اسفه على التاخير بس اليوم راحت علي نومه الصبح
وماكتبته وكتبته بعد الغداء بس ممداني اخلص عشان كذا تاخرت الحين تفضلوا والعذر والسموحه
البارت السابع
************
*****************
طلال : لا ما في احد
******************
بدر : ودي أقولك على موضوع شاقل بالي
وهج اليوم سألتني عن كنت اعرف بنات أولا
قبلها وقلت لها لا مدري ودي أقولها بس أخاف تزعل وان ما قلت لها أخاف تعرف وتقول ليش كذبت علي
****************
طلال : لا أنت مهبول تقولها والله تستلمك غيره وشك لا انتبه تقولها وبعدين أنت قطعتهم وهم صاروا ما يكلمونك من وين بتعرف نصيحة لا تعلمها وحتى لو عرفت قولها هذا كان قبل
والحين أنا تبت لا تنكد على نفسك بنفسك
*********************
بدر : خلاص شورك وهدايت الله إلي تشوفه
وفي شيء ثاني أحس أنها كاسره خاطري ما تهنت
زي باقي العرايس ولا قدرت أوديها شهر عسل ما ودي تحس إني عاجز أحاول أسعدها لكنها مصيرها تمل مني ما بيها تمل مني والله على كثر ما كلمت بنات إشكال وألوان
بس قلبي ما حب إلا هي
***********************
طلال : آنت تحسب كل العرسان يسافرون لا في رجال مستقدرين وما عندهم ولاشيء ورغم كذا ما يسفرون
وأنت شفيك ما فيك شيء عشان تمل منك لا تخلي الشيطان يوسوس لك بس
************************
بدر: شرايك لو نروح كلنا مكة منها تغير جو ومكة عادي لو نروح لها كلنا ما أبيها تحس إني ناقص وعشان ادعي الله إن العملية تنجح إلا هو الدكتور إلي أرسلت له مارد عليك
*******************
طلال : والله يا ليت احد يكره يروح مكة من زمان ما رحت أنا من سافرت بره وأنا أقول متى ارجع وأروح مكة خلاص صار والدكتور الي أرسلت له لسه مارد علي لأنه تعرف مشغول ويسوي عمليات وش كثر هو قالي بس يفضى بيرسل لي
*********************
بدر : خلاص اجل بخلي السواق يحجز لنا إحنا نروح
بالطيارة والسواق بروح بالسيارة عشان لو احتجنا نتمشى أو شيء
*********************
طلال : خلاص وأنا بعد بقدم على أجازه أسبوع
********************
في غرفت خلود :
خلود : ها وش أخبارك شكلك مبسوطة بس في شيء مضايقك
وش فيك أنا عرفك ترى لا تكذبين علي
*****************
وهج : والله فعلا في شيء مضيق صدري بس أنا بكلمك على انك اختى وصديقتي إلي تعودت دايم أقولها كل أسراري
مو على إني اكلم أخته
**********************
خلود : والله مراح أقوله بس قولي و شفيك لا يكون عشان عيونه ما يشوف
****************
وهج : لا ولا حسيت لحظه انه ما يشوف أحس إني أنا إلي ما أشوف مو هو مشاء الله عليه دمه خفيف وما يخلي شيء ما يسويه قبل الزواج قاعدة أقول بسوي وبسوي والحين أحس إني متنحه مفهيه ودي أخليه يتعلق فيني يموت فيني أخاف
يمل مني
*****************
خلود : هههههههههه هههههههههه والله ما عندك سالفة
بس هذا والله قلت الحين عشان ما يشوف أو في مشكله
توكم متزوجين ما صار لكم يوم كل العرايس كذا وبعدين شوي ويصيرون تمام لا تخافين ولا تهتمين هو عارف إن العرايس يستحون
******************
وهج : مو من الحين من ملكت وأنا كذا هو يتكلم ويسوي كل شيء وأنا مفهيه تفهي الله لا يوريك خلود عشان خاطري اسأليه قولي له كأنك أنتي تسالين لا تقولين إني قلت لك شوفي هو مبسوط معاي أو لا
******************
خلود : طيب بسالة معني عارفه امي وطلال كلهم بقولون بدر تغير من ملك 90% واضح عليه انه مبسوط وإذا سألني هي مبسوطة أقوله أولا
********************
وهج : طبعا قولي له مبسوطة مره بعد
******************
ونزلوا تحت لقوا بدر وألام جالسين يسولفون
****************
بدر : خلاص اجل لا تعلمينها يمه تكفين خليني أنا أقولها
*******************
الأم : بشويش طيب اسكت هذا هم نازلين الدرج
********************
بدر : التفت عليهم وقال هلا ها شبعتوا هذرة وحش فيني
*********************
خلود : بسم الله كيف عرفت إن أحنا نازلين مع أننا ما تكلمنا
*****************
وهج : شفتي قلت لك مشاء الله عليه
******************
بدر : أنا أشوف وهج بقلبي مو بعيوني
********************
وهج استحت من أمه والأم جلست تضحك لأنها هي ألي قالت له أصلا وقالت :
الأم : ايه مشاء الله عليك يا ولدي الله يخليكم لبعض
******************
بدر : ويخليك لنا يمه
*********************
وجلسوا لحد الليل تعشوا معاهم وبعد العشاء
سلموا عليهم وجوا بيروحون مسكتها خلود على جمب
وقالت لها سألته والله مبسوط حده ويقول انه بيجيب
لي هديه عشاني عرفته فيك فرحت وهج وحست أنها
طياره من الفرح وبس دخلوا بيتهم قالها :
************************
بدر: أنتي من متى ما رحتي مكة
*******************
وهج : ههههه أنا أصلا ما رحت إلا مره وأنا صغيره
ما اذكر حتى أمي هي إلي تقولي ونفسي ومنى عيني
أروح أمي كانت تقولي أذا تزوجتي إن شاء الله تروحين
تكفى بدر بس تسوي العملية ودي أروح مكة أول ما
أشوفها في التلفزيون أحس يفز قلبي أتمنى أروح لها
**************
بدر: معقولة ما رحتي مكة ليه غريبة
*******************
وهج : بصراحة أحنا ظروفنا صعبه وخواني ستة لما روح هناك لازم سكن واكل ومصاريف وأبوي مسكين الله يرحمه
ما يلحق على مصاريف
*****************
بدر : يا عمري ولا يهمك مكة مو لازم نروح بعد العملية مكة يصلح نروح لها كلنا بخلي السواق يحجز ونروح لها الأسبوع الجاي
******************
وهج : صرخت ووووووووو معقولة ماني مصدقه ورمت نفسها عليه وقالت تسلم يا حبيبي والله عمري ما حسيت إني مبسوطة زي كذا
********************
بدر : فرح كثير بكلامها وصعبت عليه ما كان ابد يتوقع إن في احد لحد الحين ما راح مكة عشان ظروف
******************
بنزل التكملة بعد شوي 00000000الماهرات
الصفحة الأخيرة
بانتظارك...........
الله يعطيك ألف عافيه ّ _ ّ