ماشاء الله عليك أختي غرشوب رعبوب,,, فعلا الحكمه مطلوبه,,, ولكن لأبد أن يكون الحزن واضح على محياها ,,, والثقه مهزوزه خلاص,,, وفي نظري إلي طلب انها ترسل له الرقم هذا خائن,,, لسبب بسيط لو ان في البنت خير أن كان ما أرسلت رسائل عشوائيه لكل من هب ودب,,,

شوفي يا عمري انا هذا اللي اقصده بالحكمه !!! قصدي لما تكون حكيمه لا تخلي العاطفه تاخذها وتغيب عقلها صح صعب انا لو مكانها يمكن ماعرف اقول ولا حرف من اللي كتبته !! حبيبتي تراجع نفسها عشرة 18 سنه مب بالهينه !! بحلوها ومرها عيالهم افراحهم واحزانهم بمللها بروتينها بصخبها ومشاكلها !!! لا تخلي كل هذا ينتهي بتصرف تندم عليه طول عمرها

حبيبتي هذا زوجها اول رجل واول حب الله اعلم بها بس انا اتصور عشره 18 سنه مب شوي ولازم على الاقل يكون فيها احترام وموده اذا مافي حب عشان تدوم 18 سنه !! صح والا انا غلطانه !!
اللحين لا تفكر باللي قرته بالمسج اللحين تلتفت لنفسها ولزوجها هو اغلى من انها تضحي به وبعشرتها معاه بساعة غضب !! وهي اسمى وارفع من انها تهين نفسها وتذلها بتذللها لزوجها او كشفها لنفسها انها من وراه قرت المسج وخذي عاد اتهامات وتبادل الفاظ ووووو طيب لييش انا قلت لك من الاول من رحمة ربي بها انه خلاها تقرا المسج هذا تنبيه لها يمكن وفرصه تعيد حساباتها واوراقها وتنتبه اكثر

تلتفت لنفسها اول شي انتي ماحطيتي طبيعة علاقتها بزوجها هل هم مرتاحين او متخاصمين على طول وصابره على عيالها وبس لانهم لو متفاهمين لما يعرف زوجها انها درت عن اللي يبغيه راح يرتاح ضميره لانه خلاص عرفت وخلاص لو حد حاط السالفه براسه ومزين له الموضوع بيصر اكثر واكثر وبتصير مشاكل وغيرها ولو هي من الاول مب فارقه معاها تزوج والا لا لانه من البدايه مب سائل عنها ولا مهتم ليش تعور راسها وتجيب لنفسها مشاكل يختي تهتم بنفسها وعيالها وبيتها وبس
يعني في وايد اسباب واوجه كثيره للمشكله محد يقدر يقدر شو الحل الصح الا صاحبة المشكله وبكل الاحوال ورغم كل الاسباب اهم شي لا تخلي للشيطان طريق لقلبها تتوجه لربها وتدعي ليل نهار وتصلح من نفسها وعيالها وعلاقتها بزوجها وقبل كل هذا علاقتها بربها واللي ربي كاتبه لازم يصير

لا ياعيوني لا لقافه ولاهم يحزنون وانا اقولك ليييه لان جوال زوجي الجوال اللي فيه انترنت وهذا الجهاز يعطيني اياه اشوف الجديد اللي فيه وحتى بدون لايعطيني اياه انا اخذه واقرأ اللي فيه واروح اقوله على اللي قراته حتى نتناقش فيه
عااااااادي جواله بيدي..حتى وقت الصلاة يتركه عندي بالبيت
لكن هذا لايمنع ان تكون المرأه متصفه بالحكمة والذكاء والصبر في مثل هالمواقف..حتى اذا بغت تكحلها ماتعميها

الي فهمته منها حياتها جدا هاديه وزوجها يحبها ويحب دايم يسولف ويأخذ ويعطي معها يسافر بها ,,, وكريم معها مره,,, حتى لو يغيب عنه مجرد أيام بسيطه يجي مشتاق لها مررررررررررره,,, ودائما يستشيرها في بعض أموره التجاريه أو بعض مشاكله مع العائله أو الأصدقاء وما يحب يزعلها أبد,,,لذلك هي صدمت منه ماهي قادره تستوعب الي يصير قدامها,,,