نفاسي بيكون عند ابوي وابي نصايحكم

شلونكم يا بنات؟

انا عندي اشياء شاغلتني وقلت اخذ رايكم وان شاء الله استفيد ويهدأ بالي

موعد ولادتي باذن الله

بحساب الدورة 28 / 8 / 2009

وحساب الالتراساوند 4 / 9 / 2009

طبعا الموعدين في بداية شهر رمضان تقريبا

وبما ان ما عندي ام ( الله يرحمها ) وما يصير اقعد في مكاني

لعدة اسباب بذكرها لكم الحين انا بروح عند ابوي وهو ساكن بروحه حبيب قلبي معاه الله ان شاء الله

الاسباب :

انا ساكنة مع زوجي بمكان مكون من غرفتين وهذي مئة مرة اذكرها بالنت الله يستر على الجميع

الغرفتين وحدة مبنية بالطوب وقديمة جدا ما فيها فتحة تهوية بالمرة وجدرانها متشبعة رطوبة الحمدلله على كل حال

والغرفة الثانية زوجي الله يحفظه هو سواها من الخشب والسقف المنيوم

وبعد ما فيها تهوية وما فيها لا مروحة ولا مكيف طبعا هذي اطبخ فيها وانشر فيها ملابسنا وفيها التلفزيون والكومبيوتر والثلاجة

وعندي حمام بالغرفة الاولى وحمامي سقفه متآكل تنزل منه اشياء مثل نشارة الخشب وبما ان المكيف صاير فوقه مباشرة

ماي المكيف يدخل لي من سقف الحمام

المهم

علشان اتنقل بين الغرفتين لازم اركب على طاولة بارتفاع 45 سم تقريبا لان الغرفة الاولى ارفع من الغرفة الثانية بوايد

علشان جذي صعب اقعد بمكاني بعد الولادة مباشرة

بيكون حر على البيبي

وتعب علي خصوصا وانه بشهر رمضان ولان عندي حبيب قلبي ولدي الاول داون ( فيه متلازمة داون )

عمره سنة وثمانية شهور حاليا

توه بدأ يوقف ويتخطى وهو يمسك الاشياء وما شاء الله عليه وايد حركي ويحوس في كل شي ويفتح الادراج

ويلعب في اسلاك الكهرباء لان احنا معتمدين على التوصيلات الكهربائية

المطلوب منكم

1. جم الفترة اللي اقعد فيها عند ابوي؟ لا تنسون زوجي والصيام

2. شنو اخذ معاي من اغراض للبيبي وولدي وحقي؟

3. شلون اساعد ابوي ما ابيه يخدمني وانا جالسة اطالعه ( خنقتني العبرة ) يعني بالنسبة لتنظيف المكان والطبخ

4. شلون اهتم بنفسي بما اني نفاس خصوصا وان ولادتي الاولى جلست مع ولدي 20 يوم بالمستشفى لانه كان مريض وكان عنده صفار

5. ووووووووودي ارضع طبيعي شنو تنصحوني

6. تكفووووووون لا وحدة تغثني بردها اللي تبي تساعدني بنصايحها لوجه الله على عيني وراسي وبقلبي بعد

لكن انا اعيش بهم ودوم احاتي ومو ناقصة احد يزيد همي ارجووووووووكم

والله اني احبكم في الله

واذا تذكرت شي بسألكم بعد