتبهي لاتسمنين لأن امي اصلا عندها امور كثيره مهمله
فيها بالحياة فامن مين نتعلم اذا أمنا اهم الأشياء بحياتنا ماعلمتها لنا فمابالكم بالجسم وكبرت وصرت اسمن ولما
جا اليوم اللي ربي وفقني فيه وكثر على سمعي مسألة النحف والرشاقه وبدت يكثر الحديث عنهم بمجتمعنا
والحمدلله ربي وفقني ونحفت ماشاء الله ووقتها أثرت أهتمام عائلتي وكلن صار يسألني كيف نحفتي وايش هالجسم
الحلو ولكن للأسف حلو ظاهريا باللبس ولكن داخليا فيه ترهلات كبيره انا أحس بالهم لما اشوف جسمي كذا
حتى اقول كيف اذا ربي وفقني وتزوجت وش اسوي مع جسمي فكرت بعمليات بس اهلي مو راضين
وصرت اسوي رياضه بس للأسف كمية الترهل صعبه شدها بفتره قصيره تحتاج لسنوات مع الرياضه
ولكن الله يسهل ثم طبعا ماخلصت من السنة الناس ومع قهرهم اني نحفت صارو يطلعون عيوب انه نحف
وجهي او اي شي ثاني يجي ببالهم ورغم كذا طنشتهم وطبعا ما أنكر انه فيه ناس افرحت لي يوم نحفت لأن كانت
هذي اول خطوه بحياتي اقوم فيها واشغل نفسي
الان فعلا بعد ما اهملت نفسي ورجعت سمنت شوي احس نفسيتي تعبت كثير لأن ماعاد فيني طاقه لأي شي
لأن المشاكل اللي فيتنا كرهتني بكل شي حتى والله الشيب كثر بشعري صار ثلاث ارباع شعري شيب صرت
اخاف لا اطلع والعالم تشوف شعري شايب حتى صرت احرص اني اصبغه كل نهاية شهر ووجهي صابه
بهتان وصرت احس نفسي كبيره من الهم والمشاكل ونظرة الناس اللي ماترحم رغم اني انسانه احب
الضحك والوناسه وسعة الصدر وماحب النكد والمشاكل بس حسبي الله ونعم الوكيل وش اسوي
الان بجد ابغا ارجع اهتم بنفسي وبنحافتي ونفسي اكون بارده واطنش وما أتعامل مع الامور بفوق طاقتها
ن فسي ارجع احس اني هذيك البنت الصغيره اللي بالعشرينات المليانه نشاط وحيويه مو هم وكدر
بس مو عارفه وش اسوي
وعلى فكره بالنسبه للشكل مع اني سمره صحيح اني اذا سمنت تختفي معالم وجهي ولكن لما انحف تبرز خطوط
وجهي وأحلو أكثر والكل يقولي واولهم صديقاتي والحمدلله على كل حال بس مدري التفكير بالمظهر
والشكل يعتبر للأنسان لو زاد التفكير فيه عن حده هل ممكن نسميه هاجس ولا شئ عادي عند البنات
وحتى شعري يابنات صار خفيف من كثر ما اجرب بالرجيمات ولا اكل أكل صحي طبعا
والله مدري وش اسوي
119
17K
هذا الموضوع مغلق.
عليكم ـالــسســــلاآآآم ..}
بس يا قلبي اللي يصير لك الحين لاتخلينه يأثر عليك وتهملين نفسك ,, اهتمي بنفسك بدون مبالغة ..
وخليهم يسوون اللي يسوون .. ولا يهمك احد .. حتى لو انك ملكة جمأإأإل بيطلعون عليك عيوب ..
وانتي لا تزعلين اذا ما سلموا عليك ولا طنشوك .. خلي شخصيتك اعلى منهم ..
وان شاء الله الجـأإأي احلى مع زوجك وعيالك .. الله كريــــم ..
وبالنهاية كلنا بياكلنــا الدوود :biggrin:
بس يا قلبي اللي يصير لك الحين لاتخلينه يأثر عليك وتهملين نفسك ,, اهتمي بنفسك بدون مبالغة ..
وخليهم يسوون اللي يسوون .. ولا يهمك احد .. حتى لو انك ملكة جمأإأإل بيطلعون عليك عيوب ..
وانتي لا تزعلين اذا ما سلموا عليك ولا طنشوك .. خلي شخصيتك اعلى منهم ..
وان شاء الله الجـأإأي احلى مع زوجك وعيالك .. الله كريــــم ..
وبالنهاية كلنا بياكلنــا الدوود :biggrin:
j0o0ry
•
حبيبتي لاتحطمين نفسك ابداً مهما كان
انتي بنت وموناقصك شي
لاتنظرين للأشياء السلبيه بس
اكيد فيك شي حلو انتي مو شايفته
لاتحطمين نفسك وخليك وااثقه من نفسك
واذا على الرجيم كلي أكل صحي لاتهملين نفسك
ولاتحملين نفسك فوق طاقتها
سوي رياضه واهتمي بنفسك
موقفه
انتي بنت وموناقصك شي
لاتنظرين للأشياء السلبيه بس
اكيد فيك شي حلو انتي مو شايفته
لاتحطمين نفسك وخليك وااثقه من نفسك
واذا على الرجيم كلي أكل صحي لاتهملين نفسك
ولاتحملين نفسك فوق طاقتها
سوي رياضه واهتمي بنفسك
موقفه
الصفحة الأخيرة
وانبسطي واضحكي ولا يهمك احد
ترا الناس والله العظيم مهما سويتي بيطلعوا عيووووب
انتي حبي نفسك ياقلبي وراح ينعكس هالشي على وجهك
وعيشي حياتك وحبيها العمر مره وحده..
أسأل الله بأسمه الأعظم انه يبارك لك بحياتك ويشرح صدرك ويحبب فيك خلقه
ويرزقك الزوج الصااالح وبنات المسلمين...
تقبلي ردي وودي