نعمه عدم الانجاب

:26: السلام عليكم اخواتى الحبيبات اود أن اكتب لكم عما الهمنى به الله فصبرنى على حالى عسى أن تصل كلماتى لقلوبكم فتنشرح بها صدوركم. :) أنا مثلكم متزوجه من 4 سنوات ولم احمل قط كنت دائما فى صلاتى ادعو الله ان يرضينى كنت اقصد بالرضا ان يرضينى بالذريه.:26: و قرب الدوره كنت اقول لزوجى " انا لو ماحملتش الشهر ده انا ممكن اموت فيها من الزعل" " انا لو مش حامل هبكى وهيكون يوم اسود" والله يا بنات اول ما تنزل عليا الدوره احس براحه نفسيه والاقى نفسى بقول الحمد لله و احس انى مبسوطه و فعلا كان الله سبحانه وتعالى بيرضينى لكن بقضائه . بيرضينى بحب زوجى لى يااخواتى احنا فى نعمه اولا: تأ خرنا هذا مقربنا من الله جدا شوفى كام مره فى اليوم بترفعى ايديك للسما و تقولى يا رب ,كام مره تناجيه تدعيه بتصلى الفرض والنافله قضاء الحاجه قيام اليل بتقرأى قرأن ده كمان بتعملى لنفسك ورد يوميا صحيح كل ده بنيه الحمل بس تؤجرى عليه ان شاء الله. ثانيا:حتى لو دعيتى ولم يستجب لكى تؤخر استجابه دعوتك ليوم القيامه يدخرها المولى عز وجل لكى. ثالثا: اذا صبرتى ورضيتى بقضاء الله و عرفتى ان هذا ابتلاء من الله لعباده حسب شده ايمانهم عرفتى منزلتك عند الله غاليه اد ايه. رابعا:زوجك وعلاقتك بيه بتزيد الموده والقرب لان كل اهتمامك بيكون منصب ليه بتحاولى دايما تعوضيه وهو كمان بيحاول يعوضك بتكون فى مساحه من الوقت دايما ليكم تسافروا تخرجوا تسهروا انا لما رحت المصيف انا وزوجى و اصحابه و اولادهم والله اصحابه حسدونا على وضعنا من غير اولاد . انا مقصدش من كلامى أن احنا كده احسن من الكل لأن الله سبحانه وتعالى قال " المال والبنون زينه الحياه الدنيا" انا اقصد ان الله قدم المال على البنون بس فضل الباقيات الصالحات وقال خيرا عند ربك ثوابا واملا . أنا نفسى كل واحده فينا تنظر لنفسها و حياتها وتحاول تتطلع منها امل و خير و نعمه . وعذرا على الاطاله ورزقنى الله و اياكم الذريه الصالحه:26: