هلا والله المرهفة..

بالنسبة للمراجعة ما لها داعي صراحة في أول 3 شهور خاصة لي سبق لها الحمل وما عندها مشاكل ولله الحمد (ضغط ، سكر، فقر دم.. الخ)..
أنا قلت ما راح أروح إلا لما أدخل الرابع بإذن الله في 28 / 3.. علشان يسوون لي سونار مرة وحدة وودي ويا ليت أعرف جنس الجنين..

فاصل:

على فكرة أنتم شكلكم سابقيني..
فيه أحد قدر يعرف جنس الجنين في الشهر الرابع..؟؟

لأني في حملي الأول والثاني كلما أسألهم يضحكون علي.. يقولون ما يبين إلا في الساااادس..!
لكن أشوف بعض البنات في المنتدى ماشاء الله يعرفونه من آخر الشهر الثالث بعد..

أيضاً أذكر مرة شفت برنامج عن الإجهاض في الهند يقول أنهم يكشفون جنس الجنين من الشهر الثاني علشان يسقطونه إذا صار بنت (والعياذ بالله).. طبعاً هذولي الهندوس الكفار..

فأستغرب كيف يعرفون جنس الجنين وبأجهزتهم البسيطة القديمة..؟

أرجع لك يا المرهفة.. :)
بالنسبة للوزن أنا بصراحة ما عندي وحم زايد.. يعني غثيان خفيف..
لكن شهيتي مفتوووحة على الأخير الله المستعان..
لكن قررت أسوي حمية أو تخفيف .. يعني قررت أقلل الحلويات وأكثر من الخضار والفاكهة..
وكذلك أخفف جداً من الكربوهيدرات (الرز، والخبز.. ) وأستخدم البر..

أيضاً اشتركت في موقع امريكي يراقب وزني أثناء الحمل ويقترح علي أنظمة غذائية (بصراحة ما أطبقه حرفياً لكن آخذ بنصائحهم)..
ولما دخلت وزني وطولي وتاريخ حملي قالوا أني محتاجة أخفف الكربوهيدرات وأمشي نصف ساعة 5 مرات في الأسبوع.. وأمارس رياضة خفيفة 10 دقائق يومياً 4 مرات في الأسبوع (هذي صراحة ما أواظب عليها لكن أحياناً أسويها الصباح)..
أيضاً نصحوني بتمارين كيجل..
وبشرب 12 كوب ماء في اليوم..

وأتوقع هذه النصائح عامة وما تضر الحامل ولا غيرها..
والحمد لله نزلت كيلو عن الأسبوع الماضي.. يعني أرحم شوي.. (كنت 70 وصرت 69)..
أنا خايفة أروح الدكتورة وتقولي وزنك زايد وتحرجني..


شرايكم نتعاون نمشي كل يوم لو ربع ساعة؟ ونشرب 12 كاس ماء؟
-

خخخخخخخ..
يحليلكم..
كلكم زيي..
الكرشة طالعة من الحين وكنها في الخامس أو السادس؟؟

أنا مستغربة والله في حملي الأول والثاني ما بين بطني إلا في آخر الخامس أول السادس.. وصغير بعد.. يا الله يلاحظونه الناس..
والحين..
فشييييييييييلة.. كل الناس يطالعون فيه.. فضيحة.. المشكلة شكله ما كأنه حمل..
لا طالع فوق عند المعدة كأنه كرش سمنة..

أنتم زيي؟؟

بسمة براءة..

خخخخخخ..

يحليلك على التسدح والتدلع..

أنا بعد متدلعة هالمرة..
والله في حملي الأول وأنا توي عروس ما تدلعت كذا.. سبحان الله.. :D

لكن ما شاء الله عليك على راحتك تروحين وترجعين لأهلك ما عندك عيال في المدرسة..
أنا بنتي في المدرسة.. وأنا أيضاً موظفة.. والبيت مسؤولياته كثيرة.. ما أقدر أخيم عندهم 5 أيام ما شاء الله مثلك..

أما ملابس البيبي..
فلا .. ما ودي أشتري لما أعرف جنس الجنين بإذن الله..
في حملي الأول خمخمت ملابس زرقاء لما قلت بس (وأيضاً وردية).. وبعدين طلعت بنت.. الله يحفظها ويخليها.. لكن الملابس الزرقاء صارت تحرجني ما أقدر ألبسها قدام الناس مع أنها غالية.. يعني ضاعت علي..

أنصحك تصبرين شوي..


-

يحليلكم يا لمفطرات
بسمه براءة اشحالج ......... ها وين شا يله قشج وطالعه عن بيتج على وين مسيره هههههه
الغاليه ام التوام .........الحال من بعضه الكروش فاضحتنا
رسيل <<<<<<<<< البطه ههههههههه اشحالج قلبي

اهلين وسهلين بالكروشات الصغيونه
برجع لكم اذا فضيت شوي
تدرون السبت والاحد ويك اند ومشغولين
عليه ياقلبي وسعي صدرك وسولفي علينا وفضفضي بعد
والله يعينك على الحبسه بس كله لعيون البيبي