نفاسك في بيتك أحسن أو عند أهلك؟؟

هلا اختي ,,,,

من رايي انه نفاسك عند اهلك احسن لك فيه احد يهتم فيك ويناظرك ويراعيك مو مثل لما تكوني ببيتك ولحالك وانتي تقولين ولدك فيه غلقه الله يهديه ويصلحه ياارب

افرضي تغلق عليك وانتي ببيتك ووليدك صغيرون بتبتلشن بين هذا وذاك ماشالله عليك

وحطي في بالك ان ولدك الله يحفظه بيغار من المولود فيبيلك تنتبهين زييين

يعني نفاسك عند اهلك احسن واريح صح ان ولدك يخرب ويهاوشونه بس عاادي والله ان كل البزارين مثل كذا فتره وتعدي على خير تصبري وادعي ربي ..

مع الدعااااااااااااا كل شي بيهوون حتى لو انه وش ؟؟؟

اتمنى اكون افدتك يا غلاهم وتولدي انشالله بالسلامه وربي يهون عليك يا قلبي

شوفي حبيبتي انتي اذا شايفه ان اهلك ينزعجوا ويتضايقوا من ولدك انفسي في بيتك وحفظي كرامتك وكرامة ولدك واذا شايفه عكس كذا فاانفسي عنداهلك على الاقل العشر الايام الاولى وانشاالله افدت

حبيبتي معليش انا بكريه لكن برد عليك
انا صراحه ان شاء الله راح اقضي نفاسي في بيتي مع اني بكريه بصراحه اهم ماعلى الوحده راحتها خصوصاً انك هالفتره تعبانه وتبين ترتاحين وماتبين قلق ،،
انا راح اشرح لك وضعي صح ماعندي اطفال قبل لكن ولادتي بتكون في رمضان وتعرفين حوست رمضان ،، واهلي ماعندهم شغاله ونا ناويه استأجر شغاله بالشهر وامي ماتبيها وصعب اجلس بدون شغاله معناته الضغط كلها بيكون على امي من تغسيل وتنظيف وطبخ وانا من النوع اللى مااصبر يعني مستحيل اعطي امي ملابسي ولا ملابس ولدي تغسلهم ،، عشان كذا انا راح اجلس اول اسبوع بس عند امي اذا تحملت الشغاله وبعدين بروح لبيتي وبيتي قريب من اهلى واخلى اختى تجي عندي وزوجي ممكن يروح عند اهله بحكم انه اختي عندي وحتى لو ماجت اختى وجلس زوجي عندي احسن عشان يتهم فيني ويعرف انه الولاده مو شي سهل ،، اذا خفيت وراح كل التعب كشخت وجيت له ماراح يعرف وش كثر تعبت
وحتى لو جلستي في بيتي منتي رايقه له وتعبانه ،، التغيير راح يكون في شكلك وطلتك ولبسك بعد النفاس ،، وصدقيني الرجال يمل 40 يوم جالس بروحه في البيت وزياته لك في بيت اهلك مايأخذ راحته ابد في الدخله والطلعه ،، انا لما شاورت زوجي قلت له اي افضل اني اجلس عندك ولا اروح لااهلي قال لا ودي تجلسين في البيت افضل

ادري
طولت عليك ،، لكن الاحسن انك تجلسين في بيتك واخواتك يجون عندك وزوجك يروح بيت اهله
وممكن اخر اسبوع من النفاس اذا خفيتي تروحين اسبوع عند اهلك تغيرين اللوك حقك وترجعين لبيتك بعد ماتكملين الاربعين

الله يكون في عونك وعوووون الجممممممممممميع يارب

والله ظروووفك انتي ادرى بها !!

والنفاس محتاجه طووووولة بااااااااال وهدوووء ونفسيه كويسه !!



خلينا ناخذ الموضوع من كل الجوانب :

عند اهلك بيكونون 2 ذا يصيح غلقه اذا ماطاعوووه

والثاني بيبي ماتدرين وش يبي !!

تعب حوسه قلت نوم وزواوير وشغله ..

ونفسيه دمار

بس فيه من يناظرك ويجلس معك ويوسع صدرك ويشيل البيبي عنك !!








