مساء الخير بنات
وشلونكم طيبين ؟
هاه وش صار لشعوركم طولت كثفت زاد لمعانها ؟
عسى بس لقيتو نتيجه ولا مازلتوا تحوسون في المنتدى ؟
انا بقولكم ...
طبعا انا ضيفه جديده عليكم لاكني قديمه حواسه ومتصفحه بالاصح في هذا المنتدى يعني انا من ضمن الاسره بس مو مكتوبه في بطاقة العائله هههه
الزبده يا جماعة الخير ........
وانا اغوص في بحر المنتدى لي تقريبا سنتين وكل شوي استخدم خلطه لهالشعر حتى تلاقوني منقعه عند العطارين والحواجين احفظوا شكلي من كثر ما اروح عندهم ولا اطلب اشياء غريبه منهم عشبة لسان البحر ومدري وشو .....
المهم ..
اول شي بقول لكم مواصفات شعري قبل ... كان شعري يا بنات طويل وناعم والشعره متينه ولونه بني على قجري يعني اذا حطيت حنا صار احمر لونه وفيه تمويجه احيانا اذا طلعت من دورة المياه وخليته يجف من غير تمشيط لكن اذا مشطته على طول لا يطلع كاني مستشورته .... هذا طبعا الى مارحت ثالث ثانوي وبعد ثالث ثانوي جات الصاعقه واخترب الشعر وصار خفيف وقام يكش من التقصف وغير انسيابي واضطريت اقصه الى نص ظهري وطبعا استانست فيه بالكليه كل شوي فالته وحركات وووووو ... وطبعا ما اعتني ولا احط زيت بشعري ابد ...وقبل ثلاث سنوات كان عندنا زواج وجاني في عقلي شي الا اقص شعري وقصيته الى اكتافي واقل بعد يعني قصير والله والمصيبه شعري ما يطول بسرعه يعني سنه تلاقيه طاول 2 سم بس ..... طبعا بعد شهر من قصيته وانا ضايق صدري عليه
المهم بعد 3 سنوات توني السنه هذي الاقي الحل.. بعد وشو بعد ما تزوجت وخلصت وصارت الخلطات اللي ريحتها خايسه ما اقدر احطها ههههه مثل الثوم والحلبه ميته احطهم بشعري
بننننننننننننننننننناااااااااااااااااااااااااااااااااااااااااااااااات طيعوني واتبعوا اللي بقول لكم عليه والله تصير شعوركم ولا زينب العسكري ولا كليمنس اشقر في كثره ههههههه والله انا كنت ناويه اقص شعري الحين بعد الولاده بس خلالالالالالالاص بطلللللللللت احس اني حلوه بالشعر الطويل ياخي جاذبيه غييييييييييير يذكرني بايام زمان وكل هذا في سنه بسسسسسسسسس
بنات اللي شعرها قليل وما يطول بسرعه تسوي ما سويت انا
<<< طولت عليكم بس مو مشكله يمكن تستفيدون مني
هذا برنامجي
اول شي ... اذا صحيت زوجي للمدرسه اقوم احط بشعري ( زبادي او لبن منتهي الصلاحيه + ملعقة سدر + ملعقتين كثيرا + نص ملعقة خميره + بيضه ) لمدة 4 ساعات .... مرتين في الاسبوع وطبعا احط كيس نايلون وارجع اخمد مره ثانيه
ثاني شي ...
اليوم اللي بعد ارش شعري باي شي من هذي الاشياء
1- ماي المرميه
2- ماي الترمس
3- ماي البصل
4- ماي البوميا
5- عصير الجرجير
6- عصير البقدونس
واللي اداوم عليه اكثر ماي المرميه احس انها منشطله لفروة الراس ... انا مفوحه لي مرميه ونص ليمونه وحاطتها في الثلاجه في علبه منظف الزجاج علشان ارش شعري واهم شي فروة الراس اهم شي
اخليه على شعري طول اليوم تقريبا الا اذا اضطريت اغسله اخاف يشم زوجي الريحه ولا شي هههه بس صدقوني والله ما يبين اثر الرش لانه محلول هو مو خلطه ثخينه يعني رشي شعرك وخليه ينشف وبس
ثالث شي ....
ازيت شعري بزيت مخلوط من (( ملعقتين من الخروع + ملعقتين من زيت جوز الهند اللي علبته مدوره ولونه اخضر + نص ملعقه خميره )) واخليه على شعري لمدة ساعتين وبعدين اغسل شعري عادي واشطفه بهذي الخلطه ...
عصير ليمون
ماء
قشور الليمون
الطريقه .. حطي القشور في المويه وخليها تغلي لمدة عشر دقائق وبعدين خليها تنقع فتره ..تقريبا ساعتين وبعدين صفي المويه وحطي عصير الليمون وخليه لا تستخدمينه الا بعد 48 ساعه .. والله راح تلاقي شعرك شييييييييييييييييييييي خيالي يلمع لمعه حلوووووووه وخاصة ان قشور الليمون تحافظ على التوازن الحامضي للشعر ويكسب الشعر زيوتا مغذيه
يووووووه يا بنات بهذي الطريقه صار شعري حلو والله وقام يطول شوي اشوى الحين صار لاكثر من نص ظهري يعني اشوى في الصيف والله كنت محتاره وشو اسوي شعري في زواجي لانه كان الى اكتافي ولاهوب حلو .... طيعوني بسسس
ايه على فكره لا احد يقولي علشانك حامل تغير شعرك وصار طويل لا والله انتو لو تشوفوني بس..صايره حالتي حاله من الحمل لا اكل ولا شي لان الوحم الى الان ما زال معي وانا في الثامن ووزني ما زاد بالعكس قل اكثر من يوم انا بنت حتى دايم تهاوشني الدكتوره وعايشه على المغذيات لان ما يصلح لي الحبوب يعني مافي شي ياثر على شعري بس بفضل الله ثم هذا المنتدى ومنتدى ثاني اخذ خلطات وانسخ في هالجهاز هههههههه
اسفه خواتي كني طولت عليكم بس استحملوني يمكن تفيدكم تجربتي الذاتيه .... وكل هذا اللي قلته منكم ما جبت جديد بس انا نظمت خلطاتكم وسويت برنامج لي بسسسسس والا الفضل يرجع لكم الله يعافيكم .. واللي حابه تكتب برنامجها اللي تسويه علشان تفيدنا نكن ممتنين لها بالشكر الجزيل ههه يالله سلام
TurkisH_CoffeE @turkish_coffee
محررة برونزية
يلزم عليك تسجيل الدخول أولًا لكتابة تعليق.
فتون الييل
•
مشكووووووووره حبيبتي على هاالمعلومااااات:26: :26:
السلام عليكم ورحمة الله وبركاته
هل ينفع لبنت عمرها 5 سنوات شعرها خفيف
احترت مع شعرها قولو ايش اسوي
هل ينفع لبنت عمرها 5 سنوات شعرها خفيف
احترت مع شعرها قولو ايش اسوي
الصفحة الأخيرة