السسلام عليكم
ومسساء الخير والأجواء الجميلة الممطرة واللهم اجعلها أمطار خير وبركة ..:26:
بصراحة أختكم بالله ما لها في المقدمات لكن باشارككم هالموضوع لغاية واحدة فقط راح أكتبها بنهاية الموضوع وأتمنى نخرج جميعا بفايدة ..
بصراحة الإجازة اللي فاتت رحنا للشرقية للمرة الأولى وكانت بحق رحلة ممتعة أتعب وأنا أقول ممتعة
كنت من الناس اللي ما يطلعون كثير.. مع أن أهلي راعين سفرات وطلعات لكن ما كنت أحب طريق السفر بالسيارة ..المهم رحنا الخبر بعدين الدمام بعدين الجبيل
وبصراحة ذهلت لجمال المنطقة الشرقية يعني كان التنظيم والنظافة ..بصراحة ما كانت نظيفة الخبر أو الشاطئ اللي زرناه لكن الجبيل بحق جميلة جدا جدا والنظافة والنظام ينافس أعتقد مدن عالمية والأشجار الإستوائية على الشاطئ كانت رائعة بحق
يعني اكتشفت للأسف أنه ما عندنا تسويق للسياحة بالداخل بالشكل المطلوب
طبعا وبما أننا في الشرقية فلا بد كبنت أخذ فرة على مولاتهم وفعلا رحت للراشد مول تقريبا الظهر ..وكنت متوقعة على حسب ما سمعت من المنتديات ومن هنا
أني راح ألقى الوضع فري جدا وكأني في دبي والبنات كاشفات والميك اب بيصير مو طبيعي لكن انصدمت أنه مو نفس ما كان العالم والحريم يقولون يعني صحيح فيه كاشفات بس ما شفت التبرج الزائد عن حده
واللي ما شاء الله أعجبني جدا أنه رحنا نصلي الظهر فوق وما شاء الله تبارك الله أعداد البنات اللي يصلون كانت كبيرة والله هالشئ فرحني جدا غير أنه كانوا متسترات ونقاباتهم عاديه ولا فيه ميك اب ولا يحزنون ...والشباب أيضا كانوا محترمين
أنا ما أدري هل هالشئ كذا لأني رحت الظهر ؟؟؟ والوضع مختلف بالليل أو كيف ؟
طبعا ما نحكم على ديرة بسبب مول واحد بس بوجهة نظري الشخصية هالشئ كفيل يعطيك فكرة مصغرة عن الوضع هناك وخصوصا أن هالمول مشهور هناك
ما يستفاد من الموضوع :
لا تحكمي أبدا أبدا أبدا على أمه أو شعب أو مدينة إلا بعد زيارتها ورؤيتك لها بأم عينيك عندها أصدري حكمك الخاص ..الناس بطبعهم يميلون للمبالغة والتهويل
وشكرا لقرائتكم ..ًصديقتكم ..غيومه:heart:
غيومه @ghyomh
عضوة نشيطة
يلزم عليك تسجيل الدخول أولًا لكتابة تعليق.
فـوفـى
•
فعلا الشرقيه روعه كنت عايشه فيها
الشرقيه رووووعه بكل مافيها ناسها وطيبتهم وكرمهم وجمالها وتطورها ورقي اهلها ونظافتها شي ملفت صراحه تستحق فعلا اجمل مدينه عربيه الخبر وهل اجمل من الخبر وبحرها وكل شي فيها انا وحده قضيت احلى سنين فيها
الصفحة الأخيرة