مشكورات حبيباتي على الردود والبارت كل يوم بحطه الساعه 2 الظهر والحين بحط لكم البارت الثاني طويل مره


البارت الثاني
***************
*********************


وفي هذه اللحظة صار له حادث وانقلبت فيه السيارة وكان حادث شنيع كل من شاف السيارة قال أكيد إلي كان يسوق راح فيها

******************

ملاك أخت بدر : السلام عليكم خلود وين أمي
*******************
خلود : وعليكم السلام على طول داخله وين أمي الناس
يسلمون وش أخباركم علومكم مو يدخلون مع الباب وين أمي
***************
ملاك : خلود ترى مو وقتك قولي لي وين أمي بسرعة
******************
خلود : أمي في المطبخ ادخلي شوفيها
*****************
في المطبخ :
ملاك : هلا يمه وباست رأسها
****************
الأم : ملاك هلا والله وشفيك يا بنتي عسى ما فيك شيء مو عوايدك تجين الحين فيك شيء
******************
ملاك : لا يمه ما فيني شيء بس زوجي وليد اتصلوا عليه المستشفى وقالوا له إن بدر سوى حادث
******************
الأم : شهقت شهقة كبيره ايش بدر ولدي لا تقولين صار فيه شيء قولي لي ما صارفيه شي
*****************
ملاك : لا يمه بسم الله عليك لا تخافين ما فيه إلا العافية أنا جيت أخذك تشوفينه يا الله البسي وتعالي معي نروح له المستشفى
****************
في المستشفى :
دخلوا الأم وملاك وزوجها وسال وليد الدكتور :

