رووووووووووووووووووووووووعه كلعااااااااااااااااااااااااااااااده لاشيء جديد



مهوره مبدعتنا دايم تبهرنا

وااااااااااو
والله لو اقوولهاا مليون مرره مااتكفي بحقهاا
داائماً مبدعه
وااااصلي يالغلاا
مهووره الحيين الساعه ٢ ووووووينگ ..؟!

شكر لكم على الرفع الله يرفع قدركم وعلى الردود الحلوه ياعسولات والحين بحط لكم



*** البارت الثالث ***
*******************
*************************

بدر : طلال الله يعافيك أبيك بكره تدور لي واحد يجلس معاي
على طول يأكلني ويلبسني ويروح معاي المسجد
**********************
الأم : وش ها الكلام يمه إحنا كلنا عندك ألي تبي أحنا نسويه لك
******************
بدر : لا يمه أنا ما أبي أتعبكم مآبي أحس إني حمل عليكم الله يخليك لا تزعلين بس عشان ارتاح
****************
طلال : بسيطة ما طلبت شيء بس كيف يأكلك ويجلس معاك وأمي و خواتي
***********************
بدر : أي أنا كنت بقولكم أنا خلاص مآبي اجلس بغرفتي أنا أبي اجلس بالملحق إلي برى عشان محد يشوفه وهو يجلس معي وإذا نمت يروح بيتهم أو ينام عندي بعد أحسن
********************
الأم : يا ولدي خله يجيب لك زي ما قالت لكن الأكل تأكل معانا أنا مقدر ما شوفك على السفرة يا تخليني أنا
أكلك
أو أنت شوي شوي تتعلم لكن تأكل بالحالك لا مستحيل
***********************
بدر : ابتسم ابتسامه باهته وقال خلاص إلي تشوفينه يمه
*********************
وفي اليوم الثاني :

طلال : يا لله يمه أنا بروح عشان أدور إلي طلب مني بدر
الرجال إلي يساعده
******************
الأم : الله يعطيك العافية يا ولدي
*********************
خلود : طلال تكفى خذني على طريقك بروح لصديقتي عشان اعزيها أبوها متوفي
*********************
طلال : لأحول ولاقوه إلا بالله طيب يا لله البسي بسرعة
أنا انتظرك في السيارة
********************
في الليل :

طلال : بدر تراني ما خليت مكتب ما رحت له عشان
أجيب لك الرجال إلي يخدمك كلهم نفس الكلام يقولون
نجيبه لك بعد شهرين ثلاث
*******************
بدر : الله شهرين ثلاث معقولة وش أسوي أنا كل ها ألمده
********************
الأم : الله يهديك يا ولدي أحنا هنا كلنا في خدمتك وإذا جيت تروح المسجد أخوك يوديك لا تضيق صدرك الله يهديك
********************
بدر : لا يمه أنا ما أبيكم تزهقون مني
طيب طلال ادري إني تعبتك بس معليش استحملني شوي إعلان في الجريدة أكيد كثير يتقدمون وخلي الرتب مغري
*******************
طلال : حاضر ولا يهمك بس أنت لا يضيق صدرك
****************
الأم : خلود وش أخبار صديقتك إلي توفى والدها
***************
خلود : والله يمه حالتها تصعب على الكافر حزنت كثير عليها تبكي بكي المشكلة أبوها كان فراش يعني راتبه يا دوب يكفيهم بالعافية لكن يوم مات صارت حالتهم حاله أخوانها ستة وكلهم صغار وهي اكبر وحده فيهم والمشكلة قدمت كثير ما خلت مكان ما حطت ملفها فيه لكن ما فيه تقول يا لله بالعافية يلاقون شيء يا كلونه وما عندهم عم يساعدهم وخالها
ظروفه مره صعبه قطعت قلبي تقول مدري كيف بيعيشون
ساعدتها بالي اقدر عليه عطيتها مبلغ بسيط كانت بتبوس يدي
والله أوجعني قلبي عليها مسكينة الله يرحم حالهم
********************
الأم : لا حول ولا قوة إلا بالله مالك حق كان قلتي لي كان عطيتك مبلغ تخذينه معك
*********************
خلود : مدري أنا وش درأني إلا و شرأيك يا بدر نجيبها تخدمك وتجلس هنا مو بالملحق ونعطيها الراتب
نكسب فيها اجر
*******************
الأم : أنتي صاحية كيف تلبسه وتأكله وين قاعدين في أمريكا
*******************
ملاك :أو أقولكم وشر أيكم زي الأفلام نخليها تتزوجه شهرين ثلاث لحد ما نلاقي له واحد يخدمه ويطلقها
*******************
خلود : صحيح وبعد الشهرين يحبها وما يقدر يطلقها ووووو
هذه تصلح رواية
***********************
الأم : وليش يطلقها أذا هي زينه يتزوجها وحنا نتكفل بأهلها وشرايك يا بدر يمه والله فكره حلوه
*********************
بدر : أنا ويني وين الزواج وهي مسكينة عشان ظروفها صعبه نستغلها وش ذنبها تعيش مع واحد زيي ما يصلح يكون زوج
*****************
الأم : ليش يا ولدي نستغلها أحنا نسألها ونعرض عليها عرض مغري إن أحنا نصرف على أهلها إن وافقت زين وان ما وافقت خلاص على راحتها ألشغله مو أجبار وأنت ما فيك شيء يعيبك فيه ناس كثير زي حالتك وتزوجوا وعادي
******************
طلال : والله فعلا كلام أمي عين العقل وبعدين أنت مراح
تقعد كذا على طول بنسوي لك عمليه وترجع زي من أول وأحسن بعد
******************
بدر : انتووا من صدق تتكلمون أنا الحين نفسيتي زفت ومالي
نفس بالزواج وبعدين يمكن ما تنجح العملية لا سمح الله
حرام نظلم البنت معاي
**********************
الأم : ولا نظلمها ولاشيءالرجال ما يعيبه ألا جيبه وأنت مشاء الله جيبك مليان
**********************
ملاك : والله أمي صادقه آنت ما ينقصك شيء بسم الله عليك لكن المشكلة لو فتحت وما أعجبتك هنا المشكلة
*******************
خلود : وليش ما تعجبه والله لو تشوفونها تهبل كأنها
****************
الأم : بس يا بنت مو قدام طلال عيب عليك
****************
خلود وملاك وطلال : ههههههههههههه ههههههههههه
*****************
بدر : بعصبيه ودوني غرفتي
****************
طلال : بدر أشفيك أحنا ما نضحك عليك أحنا نضحك على أمي تقول لا تمدحينها قدام طلال بس عشان كذا
*******************
بدر : أنا عارف بس أنا أبي أروح غرفتي أنا تعبان من يوديني
****************
الأم : أنا أوديك يمه لا تزعل ما هو غصب أحنا نقولك
فرصه إذا ما تبي ما هو لازم على راحتك
*******************
بدر : طيب خلوني أفكر وارد عليكم
*******************
تتوقعون يوافق أولا
انتهى البارت أتمنى انه نال على إعجابكم وردودكم تسعدني
00000000الماهرات

ياااااارب يواااافق وتصير سارا ويحبهاا وتنجح العملييه ويعيشون احلى حياة
وش راايگ يآمهووره اصلح مؤلفه خخخخخخخ <~ شكلي خربت السسآلفه خخخخ
الله يعيين انا وش يصبرني الى بكرآ ..؟ بس الشكوى لله ننتضررررررك على اححححر من الججججمر ..

ياربي البارت صغير يالله ننتظر بكرة وان شاء الله يوافق بدر