اما في بيتي والله اريح
كل شي حولي وولدي عنده العابه وخرابيطه وابوه

وهدوووء وراحة بال

والناس بتستحي تجيك اول الايام لانك في بيتك

بس تاكدي ان ماحولك احد لو تبين كاس مويه تعيجزتي تجيبينه .....


وربك كريم ويهون عليك ويوسع صدرك بالعافيه








عني انا امي الله يحفظها دايم تقولي ارسلي عيالك وانتي بكيفك !!!!!!


لانها تحمق علي اذا هشتهم وهي بالها طوووويل الله يخليها لي ويحفظها عن النار

وحتى اخواني يحبونهم

على انهم الله يصلحهم حوسه وشيل وحط بهالبيت بس على قولة امي ياسفاابهم علييييييتس !!


خخخخخخخخخ

والله الشي كان وااااايد يدور في بالي قبل لا أولد ..

طبعا أنا في أول مولود ( وما عندي غيره ربي يحفظه من كل شر ويبارك فيه ) كان زوجي يترجاني ما اخليه أربعين يوم وأنا أقوله يا بو الشباب ما يستوي أنا بكون تعبانه وأبا حد يهتم فيني و يساعدني ويعلمني كيف أتعامل مع ولدي وكيف أسبحه وكيف وكيف وكيف ..... يعني شغلات حريم انت ما تعرف لها .. وبنفس الوقت كان كاسر خاطري لاني اعرف ما يصبر بدوني و بعد خاطره يفرح بولده ويحس انه أبو .....

فقلت له خلاص ان شاء الله يصير خير بعد ما أولد ....

وبعد الولاده رحت عند أهلي وقعدت ثلاث أسابيع هناك .. مع اني بصراحه كان ودي أتم أكثر لكن بنفس الوقت كان غامظني زوجي لانه ما كان ياخذ راحته أبدااااا في الجلسه .. ومره طول اشوي في بيت أهلي وتضايجت منه أمي لانها ما تبغيني أطلع وايد من غرفتي لانه المجلس بعيد اشوي عن باقي البيت بس في نفس الحوش وهي تحاتي الضيوف اللي طالعين وداخلين وفضيحه يسئلون عني وأنا عند زوجي ..
في هالحاله رجعت أفكر عدل .. وقلت خلاص بروح بيتي أريح لي ..
في بيتي ما في حد يزورني الا نادر لاني في بيت أهل زوجي وبيتهم بعيد عن منطقتنا ...
وفي بيت أهلي بصراحه ازعاااج وما أقدر أرتااح أبدااا ولا حتى البيبي .. نااس طالعين وناس داخلين عشان يباركون .. حتى الصبح لازم في زيارات .. مع اني والله كنت مرتاحه انه في حد يهتم فيني انا و ولدي ويسبحونه وياي و الاكل يوصل لعندي ويلبسون ولدي ويغيرون له و و و .... الله يعطيهم الصحه والعافيه أمي وخواتي والله ما قصروا أبد ...

بس بعد الثلاث اسابيع اللي جلستها وياهم رجعت لبيتي وبصرحه كنت مرتاحه من ناحيه النوم وتنظيم الوقت وبعد آخذ راحتي باللبس والتغيير ... لكن نفسيا ما كنت مرتاحه لاني أتعب وما أشوف حد يساعدني .. ولدي صيااااااااح و زوجي يحبه وهو ساكت بس اذا صاح راح بعيد عنه ... وحتى في سبوحه ما حد كان يساعدني وصج كنت أعاني ... و كنت أضطر أروح المطبخ بنفسي عشان أسويلي شغلات النفاس من الحبه الحمرا و السحلب وغييييييره لانه أهل زوجي ما كانوا مهتمين فيني أبد بس يبون يشوفون البيبي 24 ساعه عندهم وطبعا أنا ما كنت أسويلهم سالفه واجلس بغرفتي لانه ولدي صغير وما يتحمل الطلعه والدخله كل اشوي ...

وبس هاي قصه حياتي بين البيتين .. وبصراحه أحسن لج بيت أهلج بس لو تحسين انهم ما بيتحملون ولدج تمي في بيتج أحسن واكرم لج ...

والله يسهل عليج وتقومين بالسلامه انتي والبيبي ..