وليد : بشر يا دكتور وش أخبار بدر
******************
الدكتور : بصراحة ما اكذب عليكم حالته خطره الضربة جت على رأسه و مالكم إلا تدعون له يقوم بالسلام طبعا هو الحين بالعناية المركزة ما تقدرون تشوفونه اليوم لكن الله كريم
*******************
بكت الأم وملاك بقوه وقال وليد
وليد :تعوذو من إبليس الله قادر يشفيه يا خالتي مالكم إلا تدعون له والله قادر يقومه بالسلامة يا الله خلونا نروح البيت ماله داعي جلوسنا هنا مراح يخلونا ندخل اليوم
**************
في البيت :
خلود : ها بشروني وش أخبار بدر وش صار عليه
***************
ملاك : ما خلونا نشوفه الحين في العناية المركزة
الله قادر يشفيه
******************
خلود : يا بعد قلبي يا اخوي الله يشفيه ويقومه بالسلامة
*****************
الأم : خلود كلمي طلال قولي له عن بدر عشان ما يقول ليش ما قلتوا لي
******************
وجلست الأم أسبوع طول الليل في الثلث الأخير تصلي وتدعي له إن ربي يقومه بالسلامة وتدعي وتبكي لحد ما طلع النور ونامت
*****************
خلود : يمه يمه قومي أذن الظهر غريبة ما قمتي ما هي عادتك ما تقومين قومي يمه صلي
**********************
الأم : يا لله راحت علي نومه أمس ما نمت إلا يوم طلع النور
أصلي وادعي له
********************
خلود : يمه عندي لك بشارة بس أول وش تعطيني
*****************
الأم : يا بنتي والله انك فاضيه قولي وش البشارة
*****************
خلود : اتصلت ملاك تقول إن بدر قام وطلع من العناية المركزة حطوه في غرفة عاديه وهي الحين بتجي تأخذنا بروح نشوفه وركزي على كلمت بتا خذنا ترى بروح معكم أبي أشوفه
*****************
الأم : وهي تبكي الحمد لله ألف حمد وشكر يا ما أنت كريم يأرب
****************
في المستشفى دخلت الأم وملاك وخلود بسرعة متشوقين يشوفونه وفرحتهم كانت ما توصف بشوفته قدامهم كان متمدد على السرير وجلست عنده أمه على السرير وقالت :
الأم : بدر حمدا لله على سلامتك يمه والله إني بقيت أموت من الخوف عليك صار لي أسبوع وأنا ادعيلك الحمد لله
*******************
بدر : دمعت عيونه وصارت الدموع تنزل وهو يكلمها ومسك وجه أمه ومسح دموعها قال الحمد لله على كل حال يمه حلفتك بالله ماتزعلين حالك
ربي أنقذني بركت دعائك أنتي دعيتي إن ربي ينقذني والحمد لله على كل حال لكن أنتي يمه مؤمنه بالقضاء والقدر حلفتك بالله يمه لا تضيقين صدرك
*******************
الأم : وش فيك يا ولدي فيك شيء رجلك فيها شيء يدك
ولا وش فيك
*********************
بدر : يبكي لا يمه رجلي ويدي بخير والحمد لله لكني
أنحرمت من شوفتك مراح اقدر أشوفك مره ثانيه
******************
الأم : حطت كفها قدام وجهه وصارت تحركها يمين يسار
ااااااااااااا ه لا لا يا ولدي لا تقول وأخذته بحضنها وصارت تبكي وهو يبكي وبكت ملاك وتجمدت خلود في مكانها
ما كأنها تصدق إلي سمعته بدر صار ما يشوف بدر إلي كان
كله حيوية ومرح وشباب ما صار يشوف اللهم لاعتراض
وأخير بكت خلود لا حول ولا قوة ألا بالله
*******************
وبعدكم يوم خرج بدر من المستشفى وفي نفس اليوم إلي طلع فيه :
كان بدر متمدد على سريره وكان محطم من إلي صار له
وعرف إن الله عاقبه على إلي سواه في بنات الناس
وتذكر دعوت سارا فقرر انه يتصل عليها ويطلب منها تسامحه على إلي سواه جلس وصار يتحسس بيده يدور جواله ومسكه وصار يتصل عليها مره ومرتين وثلاث
وأربع ويحاول ويحاول ما كان ناسي الرقم لكن كان ما يشوف
الأرقام الحمد لله على نعمت البصر وحاول لحد ما يأس
وحذف جواله من الطفش حس إن حياته ظلمه ما هو قادر يسوي شيء ولا يشوف شيء
********************
في نفس الوقت دخل طلال ....طلال كان ولدهم الكبير كان يدرس في الخارج و يجيهم بس بالإجازات وهو الحين اخذ الشهادة وتخرج وصار دكتور طلال كان
يحب بدر يموت فيه كانوا أخوان وأكثر من أخوان رغم أنهم يختلفون في الطباع طلال هادي وعاقل وأخلاقه عاليه وطيب ومحافظ على الصلاة ومستقيم عكس بدر إلي كان فرض يصلي وفرض لا على مزاجه
المهم دخل طلال وكانوا أهله كلهم في الصالة لكن ما قالوا له انه صار اعمي بس قالوا له على الحادث لأنهم خافوا عليه
