السلام عليكم
اخواتي الغاليات
نفاسك قرب وماتدرين كيف الاستعداد او متلخبطه شوي شوفي البرنامج
وعطوني رايكم وتعديلكم عليه
بسم الله
بالنسبه لك اختي الحامل اذا وصلتي السابع وماخلصتي تقضيه
الحقي ع نفسك لانك بتصيرين ثقيله والوحده ماتدري متى تولد
الاهم
شنطه المستشفى تكون جاهزه بالشهر السابع
قومي اللحين ياحلوه وقفليها وحطي داخلها
لك::
1-فوطه للجسم / شامبو/صابون/فرشه اسنان ومعجون
2-مكياج/عطر/فرشه شعر/بكله او طوق للشعر
3-لبس للاستقبال
4-كلوت يومي/كلوتات قطن/سراويل داخليه علشان البرد/ستيانات رضاعه
5-بجامتين او قميصين زي ماتحبي المهم غيارين يكفيك ان شاءالله
6-المستشفى بيوفر فوط الولاده لوتس بس انا اقول خذي حبتين احسن لان الحمام دايم يخلص ويمكن تتاخر الممرضه ماتعبي
7-الاكل:علبه صغيره داخلها حليب او شمر
علبه صغيره داخلها تمر او مصابيب او ساندوش
علبه صغيره داخلها (مره) علشان لو جاك الم يمكن شمم
علبه صغيره داخلها (حلتيت) علشان لو تعسرت الولاده
والقرفه اعتقد انها تسكر الرحم خذوها بعد الولاده مو قبلها
خذي اكواب ورق وملاعق صغيره يكفي 4 حبات
لان المستشفى مايعطونك الاكل بسرعه وعندهم بس وجبات ومعها عصير ويمكن ماتعجبك
بالنسبه للبيبي
جيبي مهاد يعني لفه وحطي داخله بربتوز داخلي ولبس خارجي و قبعه وبامبرز واحد
هذيها خليه ملفوفه مع بعض وسوي منها اثنين
لان الممرضه بتطلب منك غيار للطفل
وكيسه ثانيه حطي داخلها بطانيه او مدس للخروج من المستشفى واذا تحبي فرشه شعر او مقص اظافر للطفل او حليب نوع معين
بالنسبه للبيت:::
المطبخ/////
حذي دولاب كامل في جهه وحده
الرف الاول بداخله طقم صحون مع اكوابها والملاعق فخمه لو صار عندك عشاء
الرف الثاني طقم القهوه كامل وحطي الترمس بجانبها الفناجيل والطوفريه علشان يسهل ع صديقتك تساعدك وتسويه للضيوف
الرف الثالث ترمس و طقم البيالات
الرف الرابع حطي فيه تقديمات شوكولاته او بسكوت
الرف الخامس خليه لك وحطي بداخله::
1)-علبه حليب
2)-علبه مقسمه لاكثر من نوع حطي داخلها البهارات
وانا ماافضل ابد خلط الاعشاب
يعني خلي كل قسم بالعلبه نوع
وافضل الاعشاب للنفاس
(حلبه / رشاد/ فلفل اسود/ حبه البركه/كمون/شمر/يانسون /زنجبيل/قرفه)
3)-علبه فيها تمر لانه مفيد بالنفاس
4)-عسل والافضل الطبيعي
هذه كلها لك خليها بالرف الخامس مع اكواب ورق وملاعق بلاستيك وحطي ترمس للمويه الحاره لك بنفس الرف
لمكان جلوسك::::
جهزي السرير حقك والمفرش وحطي جنبه كمدينه او دروج او طاوله
ويكون فوقها سله او طوفريه
تحطي فيها رضاعات الطفل او البهارات لك او ساندوش لك او ترمس المويه والحليب والتمر يكون قريب منك
سرير الطفل يكون بجنبك والافضل سرير السله بكفرات
وجهزي مستلزمات الطفل داخل السله اللي تحت سريره
(بامبرز حديث الولاده/ مناديل تمسيح/اكياس للبامبرز/بودره جسم/زيت للجسم/عطر خفيف/
اعواد تنظيف الاذن او الانف/ بودره للسر وشاش ومسحه طبيه)
الحمام::::
الحمام بيكون خاص فيك او اللي تستخدميه
حطي داخله سلطه فيها
غسول بيتادين / والانواع اللي تستخدميها/ منقوع المره او الملح/ كريم ميبو وشاش/ فوط لوتس للولاده/شامبو/مقشرللجسم/مرطب للجسم/بودره جسم/كلوت قطن وكلوت يومي )علشان لو توسخ الكلوت صعبه تطلعين من الحمام وتجيبين وترجعين وكل وحده تعرف الاشياء اللي تستخدمها
يا بنات بقول لكم شغله
اغراضكم جهزوها وحطو كل شي في مكانه
او حطيهم في سلات علشان اذا ولدتي يسهل عليك تحطي كل سله بمكانها
لاتنسوني من دعواتكم
احساس ملوك @ahsas_mlok
عضوة نشيطة
يلزم عليك تسجيل الدخول أولًا لكتابة تعليق.
جزاك الله ألف ألف خير وجعله بميزان حسناتك
استفدت كثير
كلها بسويها الا الاعشاب
مستحيل اشرب اي اعشاب وانا نفاس
احسها خرطي
انا ع العسل الطبيعي وخصوصا الشمع
والقرفه المغليه
وتمارين كيجل
والاكل الصحي مثل السلطه
والفواكه واللحم والدجاج اغلبه مسلوق
والبيض والبر والتمر والحليب مع العسل
وماشاءالله ارحامي ترجع طبيعيه ولاكأني ولدت
حمدلله
وتدرين ليه ماشرب اعشاب
لان اختي تتفلسف وتشربها ومخصصه
اعشاب للعشرين الاولى واعشاب للعشرين الثانيه
وتخلص الاربعين تشتكي من الخراب والهواء
استفدت كثير
كلها بسويها الا الاعشاب
مستحيل اشرب اي اعشاب وانا نفاس
احسها خرطي
انا ع العسل الطبيعي وخصوصا الشمع
والقرفه المغليه
وتمارين كيجل
والاكل الصحي مثل السلطه
والفواكه واللحم والدجاج اغلبه مسلوق
والبيض والبر والتمر والحليب مع العسل
وماشاءالله ارحامي ترجع طبيعيه ولاكأني ولدت
حمدلله
وتدرين ليه ماشرب اعشاب
لان اختي تتفلسف وتشربها ومخصصه
اعشاب للعشرين الاولى واعشاب للعشرين الثانيه
وتخلص الاربعين تشتكي من الخراب والهواء
الصفحة الأخيرة
مستلزمات تجهيز الحامل
للام والطفل بشمل كامل تدخل ملفي وتشوف موضوعي يشمل كل ماتحتاجينه للشراء