لأهمية الموضوع نقلته كما هو بلهجة الشيخ .. سؤال كثيرا ما يخطر علينا وقد لا نجد له إجابة .. الشيخ بسط الإجابة بشكل سلس .. أسأل الله أن ينفع بهذه الأسطر كل من يخطر لها خاطر كهذا ..
س/ اللي بيعف نفسه ويقاوم حبه عشان ميغضبش ربنا مش هيتجوز اللي بيحبه، واللي مستمرين عادي ومش بيمتنعوا عشان رضا ربنا هما اللي هيتجوزوا !! هتجنن من التفكير والحيرة.
ج / ما هي دي مشكلة تفكيرنا مش مشكلة حد تاني :)
خليني أقول لحضرتك المشكلة فين..
المشكلة باختصار شديد في نظرتنا الفردوسية المادية للعالم: كل شيء في الحياة لازم يكون فردوسي يثاب فيه الطائع ويحاسب فيه المسيئ.. ولازم يكون الثواب والحساب دول ماديين ملموسين علشان نقدر نؤمن فهلًا بحكمة الحلال والحرام والالتزام بكل منهما.
ليه الفكرة دي مشكلة؟
ده ببساطة لأنها متعارضة مع التفسير الإلهي للحياة الدنيا وإنها دار عمل واختبار مش دار ثواب وجزاء، وبالتالي فالأصل إننا مؤمنين بالغيب وبنمتثل للأمر/النهي الإلهي تأسيسًا على إيمانا بالله تعالى، مش عشان السما تمطر علينا سعادة أو متمطرش حجارة من سجيل.
وده يقودنا للنقطة التانية حول مادية التصور للعقاب والثواب الإلهي اللي بيخلينا فاكرين الثواب لازم يكون مادي وكذلك العقاب بمعنى إن العفيف يثاب بحب عمره والعاصي يتعاقب بحرمانه منها -ورغم إن ده ممكن يحصل فعلًا- إلا إنه مش قانون ثابت؛ لأن ممكن يُختبر المحسن بالفقد اللي يخليه يصبر فيزيد أجره، ويعاقب المنحل بالعطاء فيفتن بيه ويستمر في ضلاله ويزيد سوءه.
إذن في وجه آخر للثواب والعقاب -وهو محتمل ومش حتمي برضه لأن الله يفعل ما يشاء- لكنه حاضر كاحتمال تاني.
إذن، واختصارًا:
- احنا بنمتثل طاعة لله مش طلبًا للسعادة الدنيوية واللي هي أصلًا ربنا موعدش بيها وإنما وعد بالسعادة الأخروية.
- السعادة الدنيوية مش لازم تكون بالأخذ أو العقاب يكون بالمنع؛ لأن أحيانًا بيكون المنع عين العطاء، فممكن المؤمن المبتلى يكون أسعد من العاصي المتمتع؛ لأنه منتظر ثواب الله في الآخرة وراضي داخليًا إنه مطيع لله وسعيد بقربه ومعيته ورحمته.
- أخيرًا: لو كان الخير ثوابه لحظي ومدرك ومشاهد في الدنيا والعكس بالنسبة للشر: ففين وجه التميز بين الصالح والعاصي لما ممكن الشرير يعمل الخير وهو طمعان في اللذة الدنيوية ويمتنع عن الشر خوفًا من أذى الحياة؟ ويفضل زي ما هو سيئ النفس وخبيث القلب؟ وفين التطهير النفسي اللي بيصنعه الإيمان بالغيب؟ وفين الثواب العظيم اللي بيصنعه الصبر والثقة في وعد الله وعبادته إيمانًا بيه هو مش طمعًا في اللذات الزائلة؟ :)
سامح طارق
الجيل الجديد . @algyl_algdyd_1
عضوة شرف في عالم حواء
يلزم عليك تسجيل الدخول أولًا لكتابة تعليق.
عزوف.. :
روعة ياريت الكل يقرأ هذا الموضوع بعضهم تقول أنا ملتزمة وناقصني حاجات كثير ونسيت إن الدنيا دار ابتلاء واختبار جزاك الله خيرروعة ياريت الكل يقرأ هذا الموضوع بعضهم تقول أنا ملتزمة وناقصني حاجات كثير ونسيت إن الدنيا دار...
الله يسعدك فعلا الموضوع مهم جدا
🍃
* ﴿فَاذْكروني أَذْكرْكم وَاشْكروا لِي ولا تكفرون﴾
لا يزال العبد بخير ما تقلب بين ذِكْرٍ وشكر.
*فاللهم أعنا على ذكرك وشكرك وحسن عبادتك.*
* ﴿فَاذْكروني أَذْكرْكم وَاشْكروا لِي ولا تكفرون﴾
لا يزال العبد بخير ما تقلب بين ذِكْرٍ وشكر.
*فاللهم أعنا على ذكرك وشكرك وحسن عبادتك.*
الصفحة الأخيرة
ياريت الكل يقرأ هذا الموضوع
بعضهم تقول أنا ملتزمة وناقصني حاجات كثير ونسيت إن الدنيا دار ابتلاء واختبار
جزاك الله خير