السلام عليكم ورحمة الله وبركاته
كيفكم يااحلى حوائيات وكيف اخباركم
إن شاء الله تكونوا بالف صحة وعافية
:27:
اشكر كل من اعطاني الدعم لمواصلة موضوعي اللي بفضل الله ثم بفضلكم
قدرت اسوي موضوع وإن شاء الله يعجبكم ويلاقي استحسان كتير من البنات
:26:
في المنتدى
ــــــــــــــــــــــــــــــــــــــــــــــــــ
يلا ابدأ في الموضوع
اللي هو يتكلم عن** التوفير والتنظيم **
اول شي ابغى اتكلم عن التوفير في مقاضي البيت يعني مثلا انتي لما تروحي
السوبر ماركت تشوفي ايش الناقص في بيتك قبل لا تخرجي وتدونيه في ورقة
وتشوفي ايش اللازم احضاره وتجيبيه يعني اهم شي الارز والسكر والشاهي
والبن والزيت والدجاج وان امكن اللحم والسمك واهم شي يكون اساسيات
وماراح اقولكم خذوا ماركات عادية لا اهم شي الاشياء اللي ااتعودتي عليها
وحاولي قد ماتقدري خذي اللازم يعني اشياء الحلى خليها لما يجوكي ضيوف
او فكرتي تسوي حلى طبعا خصصي له مصروف على قد حاجتكم
ــــــــــــــــــــــــــــ
نجي للمنظفات خذي كرتون كبير اومو او اريال او تايد اي منظف يعجبك
خذي منه 2 وخذي معاه 2 كيس صابون مبشور واخلطيها في طشت
كبير ووزعيها على علب صغيرة وطبعا هذه اذا قلنا غسيلك كل اسبوع معناته بتجلس
معاكي شهر ونص في منظفات نستخدمها لغسيل الحمام ..الله يكرمكم ..
نفس الشي ناخذ منها علبتين
& وانا اقولكم على طريقتي الخاصه&
_ الديتول اذا العلبة انتصفت ازيدها موية عشان تكفي كمان
_ الجل العملاق الاخضر
_الفيري او اللوكس كلها ازيدها اذا بقي نصفها
وعندي خلطة موفرة:
اجيب بخاخ فاضي واحط فيه شوية كلوركس وجل عملاق اخضر وشوية
جف الاصفر واخلطها وهذه استعملها لكل شي في المطبخ والدواليب والثلاجة
وبكذا توفري في مقاضي المنزل والله يابنات احنا في زمن الغلاء والواحدة لازم تقيصد شوية
انا مااقول احرموا نفسكم بس اقولكم وفروا في هذه الاشياء للي تبغى توفر وتساعد زوجها
وانا حبيت اضيف هذا الموضوع عشان الواحدة تقدر توفر ولو جزء بسيط من الراتب
عشان كل واحدة عندها امنية وتبغى تحققها ولو على المدى البعيد بس شوية صبر
وربك يفرجها
بنات لاتنسوا الصدقة ترى فيها سر عجيب والله واقولها عن تجربة
سامحوني لو لقيتوا اخطاء ترى اول مرة اسوي موضوع ويلا ابغى اشوف
تفاعلكم وانا معاكم بإذن الله ولي عودة مع موضوع عن بقايا الاكل اللي في العزايم
والله بيزيد الاكل ونحتار ايش نسوي فيه وان شاء الله ارجع لكم باافكار جديدة ومفيدة
نحياتي لكم ولكل من شجعني ودعمني
:icon28: