نـريـد ( حـلاًّ ) لـهــذه الـمـشـكــلـة ! ! !

هلا والله
حبيت أشارككم الموضوع واوجه نصائحي للفتيات المتخوفات من هذا الموضوع:27:
طبعاارضاء الناس غاية لا تدرك ،فما بالك بأهل لزوجج اللي ما يعجبهم شي من زوجة ولدهم
وأحسن شي تسويه انج تسايريهم ما أقصد انج تلغين شخصيتج ، بالعكس تتنازلين عن بعض الاشياء اللي
من الممكن انج تتنازلين عنها ، مب علشان خاطرهم وبس لا لا علشان خاطرج انتي وخاطر أبو عيالج
وخاصة إذا كنتي عايشه معاهم في بيت واحد ، وحطي في بالج شي واحد أنج داخلة حياة جديدة ومب
ناوية ترجعين لبيت اهلج مطلقة ، وعلشان جذي لازم تكسبين ودهم وعلشان تكسبين ودهم لازم تسايرينهم
والمسايرة تكون مع كل أفراد أسرة زوجج (أبوه ،أمه ،أخوانه ، اخواته) .......


نبدأ بالأم لأن أكثر المشاكل تكون معاها ، تقدرين تكسبين ودها عن طريق التقرب منها ،وهذا التقرب
يكون عن طريق مجالستها والتحدث معاها والحماه أكره شي عندها لما تشوف زوجة ولدها قافلة على
نفسها 24 ساعه ،اجلسي معاها سولفي وياها ، قدمي لها الهدايا خاصة في الأعياد مثل العطور والدخون
صدقيني بترضى عليج وبتستحي تتشاجر معاج ، واعتبريها مثل امج واحترميها واهتمي فيها .

لكسب ود أخوات زوجج تجنبي تسوين الأشياء اللي كانت تسويها زوجة اخوج فيج، مثل المواشاة والفتنة
يعني مب كلما شفتي خواته سوا شي رحتي وخبرتيه ، يعني بالعربي الفصيح ما يخصج فيهم خير شر، سولفي
وياهم ضحكي وياهم بس لا تنقلين كلامهم لزوجج لانها أكره حركة عندهم .

أما بالنسبة للأبوه واخوانه ما اعتقد انج بتعانين من المشاكل معاهم هذا لانهم رياييل يعني ما بتحتكين وياهم
وايد وبالتالي بتقل مشاكلج معاهم .

اسمحوا لي ، اذا ما قدرت اوصل لكم الفكرة ، بس هذا اللي في بالي والاخوات ما بقصرون


:27:

هذي نصيحتي للأخوات المتخوفات من أهل الزوج...

أولاً...أنا مع الأخت أماراتية 100%

"عامل الناس كما تحب ان يعاملوك به"

يعني زي ما اتمنى تعامل مرت اخوي الوالدة ...

أعامل والدة زوجي..

في بداية حياتي كانت ام زوجي جدااا صعبة ....

ونصحتني الوالدة واختي بان اتقرب لها بهدايا وزيارات ودية..............:( مانفع

كنت اسأل زوجي ايش تحب

حلا أو معجنات وأسويلها وساعات ما اقدر اروح بس احرص ارسلها الشيء اللي تحبه...

تحسنت .......:44: بس فيها شيء:confused:

وبعد فترة ... عرفت أنها تحبني اروح معاها ازور أهلها ..

ولأني موظفة فكان زوجي دائما يتحجج بانشغالي وتعبي...

وجيت على حالي في هالمموضوع وطلبت من زوجي يوديني معاها أي زيارة لو وسط الأسبوع.......

وبعد كده ....لاحظت تغيير ...

"يمكن كانت تظن إني متكبرة عليهم اوشيء الله أعلم"

المهم إذا كان فيه جفاء او تعامل غير ودي إنك تحاولي تعرفي ايش السبب...

وإذا عرف السبب حليه ...
والحمدلله يارب الحين علاقتي بيها زي الوالدة ...

لدرجة إنها تنصحني دائما وتقول إنتي زي بنتي...

لكن ما احب اتدخل في مواضيعهم العائلية ...

مثلا ... لو وحده من اخواته فتحت موضوع خاص وطلبت راي او حصل شد بين افراد االعائلة ما اتدخل ابداً...:42:

انسحب من المكان واشغل حالي بشئ ثاني ....واعتقد هذا افضل للكل..

صحيح طولت بس ودي اقول شيء كمان وهو لازم نحافظ على خصوصيتهم ...:42:

يعني لو ترضي مرت اخوك تطلع اسراركم ...انتي احكمي!!!:30:

ومهم في بداية حياة كل زوجة ...انها تبادر بالطيب وتنتظر المثل ...

حتى لو مالقته في البداية..ماهو ضايع عند ربي...

هذي تجربتي واتمنى اكون افدتكم،،

اخي الكريم

اشكرك على الموضوع.
الامارتية ..القمورة الامورة.........نصائح مفيدة
لكن للاسف ماقدر افيدكم :26:

تسلم أخوي..

هذي مشكلة غالب البيوت ..وأغلب المشاكل بين الزوجين والطلاق بسببها..

انا أقول..

الوحدة بشكل عام المفروض تتعامل من منطلق الخوف من الله..في التعامل معهم

وتحط في بالها إن الزمن يدور..وتتعامل معهم زي ماتحب يتعاملون معها..

لكن ( بعض ) البنات الآن قبل الزواج تفكر في أهل الزوج والتعامل معهم ..

أكثر من تفكيرها في زوجها وعلا قتها معة ؟؟؟

وتكون في صراع مع نفسها ومع التنبيهات والقصص اللي تسمعها..

وللآسف كلها تحذير وتنبية .. وكأنها داخلة حرب !!!!

فتكون شاحنة نفسها واعصابها عليهم ..

وتنتظر أي هفوة أو غلطة حتى توقفهم عند حدهم.. وحتى يحترمونها أكثر

وتبدأ النهاية .. !!!

الحزازية والتوتر بين الطرفين..محاولة كل طرف أهمال عواطف وأحاسيس الآخر

التركيز على أي كلمة وكل غلطة حتى تكون سلاح ضد الطرف الآخرفي أي وقت

وتبدأ الأحزاب والتفرقة وتكوين شلل..وإن لم تكن معي فأنتَ ضدي..

ويكون بداية التوتر والضغط للزوج...اللي مايدري مين يرضي..

ومع من يكون...ومن يصدق ويكذب..وتكبر المشاكل وتتعقد..

ولا ننكر بعد إن أهل الزوج يكون لهم نفس الأسلوب ، غير الغيرة من أجنبية

خذت ولدهم وصارت تمون علية ويمون عليها...

ويلبي طلباتها وهم أمةأخواته من دمة ولحمة أحق وأولا منها...

هذي بعض اللي أشوفة والناس يختلفون فتختلف طبايعهم وأساليبهم..

وسلاااااااااااامتكم :23:

:27::27: