الناس.
قبل فتره بسيطه أرسل شخص مجهول رسالة تهديد إلى الرئيس الامريكي
(رسالة بريد) على موقع البيت الابيض ، وطبعاً تعاملوا مع الرساله
هذي بجدية ، وبعدها بيومين أكتشفوا أنه طفل صغير من دوله أخرى
كان يلعب وأرسل هذي الرساله ، وطبعاً أكتفوا بأخذ تعهد على والد
الطفل بعدم تكرارها من شرطة بلده طبعاً.
شيء آخر أحياناً تجي تكتبي او تردي على موضوع في الانترنت سواء في
منتدى سياسي أو غيرة تلاقي الناس أحياناُ تخاف من أنها ترد ، أو تلاقي
بعض الردود مثلاً أحد يتكلم في دوله أو غيره تلاقي الناس يردوا عليه
( الله يخلف عليك ) ، ( الله يعينك ) ، ( بلاش كلام في السياسه ) ، يعني
تلاقي في تخوف.
كيف تتوقعين أخت خلود9 أنهم وصلوا له ( سواء كانت القصه حقيقية أو
لا )،لكن القصد كيف يقدروا يوصـلوا له.
طبعاً مو بملف تجسس زي ما قالت الاخت انصاف الحلول يعطيها العافية.
لكن أقولك كيف.
كل جهاز كمبيوتر يدخل على شبكة سؤاء كانت شبكة داخلية في شركة مثلاً
أو إلى شبكة الانترنت يقوم السيرفر الخاص بالجهاز بإعطائه رقم ( IP
ADDRESS) يميزه عن باقي الاجهزه على هذي الشبكة، مثلاً( 202.32.234.10).
ويتكون للشخص صاحب هذا الرقم ملف صغير داخل السيرفر ، يرجع له من قبل
الشركة في تغير البيانات او تاكيد الاشتراك أو أحيانا في حال ورود
شكوى على صاحب الـ (IP ) ، ويتعرفوا عليه حيث
202 تمثل الدوله
32 المدينة او السيرفر
234 السيرفر
10 المنفذ المعطي للمشترك.
لست أكيد من ترتيبها لكنها لها ترميز معين يرجع له من قبل الشركة.
والشركة مسجل لديها أنه في يوم كذا الوقت الفلاني أنها أعطت رقم
الـ ( IP ) إلى المشتركه مثلاً خلود9 ( وهذا الرقم طبعاً يكون متغير )
في كل دخول للانترنت.
بتقولين أريح نفسي وأخذ إشتراك زميلتي أو الاشتراك المدفوع ( الكروت )
بقول لكي أنه بيكون لكي رقم ( IP ) طبعاً لكن في هذي الحاله بيكون
مربوط برقم التلفون ( نعم التلفون ) وهذا شيء مايعرفوا الكثير
يربط رقم ( IP ) برقم التلفون ويسجل كل رقم تلفون أي ( IP ) أخذ.
ويكون البحث عند ورود طلب خارجي ( دولي ) أو شكوه داخلية عنه برقم
( IP ) ، مع الامكانية للبحث برقم التلفون أي ( IP ) أستخدم وقيسي على
هذا .
طيب إيش دخل هذا كله برساله البريد إلى أرسلها هذا الطفل في القصه
بكشفة ، أنه رساله البريد لما ترسل من بريد رسمي زي مثلاً عرب نت او
اول نت أو غيرها من الشركات ترسل معاها رقم الايبي ، ولما ترسل من
بريد زي ( YAHOO-HOTMAIL ) يطلب الرقم من الشركة نفسها وعلى حسب
الطالب إن كان جهه حكومية وصاحب رقم الأي بي عمله حاجه مش ولابد بيعطوا
رقمه لكن لو واحد زي على باب الله بيردولي ويقولوا ( الله يحنن -
مر علينا بكره - روح إلعب يشاطر ) .
وكلامي هذا للتنبيه نعم كل بياناتكم مكشوفة وارقامكم واوقات إتصالكم
والمواقع إللي تحبوا تروحوا عليها و المنتديات المشاركين
فيها،وغيرها.
لكن لو تقدرين تخفي رقم الاي بي الخاص بيكي بتمري من كل إللي فات عدا
طبعا السيرفر ، لكن كل إللي بترسلي لهم بعد ما تكوني أخفيتي رقمك
بيضهر لهم رقم ( IP ) ثاني ، وبرضه على حسب طريقتك في إخفاء رقمك
لأن ممكن تكونين مستخدمه بروكسي أو موقع للتشفير ، وودك ترسلي زي
رسالة الطفل ، لما يوصلوا بيلاقو إن رقم إللي وصل لهم رقم عن طريق
(مثلاً إستخدمتي شركة (SAVEWEB)للتشفير ) هذي الشركة ، شوية ضغط وشوية
فلوس تقوم الشركة تبيعك لهم وتعطيهم رقمك الحقيقي ، لأن رقمك بيكون
مخفي لكن معروف لدى الشركة أو الطريقة إللي تستخدميها.
عشان كذا لا تفكري إنك ترسلي الرساله.
وجربي
أبدا ( start)
تشغيل ( run )
واكتبي الامر ( winipcfg)
بتلاقي
وأرجوا إني ما أكون طولت عليكي وعلى الساده القراء.
داري إني طولت.
انا اعرف انه ممكن لاكن هل ممكن يكون عن طريق مخترقين او لا هذا المهم
بالنسبة لي انا شخصا
انا فهمت عليك اخوي او اختي العذر والسموحة بالغلط بالتعريف
لاكن الي يهمني انا هل ممكن اي مخترق يعرف اي شي عن تلفوني غير البريد او الاشتراك الخ الخ
الله يهديهم بس على كل حال
هل يقدرون ولا لا