يصير له شيء وهو بره دخل عليهم وقال :
******************
طلال : السلام عليكم هلا يمه وأخذها بحضنه وباس رأسها
وسلم على ملاك وخلود كيف حالكم وحشتوني أخيرا خلصت الحمد لله بشروني وش أخبار بدر الحين أحسن و لله أول ما عرفت هناك بغيت احجز وأجي واخلي كل شيء بس وليد الحمد لله طمني قلت بخلص وأجي إلا وينه هو
********************
الأم : بدر فوق في غرفته
*****************
طلال : بروح أشوفه والله مشتاق له كثير كيفه هو الحين
أحسن
***********************
الأم : الحمد لله على كل حال المهم انه نجا من الحادث
طلال يا ولدي بقولك عشان ما تفاجئ ترى بدر مسكين
ما صار يقدر يشوف لكن الحمد لله على كل حال
******************
طلال : مين إلي صار ما يشوف
******************
الأم : بدر
*************
طلال : كيف يعني ما يشوف
**************
الأم : عرفت انه مصدوم وصار ما يدري وش يقول من الصدمة قالت له أمر الله يا ولدي تعوذ من الشيطان
******************
طلال : بدر اخوي صار ما يشوف لا يمه ما هو صدق
قولي غير كذا
*****************
الأم : وهي تبكي ليتني اقدر أقول غير كذا بس وش أسوي هذا قضاء الله وقدره
******************
طلال : وصار يبكي وهي تبكي محد فيهم مصدق
إلي صار لان بدر كان هو فرحت البيت
************************
طلال طلع عند بدر ودخل غرفته وسلم عليه :
*******************
بدر :يوم عرف إن طلال جاء ضمه وصار يبكي ويقول راحت عيوني يا اخوي راحت عيوني يخوي أنا خلاص انتهيت
*********************
طلال : كان يبكي ودموعه تنزل لكن بدون صوت عشان بدر ما يحس فيه وقال له أهم شيء سلامتك أهم شيء إنك قمت لنا بسلامه
*****************
بدر : ليت أني مت كان أريح لي من إلي أنا فيه ما أشوف شيء ولاشيء
ليت أني مت أريح لي ما عرف أسوي ولاشيء كيف بعيش كذا
*******************
طلال : استغفرا لله هذا أمر الله وبعدين
من قال لك بتقعد على طول كذا أنا بودي أوراقك لا اكبر الدكاترة وخليهم يسون لك عمليه وبإذن الله بترجع أحسن من أول يعني اصبر يا اخوي شوي هذا ابتلاء من الله تكفى يا اخوي لا تضيق صدرك
******************
بدر : هذا ذنب البنات إلي أذيتهم وضحكت عليهم في وحده دعت علي وأكيد ربي استجاب منها تكفى يا طلال اتصل عليها أبي اكلمها واعتذر لها يمكن تسامحني
*****************
طلال : حاضر بس هدي نفسك عشان خاطري بس أنت
لازم تتوب وتبطل تكلمهم عشان ربي يسامحك
******************
بدر : أكيد والله أنا تبت توبة نصوح بس أبي أخليها تسامحني
أنا كنت مقصر من جهت ربي تكفى أذا جيت تروح المسجد خذني معك عشان أصلي
*******************
طلال : بس كذا ابشر و لا يهمك من عيوني ما تدري يمكن
يمكن إلي صار فيه خير لك عشان تتوب عن إلي كنت تسويه بس أذا صرت تشوف لا ترجع مثل أول
******************
بدر : ههههه أنت متفائل كثير يا اخوي ما توقع إني برجع أشوف
**************
طلال : لا تقطع الأمل الله كريم والحين الطب تقدم كثير وينك أنت بس أنت كالعادة جاهل طب خخخخ كان بس يبي يخلي
يضحك وينسي
********************
بدر : أكيد آنت تعبان من السفر روح ارتاح
*****************
طلال : والله فعلا تعبان بس خلني اكلمها
قبل أروح
*******************
وأخذ جوال بدر لأنه مخزن رقمها في جواله
ودق رد رجال على طول طلال قال أسف أظاهر أني
غلطت بالرقم
******************
الرجال : لا ما هو غلط أنت الحقير ألي كلم أختي
والله أذا كلمت مره ثانيه ما تلوم ألا نفسك سامع
سكر طلال وقال هذا أخوها شكلهم كشفوها
**************
بدر : يا لله مسكينة أنا السبب في ألي صار لها
***************
طلال : لا يخوي مو أنت السبب هي تستاهل إلي صار لها
أنت غلطت يوم كلمتها وكلمت غيرها لكن هي
مو طفله وأنت ما غصبتها على شيء بس أوعدني انك
حتى بعدين لا تكلمها ولا تكلم غيرها
*********************
بدر : خلاص مراح اكلم احد بس ارجع زي من أول مع إني ما توقع روح يخوي ارتاح أنت جاي تعبان
*****************
طلال :والله فعلا تعبان حدي وجوعان بعد مشتاق لأكل أمي
بروح اخذ شور وأغير ملابسي وأجي عشان نتغداء مع بعض أخيرا رجعت بلدي ألغربه شينه اشتقت لجمعتنا
*****************

