نعم انا التي اتهمها البعض بالسخافة والتخلف !
فقط لأني عبرت عن رأي !
كتبت ذات مرة موضوع << ولو كنت اعلم ما سيأتي فلم اكن لأكتبه >> وكان تعبير لرأي عن الاحداث بمصر وانه لا يصح هذه التصرفات
ويجب علينا الصبر كما صبر الرسول اكثر منا حتى اني كتبته بأسلوب ودي فقط مع شوية عتاب ، لكن سأعطيكم عينة بسيطة من الردود التي تلقيتها << عدا رسائل الازعاج :
والله صراحة موضوعك سخيف واستخفاف بعقولنا ! < مقولة دائما تكررها صاحبة هذا الرد في حياتها !
وانتي ماتراعين مشاعرنا وتستخفين بعقولنا يابزر !
وناس آخر زمن وكلام متخلف ورأيك غبي زيك !
اوف اوف اوف !
ليه انا خربت بيتك لما قلت رأي ؟
لا لحظة كمان وحدة حطت موضوع عني واني مايصلح اجيب اقوال واحطها كعنوان !
والله اذا كذا كل يوم بحط موضوع عشان الكل يكتب عني ! بس بعدين تكثر من هالشكليات الي احنا بغنى عنها !
وكمان وحدة ربي يعطيها العافية كتبت ان سياسة المجلس العام هي : ان لم تكن معي فأنت ضدي ! فعلا هذا الصحيح
ليتهم حتى ارتقوا شوي بردودهم مافكروا حتى بمشاعر الكاتب لما يقرأ ردود زي كذا يلا شيل وحط ماعندهم تفكير للي بيصير !
يعني بالمختصر هم :
آلات للردود الجارحة لا أكثر ! << وعذرا للتشبيه هذا لكن هذا اقل مايوصف به اصحاب هذه الردود !
وهم نفس النوعيات الي ذكرتها فوق
وهذا اسلوب يخلي من المجلس العام مجرد ساحة للمضاربات والكلام بما لا يخصهم !
يعني وش نعمل مع اصحاب الردود الي زي كذا ؟
عملنا حملات : ما نفعت
عملنا تنبيهات : لا زالوا يزدادون كل يوم
عملنا ايقاف : لازالوا في ازدياد !
وش نعمل معهم ؟
حتى صندوق بريدي ما سلم منهم وش هالتخلف ؟ لا انا اعتبره تخلف تلاحقين هذي العضوة وتزعجينها بالرسايل بس لأنها كتبت رأيها ؟
عييييييييييييب عيييب عيب عليكم يا اصحاب هذي الردود فكروا شوي ترى مو بس انا الي متضررة نص الي هنا متضررين منكم
متى نفتك من هذي الردود ؟ حسيتها حسني مبارك مهي راضية تروح من المجلس العام !
يعني مو بس الي متعودين عليها حتى في اعضاء بعض الاحيان يفقدون صوابهم ويكتبون كلمات جارحة جدا !
لين متى واحنا مانتفاهم زين ؟ لين متى واحنا بس نحكم على الموضوع من عنوانه ولا نقرأ المحتوى زيين وبتركيز ؟
لين اجي عندكم واوضح لكم الي ابيه واعطيكم هدايا عشان تقتنعون بالرأي ؟
وترا على فكرة الكاتب يضيع من وقته الكثير وهو يكتب حتى لو كان نقل لكن صراحة بعض الردود تجيب الغثى
تخلي الكاتب شهيته لكتابة المواضيع تنسد
وعلى فكرة محد بيتضرر من هذه الردود القبيحة الا سمعتك ! يعني انا قررت اي رد سيء ماراح ارد على صاحبته لأني اذا ظليت
الاحق وراهم راح يجيني احباط وانا لسه قاعده ارد على وحدة منهم !
وكلامي لأصحاب هذه الردود الجارحة والسلبية دون وعي :
اذا انتي فعلا مسلمة لماذا لم تطبقي هذا الحديث النبوي
عن أبي موسى الأشعري قال : قلنا يا رسول الله : أي الإسلام أفضل ؟ قال: (من سلم المسلمون من لسانه ويده). متفق عليه
اين انتي من هذا الحديث ياصاحبة الردود الجارحة ؟ رجاء كل وحدة تراجع ردودها وتشوف اذا لها رد جارح او فيه تهجم وتعتذر
للي زعلوا منها لأن الله اعلم اذا ما شالوا على قلوبهم هذا اذا ما دعوا عليك ! لأن دعوة المظلوم مستجابة
وفي هذي الحالة الظالم هم اصحاب الردود الجارحة والمظلوم هو من يتلقى هذه الردود دون ان يقترف ذنب ! او حتى ماعمل شي
لكن هذا الرد اساء له ولبني جنسه ! مو شرط ان يكون الظالم صاحب الموضوع والمظلوم الي يرد بل العكس احيانا !
زي حالتي حيث اني مالقيت الا 3 بنات ردوا رد حلو صحيح ما وافقوني لكن ردودهم ذوق اما الباقي ما قلت الا حسبي الله
عليهم ودعيت ان ربي ياخذ حقي منهم لأن كلامهم كبير وماينقال ولازلت ذاكرة اسمائهم (( المعرف )) وهم لسه يذكروني
ويمكن يشوفون الموضوع وهم غاضبين مني لكني قدام العالم اتحسب عليهم دون ان اذكر اسمائهم فلا اريد مزيد من المشاكل !
والكثير مو بس انا لقو مثل هالنوعيات الي اذا رأيك غير عن رأيهم قاموا يتهجموا فيك صح :44:؟
عموما الله يقينا منهم ومن شر اصحاب هذه الردود والي يكثرون منها
واقرأي هنا الموضوع المتكامل عن عبادة كف الأذى عن الناس وراح تعرفون وش القصد من هذه العبادة
http://forum.hawaaworld.com/showthread.php?t=2893974
شي قاهرني وحبيت افضفض فيه ليتكم تفضفوا معي كمان ونحاول نلقى حل للي يردوا زي كذا ويكون حل قوي يوقفهم عن الردود الي مثل كذا :(
والسلام عليكم يا احلى اعضاء ^_^
ارجوا عدم الحذف واذا ضروري الاغلاق تقديرا لتعبي بهذا الموضوع من فواصل الخ ..
وشكرا لأنكم اسمتعتم لي بصدر رحب
