هلاحبيباتي الحوائيات
يسعدمساكم
هذا نظامي بين يديكم
حبيت افيدكم واشجعكم
زي ماافدتوني كثير
ربي يسعدكم
اللي حابه تتعاون معي ونسوي لنا جدول ماعندي مانع
وبعد اسبوع من الالتزام فيه راح ننزل الجدول بالصور
انا متزوجه من سنتين ومعي بنت وحده عمرها سنه
بيتي 4 غرف و3 حمامات ومطبخ وصاله صغنونه مو متعب بالترتيب لكن لابد من الهمه
مجلس الرجال ومجلس الحريم اخليهم على شغالة امي اذا جتنا يعني كل اسبوعين مره وماعندي غبار كثير فيها
تطلع الشبابيك وتغسلها وتنفض الكنبات والستاير وتمسح وتكنس ..
المقلط فاضي بس خليته لنشر الملابس والكوي
اما غرفة النوم بصراحه كل 3 ايام ترتيب عميق
اذا صحيت من النوم افتح الشبابيك واخلي الشمس تعقم المكان واروح افطر وافطر بنتي وعلى صباح الخير ياعرب واقوم اتوضى واشغل جمر وارجع اصلي الضحى واقوم وابخر الغرفه بمستكه مدري ليه احبها احسها تعقم انتو مثلي !
وارتب السرير واجمع الملابس اللي على الارض وارتب التسريحه واشيك ع غبار الغرفه اسبوعياً
واي شيء زايد لبس احس اني من فتره مالبسته او لبس لبنتي صغير عليها على طول احطها بكيس واتصدق فيها اول بأول
واي غرض ماعدت احتاجه اتصدق فيه
واي غرض ماله داعي بالزباااله
مثلا علبة بندول فاضيه-كرتون تحاميل حراره لبنتي-علبة اعواد الاذاني الفاضيه-كريم يدين مخلص يعني زي كذا
مااحب القرابع في غرفة النوم مررره
الحمامات 3
حمام قسم الرجال اغسله بالشهر مره وغسالات اليدين مغلفتها بسفره على شان لاتتوسخ
وحمام الاوسط حق الغسيل احط فيه سلة ملابس بسحاب على شان لو جاني ضيوف فجاه وانا مجمعه ملابس اغسلها اسكر السحاب ويبقى المنظر حلو وسلة ادوات التنظيف وبعد كل غسله اشطفه سريع هو دايم نظيف
وحمامي انا وزوجي حاطه فيه شطافه ومرش ديتول وكلوروكس وارش بعد كل استخدام واشطف بس يعطي ريحه
اما التنظيف مررره اذا دخلت اتروش اخذ عدتي وانظف وقت مايكون الحمام كله بخار فكره صح :27: هههههههههههه
والمواعين اول باول بعد كل وجبه - شطف المطبخ نهاية الاسبوع- الفرن مسح يومي-الثلاجه شهريا قبل ماانزل السوق اقضي
والحمدلله مرتاحه وبيتي اغلب الوقت نظيف
طبعاً هالايام صرت حريصه ع البيت قبل كنت اتعب لأن بنتي كانت بكايه ونومها مو مره اللحين الحمدلله تعدلت لما كبرت ولما اخذتها بالخيزرانه ههههههههههههه لالا امزح لاتصدقون يجعلني فدوتها القمر:04:
واخيرا
انا مااتعب نفسي بالشغل وكل يوم كرف واكسر ظهري ولا اهمل البيت واخلي ريحته توصل للجيران ههههه
هو صح الشغل متعب لكن اللي تتعود عليه يصير روتين يومي
----------
نسيت اقولكم كل يومين ابخر البيت لأني من عشاق البخور وكل نزله لي السوق لازم علبة بخور و:arb: يعصب
وكل جمعه احط عوده مع خطبة الجمعه
وكل 3ايام انزل الزباله
واحاول قد مااقدر اقوم لصلاة الفجر وما أأخر الصلوات عامةً لأن الصلاه تعطي راحه وقوه للانسان
------------------
اتمنى نظامي يعجبكم وترقبوه بالصور قريبا اذا شفت احد يعطيني وجه ويشاركني
أُم دنـو @am_dno_3
عضوة فعالة
هذا الموضوع مغلق.
اتمنى حفظ القران
•
ماشاء الله لاقوة الا بالله الله يبارك فيك ويكثر من امثالك ونعم الزوجه وياليت تحتسبين الاجر في عملك في بيتك لتكسبين الاجر وترضين ربك ثم زوجك
ماشالله تبارك الله .الله يزيدك نفضلة \\
أنا ام لطفلين وفي شقة يادوب الحق
الله يعين بس
ا
أنا ام لطفلين وفي شقة يادوب الحق
الله يعين بس
ا
طيب انا انظف البيت واتعب وابخر بالنهايه تكون ريحه اخخخخخخخخخخ تجيب امرض من مغسلةالمطبخ مو عارفه شو اسوي
كل يوم اكب مويا حاره ولا فيه فايده
كل يوم اكب مويا حاره ولا فيه فايده
نجمة جده
•
ماشاء الله شي يفتح النفس
تقريبا نفس نظامي اخلص شغلي اول باول ولا اخلي شي لبعدين
كذا اريح وانظف
الله يعطيكي العافية
تقريبا نفس نظامي اخلص شغلي اول باول ولا اخلي شي لبعدين
كذا اريح وانظف
الله يعطيكي العافية
الصفحة الأخيرة