على السفرة:

خلود مسكت بدر وجلس على الطاولة وقال :

بدر : السلام عليكم
***************
الجميع : وعليكم السلام
*****************
بدر : يسوي نفسه عادي قدام أمه وش مصلحه لنا غداء اليوم يمه
******************
الأم : أوجع قلبها سؤاله انه ما يشوف الأكل لكنها ابتسمت وقالت صلحت لك المصقعه إلي تحبها أعرفك تموت فيها
******************
طلال : الحين أنا إلي جاي من السفر
وتصلحين له يا الغالية الأكل إلي يحبه وأنا لا من قدك
يا بدر أكلت عقل أمي وأنا مسافر
*********************
الأم : حرام عليك أنا وش مدرين انك بتجي اليوم أنت دخلت
علينا فجاءه بس ولا يهمك بكره أصلح لك إلي تبي ما صدقت انك رجعت بالسلامة
********************
الأم : بدر يمه بحط لك صحن وأوكلك بنفسي
*******************
بدر :لا يمه خليني أجرب أكل بنفسي يمكن اقدر بس شيلي لي
الفلفل الرومي عشان تعرفين ما أحبه
************************
الأم : حطت أصبعها على فمها تقول لهم اسكتوا لأنه أصلا
ما كانت
حاطه فلفل رومي بس ما تبي تضايقه قالت ايوا طبعا اعرف
انك ما تحبه شلته كله امسك يا ولدي ومسكت يده هذا صحنك وهذا الملعقة حقتك
******************
صار يأكل مره يحط الملعقة بالصحن ومره يحطه على السفرة بالعافية يأكل له لقمه وأمه تساعده وتدليه الصحن
وصارت خلود وملاك يبكون كان يحزن وأمهم تأشر لهم
اسكتوا
*********************
بدر : طلال الله يعافيك أبيك بكره تدور لي واحد يجلس معاي
على طول يأكلني ويلبسني ويروح معاي المسجد
******************
انتهى البارت الثاني أتمنى يكون أعجبكم يا ترى ايش بيصير لبدر وطلال يلاقي له إلي يساعده أو ايش إلي يصير
لا تحرموني من ردودكم يا حبوبات 0000الماهرات

روووووعة رووووعة يا مهووووورة


مببدعة

اتوقع بدر يسووله اكثر من عمليه بس ما تنجح لمين تعفوا عنه ساارة ثم فجاءة يرجع بصرة

انت الرائعه ياعسل وتوقعاتك يمكن تكون صح اولا
البارت الثالث بتعرفون اسعدني كثير مرورك
00000000الماهرات

قصه رووووعه .. واصلي ابداعك يا مبدعه .. بنتظارك

هلا وغلا بنور المنتدى ورجعتي لنا من جديد
ياحياك الله اشتقنا لك كثير
وقصتك هذه في قمة الروعة وفيها كثييييييييييييييييير تنبيهات
وافادات .
الله لايحرمك الاجر ياالغلا,

مهورة حبيبتي ...اعذريني امس مارديت عالجزء الاول
لان الوالد بالمشفى من اسبوع وماخلونا نشوفه
قلبي معاه ومشتاقه له مرررررررررة وقالوا اليوم بيودونا نشوفه
ادعيلنا ياقلبي ان ربي مايحرمنا منه ويجمع له بين الاجر والعافيه
والله ابويه نور عيوني وروحي الله لايحرمني وجوده ,,,,,,,,,,,آمين


لااله الا انت سبحانك اني كنت من الظالمين