نــداء لاخواتي الحكيمــات.....محتاجه لشوركم

السلام عليكم


باخذ رايكم في موضوع

وحبيت اشوف انا على حق او لا


حبيباتي انا علاقاتي مع اخوات زوجي ماشاء الله حلوه

وهم قريباتي قبل لايكونون اخوات زوجي

وانا حريصه كل اسبوع اشوفهم والله اطنش جمعه خوالي واجتمع معهم

وانا الوحيده اللي اجتمع معهم من حريم العيال

يعني باختصار حريصه على اجتماعهم ووالله يااخواتي اني احضر اكثر من اخوات زوجي

انا قلت هالكلام عشان ابين لكم علاقتي القويه معهم

المهم قبل فتره تملك اخو زوجي اخر واحد وفرحت له خصوصا ان اخذ وحده من اقاربي

من بعيد شوي

المشكله يااخواتي انه اهل البنت حددوا الزواج بيكون مختصر مره في بيت البنت لانه جدها مريض وام البنت

مالهانفس تكبر لزواج لحاله ابوها الله يشفيه

اللي ضيق صدري وحز بخاطري ان اخوات زوجي رغم علاقتي القويه معهم وحرصي على زيارتهم دااائما

ماقالوا لي تفضلي على عرس اخونا ولاعزموني

والله حز بخاطري هالشي حسيت اني ولاشي عندهم وكل كلامهم الحلو عني وانهم يعتبروني اخت

ومن الاهل ووو كله كلام مجاملااات فقط

لمحت لزوجي قال صعبه يعزمونك من بين حريم العيال ( قلت بيني وبين نفسي الله المستعان

حريم العيال انقطعوا وصرنا مانشوفهم الا بالمناسبات بس وانا الوحيده اللي ماودي اقطع عنهم وماودي

اقطع صله الرحم اللي بيني وبينهم) وقال بعد خواتي مالهم دخل هم ضيوف بس

المفروض اهل البنت يعزمونك لانهم يقربون لي

والله كنت اتمنى احضر زواج اخر اخوان زوجي خصوصا انه طول ماتزوج الا بعد ماتعدى الثلاثينات وكلنا فرحنا له

وامه وابوه متوفين

كنت اتمنى البس بنوتي الصغيره فستان تفرح فيه بعرس عمها


ماادري يااخواتي لو كنتوا مكاني بيضيق صدرك هالشي ؟ او لا

وبتاخذون موقف من اهل زوجك بسبب هالحركه؟

يعني تخيلي نفسك كل ا سبوع تشوفينهم كأنك اخت لهم وهم اهلك ولايقولون لك من باب المجامله تعالي لعرس اخوي بكرا؟


ماادري انا حساسه بزياده او الامر عااادي ومايستاهل

يمكن تشوفون المشكله هذه بسيطه لكن انا عندي لا والله ضايق صدري انهم ماتذكروني ابدا

ولاعزموني من باب التقدير