نعالوا اقولكم ايش اللي صار وابغى رايكم

السلام عليكم


طبعا كل وحده فينا تروح الكوفيره للتنظيفات على الاقل مره بالشهر

المهم في قريب مني يعني على بعد 10 دقايق صالون كبييييييير ومعروف ومن يوم انا في الابتدائي وانا اروحلو طبعا اتغير كتييييير وكبروه وكدا


المهم اروحلهم تقريبا كل شهر واللي بيشتغلوا عماله مصريه وسودانيه

اروح اسوي فتله و حواجب المهم اول كنت اسوي عند السودانيه بعدين صارت لمن تشوفني مهي طايقه تسويلي وتقلب وجهها

غيرت روحت لوحده تونسيه في نفس المشغل

من البدايه قالتلي مين اللي طلبني انتي طالعت فيها انه ايش الاسلوب دا
المهم وتحاول تقنعني بصوت عالي وقدام الناس وبمنتهى قلة الادب انه سوي شمع وانا وجهي حساس جدا يادوب اتحمل الفتله ومره سويت شمع اتجرح وجهي وحبوب وكانت في وحده حرمه بيضا قاعده تقولي شوفي ابيض منك ومسويه شمع اللي يسمعها يقول اني قلتلها انا بيضا ماابغا اسوي اقولها للخبله بشرتي حساسه وهي تقولي ابيض منك المهم ماادري ليش ماروحت اشتكيت عليها وخليتها تسويلي وسوتلي زي وجهها

المهم امس روحت ابغى اسوي تنظيفات وحده حرمه مصريه كبيره قالتلي انا مشغوله وعندي حلاوه جسمها كله
قلت اوكي روحت لسودانيه قالتلي انا مزحومه

خرجت واللي على الريسبشن قالتلي تعالي بدري المهم خلصت اليوم دوامي وانا بالبالطو خرجت من المستشفى على الكوفيره ورحت قعدت استناها المصريه لسه ماجات لمن جات لقيت وحده قاعده على الكرسي قبلي وقلتلها معليش عفوا انا ابغى اسوي شمع وحواجبي طالعتلي كدا قالتلي انتي ماسويتي امس قلتلها مو انتي قلتيلي مشغوله مشيت وجيت اليوم ومشيت وسابتني ولا كاني اكلمها طبعا نزلت على الريسبشن وقلتلها انه انا بعد كدا مني جايتكم وغلطانه اني اجيلكم وهي حاولت تهديني طنشتها وخرجت


ودحين اقولكم ليش مايبغوا يسوا هما متعودين على الزباين يدوهم بقشيش 10 او 20 رريال في جيبهم وانا ارفض الموضوع دا تماما انه خلاص هي محسوبتلها نسبه من اللي بتسويه اساسا ومو كفايه انك بتدفعي قريب ال200 كمان لسه اديها بقشيش


انتوا هل تعطوا الحرمه اللي تسويلكم بقشيش ؟؟؟؟

زوجي يقولي كان اشتكيتيها وغصبا عنها ملزمه تسويلك انتي مابتشحتي منها كله بفلوسك؟؟؟؟؟؟؟؟؟؟؟؟

والله مولعه منهم:mad: