مساء الخير على الجميع الغايب والحاضر
اخباري على السريع وراجعه ارد عليكم (مااعرف اترك احد بدون رد توجعني يديني ولساني يحكني خخخ)
يوم الخميس كلمتني الدكتوره قالت عندي التهاب وتعالي بكره ...قلنا خير ان شاء الله
عطتني مضااااد يروع (زوجي راح من وراي عنده محاضرات ولا هو فاضي لي )
المهم الله يهديه كنت بسالها مئه سؤال بس ماجى الا والمضاد في يده
صراااحه الي يومكم مااستخدمته يخوف حبته كبيره تغصص و4 مرات في اليوم اخذه لين تخلص العلبه
قلت بسال الدكتوره رانده واشوف .....من صارلها كذااااا
امس السبت رحت اتسوق وصرفت كل الي معي (ماانعطى دراهم)ومن الي شريت كريم حلو من بودي شوب للبشره الجافه عجبني
واليوم ولدي ارتفعت حرارته مررره وعنده كحه (كحة شياب) وقاعده اكمده والله يعين
مساء الخير على الجميع الغايب والحاضر
اخباري على السريع وراجعه ارد عليكم (مااعرف اترك احد بدون...
المرهفه .. المسفهلة ..الغاليه ام التوأم .. ام الكتاكيت .. قوارير .. شعر بنات .. الفراغ القاتل .. الم و حزن .. om rashodi .. علية .. حنين الفهد
و الغايبات صار لهم فتره
راعية مبدأ .. حنين الفهد .. كلي امل ... رسيل .. أم كـادي .. nalle .. بسمة براءة .. ام مهديم .. عشق 23 .. بـنـت نـاس .. بندوري
كل كل البنات ماشاءالله .. الله لا يفرق الجمعه الحلوه هذه و اعذروني اذا نسيت اي اسم
مالي عيني حياج الله معانا
المرهفه .. سلامتك و سلامة ابنك .. شنو الالتهاب هذا اللي تحتاجي 4 مرات حبوب في اليوم .. و فعلا انا بعد لما اشك بموضوع الادويه .. اسأل الدكتوره رانده
بالنسبه لكحة الشياب عند ابنك .. اذا عندك القرفه ( بس اعواد القرفه يعني مو المطحونه ) اغلي 3 او اربع اعواد بكمية كوب و نص ماء .. مدة ربع ساعه و خليه يشربها .. تقضي على اي اثر كحه
و ممكن تنقعي حمص .. و بعدين تغليه .. و تشربي ابنك ماء الحمص ( بعد ما يستوي الحمص طبعا ) .. انتي حطي له شوي ملح و ليمون لما تقدميه و هو حار .. يدفي صدره و يريحه ..
انا للامس عندي الاستفراغ الصباحي هذا .. مع انه المفروض يروح .. بس الحمدلله صرت شوي احسن من قبل ناحية التعب .. كنت كــــــــل اليوووووم نايمه .. ما فيني ذرة حيل نشاط .. احس ان الحمدلله شوي احسن
بنات انا سألتكم اني صايره ابدا ما اقدر انام على ظهري بالليل .. انتوا بعد نفس الحاله و لا عادي